15ನೇ ಆವೃತ್ತಿಯ ಐಪಿಎಲ್‌ನ ಪ್ಲೇ-ಆಫ್‌ ಪ್ರವೇಶದ ನಿರೀಕ್ಷೆಯಲ್ಲಿರುವ ಲಕ್ನೋ ಸೂಪರ್‌ ಜೈಂಟ್ಸ್‌ ಹಾಗೂ ರಾಜಸ್ಥಾನ್‌ ರಾಯಲ್ಸ್‌ ತಂಡಗಳು ಹೈ-ವೋಲ್ಟೇಜ್‌ ಪಂದ್ಯದಲ್ಲಿ ಮುಖಾಮುಖಿಯಾಗುತ್ತಿವೆ.
ಟೂರ್ನಿಯಲ್ಲಿ ಈಗಾಗಲೇ ಯಶಸ್ವಿ ಪ್ರದರ್ಶನ ನೀಡಿರುವ ಉಭಯ ತಂಡಗಳು ಇಂದಿನ ಪಂದ್ಯದಲ್ಲಿ ಗೆಲುವಿನ ನಿರೀಕ್ಷೆಯಲ್ಲಿವೆ. ಮುಂಬೈನ ಬ್ರೆಬೋರ್ನ್‌ ಮೈದಾನದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್‌ ಗೆದ್ದ ರಾಜಸ್ಥಾನ್‌ ರಾಯಲ್ಸ್‌ ತಂಡದ ನಾಯಕ ಸಂಜೂ ಸ್ಯಾಮ್ಸನ್‌, ಬ್ಯಾಟಿಂಗ್‌ ಆಯ್ಕೆ ಮಾಡಿಕೊಂಡಿದ್ದಾರೆ. ಗೆಲುವಿನ ಲೆಕ್ಕಾಚಾರದೊಂದಿಗೆ ಕಣಕ್ಕಿಳಿಯುತ್ತಿರುವ ಹಿನ್ನೆಲೆಯಲ್ಲಿ ಎರಡು ತಂಡಗಳಲ್ಲಿ ಕೆಲವೊಂದು ಬದಲಾವಣೆ ಮಾಡಿಕೊಳ್ಳಲಾಗಿದೆ.
ಟೂರ್ನಿಯಲ್ಲಿ ಈಗಾಗಲೇ ಯಶಸ್ಸಿನ ಅಲೆಯಲ್ಲಿರುವ ಲಕ್ನೋ ಸೂಪರ್‌ ಜೈಂಟ್ಸ್‌, ಪಾಯಿಂಟ್ಸ್‌ ಟೇಬಲ್‌ನಲ್ಲಿ 2ನೇ ಸ್ಥಾನದಲ್ಲಿದೆ. ಹೀಗಾಗಿ ಇಂದಿನ ಪಂದ್ಯದಲ್ಲಿ ಲಕ್ನೋ ಗೆದ್ದರೆ ಪ್ಲೇ-ಆಫ್‌ ಸ್ಥಾನ ಬಹುತೇಕ ಖಚಿತವಾಗಲಿದೆ. ಆದರೆ 3ನೇ ಸ್ಥಾನದಲ್ಲಿರುವ ರಾಜಸ್ಥಾನ್‌ ಈ ಪಂದ್ಯ ಗೆದ್ದಲ್ಲಿ, ಪ್ಲೇ-ಆಫ್‌ ಸ್ಥಾನದ ಕನಸು ಇನ್ನೂ ಜೀವಂತವಾಗಿರಲಿದೆ.
ಉಭಯ ತಂಡಗಳು:
ಲಕ್ನೋ ಸೂಪರ್‌ ಜೈಂಟ್ಸ್‌: ಕ್ವಿಂಟನ್‌ ಡಿಕಾಕ್‌, ಕೆ.ಎಲ್. ರಾಹುಲ್‌(ನಾಯಕ), ದೀಪಕ್‌ ಹೂಡ, ಕೃನಾಲ್‌ ಪಾಂಡ್ಯ, ಆಯುಷ್‌ ಬಡೋನಿ, ಮಾರ್ಕಸ್‌ ಸ್ಟಾಯ್ನಿಸ್‌, ಜೇಸನ್‌ ಹೋಲ್ಡರ್‌, ದುಶ್ಮಂತ ಚಮೀರ, ರವಿ ಬಿಷ್ಣೋಯಿ, ಅವೇಶ್‌ ಖಾನ್‌, ಮೋಸಿನ್‌ ಖಾನ್‌
ರಾಜಸ್ಥಾನ್‌ ರಾಯಲ್ಸ್‌: ಯಶಸ್ವಿ ಜೈಸ್ವಾಲ್‌, ಜಾಸ್‌ ಬಟ್ಲರ್‌, ಸಂಜೂ ಸ್ಯಾಮ್ಸನ್‌(ನಾಯಕ), ದೇವದತ್‌ ಪಡಿಕ್ಕಲ್‌, ಜೇಮ್ಸ್‌ ನೀಶಮ್‌, ರಿಯಾನ್‌ ಪರಾಗ್‌, ಆರ್. ಅಶ್ವಿನ್‌, ಟ್ರೆಂಟ್‌ ಬೋಲ್ಟ್‌, ಪ್ರಸಿದ್ಧ ಕೃಷ್ಣ, ಯುಜುವೇಂದ್ರ ಚಹಲ್‌, ಒಬೇಡ್‌ ಮೆಕಾಯ್‌.
