ಮಾಜಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ಆಡುವ 11ರ ಬಳಗವನ್ನು ಕಟ್ಟಲು ಹರಸಾಹಸ ಪಡುತ್ತಿದೆ. ಮತ್ತೊಂದು ಕಡೆ ಪ್ಯಾಟ್ ಕಮಿನ್ಸ್ ಮತ್ತು ಆ್ಯರೋನ್ ಫಿಂಚ್ ಆಗಮನ ಕೊಲ್ಕತ್ತಾ ನೈಟ್ ರೈಡರ್ಸ್ ತಂಡವನ್ನು ಬಲಿಷ್ಠಗೊಳಿಸಿದೆ. ಮುಂಬೈ ಆಡಿರುವ 2 ಪಂದ್ಯಗಳಲ್ಲಿ ಸೋತಿದ್ದರೆ, ಕೆಕೆಆರ್ 3 ಪಂದ್ಯಗಳ ಪೈಕಿ 2ನ್ನು ಆಗಲೇ ಗೆದ್ದಿದೆ. ಹೀಗಾಗಿ ಪುಣೆಯ ಎಂಸಿಎ ಕ್ರೀಡಾಂಗಣದಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಲಕ್ ಬದಲಾಗುತ್ತಾ ಅನ್ನುವ ಕುತೂಹಲ ಹೆಚ್ಚಿದೆ.
ಕೆಕೆಆರ್ ವಿರುದ್ಧದ ಪಂದ್ಯಕ್ಕೆ ಮುಂಬೈ ತಂಡದಲ್ಲಿ ದೊಡ್ಡ ಬದಲಾವಣೆ ಮಾಡುವುದು ಖಚಿತ. ಇಶನ್ ಕಿಶಾನ್ ಮತ್ತು ರೋಹಿತ್ ಶರ್ಮಾ ಇನ್ನಿಂಗ್ಸ್ ಆರಂಭ ಮಾಡಲು ಯಾವುದೇ ತೊಡಕಿಲ್ಲ. ಆದರೆ ಅನ್ಮೊಲ್ ಪ್ರಿತ್ ಸಿಂಗ್ ಜಾಗ ಸೂರ್ಯಕುಮಾರ್ ಯಾದವ್ ಪಾಲಾಗುತ್ತದೆ. ತಿಲಕ್ ವರ್ಮಾ ನೈಜ ಆಟದ ಪ್ರದರ್ಶನವಾಗಿದೆ. ಟಿಮ್ ಡೇವಿಡ್ ಬದಲು ದಕ್ಷಿಣ ಆಫ್ರಿಕಾದ ಬೇಬಿ ಎಬಿಡಿ ಖ್ಯಾತಿಯ ಡಿವಾಲ್ಡ್ ಬ್ರೆವಿಸ್ ಕಣಕ್ಕಿಳಿಯಬಹುದು. ಕೈರಾನ್ ಪೊಲ್ಲಾರ್ಡ್ ಮುಂಬೈ ಇಂಡಿಯನ್ಸ್ ತಂಡದ ಇಂಪಾರ್ಟೆಂಟ್ ಲಿಂಗ್. ಡೇನಿಯಲ್ ಸ್ಯಾಮ್ಸ್ ಬದಲು ಆಲ್ರೌಂಡರ್ ಫ್ಯಾಬಿಯನ್ ಅಲೆನ್ ಅವಕಾಶ ಪಡೆಯಬಹುದು. ಮುರುಗನ್ ಅಶ್ವಿನ್, ಜಸ್ಪ್ರಿತ್ ಬುಮ್ರಾ, ಜಯದೇವ್ ಉನದ್ಕಟ್ ಭಾರತೀಯ ಬೌಲರ್ಗಳಾದರೆ, ಟೈಮಲ್ ಮಿಲ್ಸ್ ಫಾರಿನ್ ಕೋಟಾದ 4ನೇ ಆಟಗಾರ. ಅಲೆನ್ ಮತ್ತು ಪೊಲ್ಲಾರ್ಡ್ ಬ್ಯಾಟಿಂಗ್ ಜೊತೆಗೆ ಬೌಲಿಂಗ್ ಬಲವನ್ನೂ ಹೆಚ್ಚಿಸಬೇಕಾಗುತ್ತದೆ.
ಕೆಕೆಆರ್ ತಂಡವೂ ಕೆಲವು ಬದಲಾವಣೆ ಮಾಡಬೇಕಾಗುತ್ತದೆ. ವೆಂಕಟೇಶ್ ಅಯ್ಯರ್ ಮತ್ತು ಸ್ಯಾಮ್ ಬಿಲ್ಲಿಂಗ್ಸ್ ಅನಿವಾರ್ಯವಾಗಿ ಇನ್ನಿಂಗ್ಸ್ ಆರಂಭಿಸಬೇಕಾಗಿದೆ. ಅಥವಾ ಸುನೀಲ್ ನರೈನ್ ಕೂಡ ಈ ಕೆಲಸ ಮಾಡಬಹುದು. ನಿತೀಶ್ ರಾಣಾ ಮತ್ತು ಶ್ರೇಯಸ್ ಅಯ್ಯರ್ ಬ್ಯಾಟಿಂಗ್ ಲೈನ್ ಅಪ್ನ ಆಧಾರ ಸ್ಥಂಭಗಳು. ಆ್ಯಂಡ್ರೆ ರಸೆಲ್ ಮತ್ತು ಪ್ಯಾಟ್ ಕಮಿನ್ಸ್ ಬ್ಯಾಟಿಂಗ್ ಬಲ ಬೋನಸ್. ಶೆಲ್ಡನ್ ಜಾಕ್ಸನ್ ಅಥವಾ ಅನುಕುಲ್ ರಾಯ್ ಇಬ್ಬರಲ್ಲಿ ಒಬ್ಬರು ಆಡಬಹುದು. ಉಮೇಶ್ ಯಾದವ್, ವರುಣ್ ಚಕ್ರವರ್ತಿ ಮತ್ತು ಶಿವಂ ಮಾವಿ ಫಾಸ್ಟ್ ಬೌಲರ್ಗಳು.
ಪುಣೆ ಪಿಚ್ನಲ್ಲಿ ಹೈ ಸ್ಕೋರ್ ದಾಖಲಾಗುವುದು ಗ್ಯಾರೆಂಟಿ. ಆದರೆ ಮುಂಬೈ ಬ್ಯಾಟಿಂಗ್ ಮತ್ತು ಬೌಲಿಂಗ್ನಲ್ಲಿ ವೀಕ್ ಲಿಂಕ್ ಹೊಂದಿರುವುದರಿಂದ ಕೊಂಚ ದುರ್ಬಲವಾಗಿ ಕಾಣುತ್ತಿದೆ.