ಐಪಿಎಲ್ನಲ್ಲಿ ಶತಕ ಸಿಡಿಸಿದವರ ಪಟ್ಟಿ ಒಂದೆಡೆಯಾದರೆ ಮತ್ತೊಂದೆಡೆ ಶತಕ ವಂಚಿತರ ಪಟ್ಟಿ ಇದೆ. ಈ ಬಾರಿಯ ಐಪಿಎಲ್ನಲ್ಲೂ ನರ್ವಸ್ 90ಯಲ್ಲಿ ಔಟಾದ ಹಲವು ಆಟಗಾರರಿದ್ದಾರೆ. ಒಂದೊಂದು ರನ್ ಕೂಡ ಬ್ಯಾಟ್ಸ್ ಮನ್ ಪಾಲಿಗೆ ಅತ್ಯಮೂಲ್ಯ ಅನ್ನುವುದು ಅರಿವಾಗಿದೆ.
99: ರುತುರಾಜ್ ಗಾಯಕ್ವಾಡ್, 57 ಎಸೆತ, ಸನ್ ರೈಸರ್ಸ್ ಹೈದ್ರಾಬಾದ್ ವಿರುದ್ಧ
ಫಾರ್ಮ್ ಸಮಸ್ಯೆ ಎದುರಿಸಿದ್ದ ರುತುರಾಜ್ ಗಾಯಕ್ವಡ್ ಸನ್ ರೈಸರ್ಸ್ ವಿರುದ್ಧದ ಪಂದ್ಯದಲ್ಲಿ ಮಿಂಚಿರು. 57 ಎಸೆತಗಳಲ್ಲಿ 99 ರನ್ಗಳಿಸಿದ್ದ ರುತುರಾಜ್, ಶತಕ ವಂಚಿತರಾಗಿ ನಿರಾಸೆ ಅನುಭವಿಸಿದರು.
96: ಶುಭ್ಮನ್ ಗಿಲ್: 59 ಎಸೆತ, ಪಂಜಾಬ್ ಕಿಂಗ್ಸ್ ವಿರುದ್ಧ
ಶುಭ್ಮನ್ ಗಿಲ್ ಪಂಜಾಬ್ ಕಿಂಗ್ಸ್ ವಿರುದ್ಧ ಚೇಸಿಂಗ್ನಲ್ಲಿ ಈ ಸಾಧನೆ ಮಾಡಿದ್ದರು. ಕೇವಲ 59 ಎಸೆತಗಳಲ್ಲಿ 96 ರನ್ ಸಿಡಿಸಿದ್ದರು. ಆದರೆ ನರ್ವಸ್ 90ಯಲ್ಲಿ ಔಟಾಗಿ ಶತಕ ವಂಚಿತರ ಪಟ್ಟಿ ಸೇರಿದರು.
96: ಫಾಫ್ ಡು ಪ್ಲೆಸಿಸ್: 64 ಎಸೆತ, ಲಖನೌ ಸೂಪರ್ ಜೈಂಟ್ಸ್ ವಿರುದ್ಧ
ಆರ್ಸಿಬಿ ನಾಯಕ ಫಾಫ್ ಡು ಪ್ಲೆಸಿಸ್ ಈ ಇನ್ನಿಂಗ್ಸ್ ಅಮೋಘವಾಗಿತ್ತು. ಆದರೆ ಫಾಫ್ 96 ರನ್ಗಳಿಸಿ ಔಟಾಗಿದ್ದು ಅಭಿಮಾನಿಗಳಿಗೆ ನಿರಾಸೆ ತಂದಿತ್ತು.
ಅಜೇಯ 95: ಶಿವಂ ದುಬೆ, 46 ಎಸೆತ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ
ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಶಿವಂ ದುಬೆ ರಾಯಲ್ ಚಾಲೆಂಜರ್ಸ್ ವಿರುದ್ಧದ ಪಂದ್ಯವೊಂದರಲ್ಲಿ ಅಬ್ಬರಿಸಿ ಬೊಬ್ಬಿರಿದಿದ್ದರು. ಅಂದು ಶಿವಂ ದುಬೆ ಕೇವಲ 46 ಎಸೆತಗಳಲ್ಲಿ ಅಜೇಯ 95 ರನ್ ಸಿಡಿಸಿದ್ದರು. ಇನ್ನಿಂಗ್ಸ್ನ ಕೊನೆಯ ಎಸೆತದಲ್ಲಿ ಸಿಕ್ಸರ್ ಬಾರಿಸಿದ್ದರೆ ದುಬೆ ಶತಕ ಸಂಭ್ರಮ ಆಚರಿಸಿಕೊಳ್ಳುತ್ತಿದ್ದರು. ಆದರೆ ಅದು ಸಾಧ್ಯವಾಗದೇ 95 ರನ್ಗಳಲ್ಲಿ ಅಜೇಯ ರಾಗಿ ಉಳಿದರು.
ಅಜೇಯ 94: ಡೇವಿಡ್ ಮಿಲ್ಲರ್: 51 ಎಸೆತ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ
ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧದ ಕ್ಲಾಸಿಕ್ ಚೇಸಿಂಗ್ನಲ್ಲಿ ಗುಜರಾತ್ ಟೈಟಾನ್ಸ್ನ ಡೇವಿಡ್ ಮಿಲ್ಲರ್ ಮಿಂಚಿನ ಆಟ ಪ್ರದರ್ಶಿಸಿದ್ದರು. ಮಿಲ್ಲರ್ 51 ಎಸೆತಗಳಲ್ಲಿ ಅಜೇಯ 94 ರನ್ಗಳಿಸಿದ್ದರು.