ಈ ಬಾರಿ ಐಪಿಎಲ್ನಲ್ಲಿ ಟಾಸ್ ಗೆದ್ದವನೇ ಬಾಸ್ ಅನ್ನುವುದು ಅರ್ಥವಾಗಿದೆ. ಇಬ್ಬನಿ ಹೈ ಸ್ಕೋರ್ ಗಳನ್ನು ಕೂಡ ಚೇಸ್ ಮಾಡುವಂತೆ ಮಾಡಿದೆ. ಮುಕ್ತಾಯ ಕಂಡಿರುವ 7 ಪಂದ್ಯಗಳ ಪೈಕಿ 6 ನ್ನು ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡ ತಂಡಗಳೇ ಗೆದ್ದಿವೆ. ಹೀಗಾಗಿ ಐಪಿಎಲ್ 15ನೇ ಆವೃತ್ತಿಯಲ್ಲಿ ಪಂದ್ಯ ಗೆಲ್ಲಬೇಕು ಅಂದರೆ ಟಾಸ್ ಗೆಲ್ಲಬೇಕು ಅನ್ನುವುದು ಸಾಮಾನ್ಯವಾಗಿದೆ.
ಬ್ರೆಬೋರ್ನ್: 2 ಪಂದ್ಯ 777 ರನ್, 22 ವಿಕೆಟ್
ವಾಂಖೆಡೆ ಪಕ್ಕದಲ್ಲೇ ಇರುವ ಕ್ರಿಕೆಟ್ ಕ್ಲಬ್ ಆಫ್ ಇಂಡಿಯಾದ ಮೈದಾನ ಬ್ರೆಬೋರ್ನ್ ನಲ್ಲಿ ಹೈ ಸ್ಕೋರ್ನದ್ದೇ ಮಾತು. ಬೌಂಡರಿ, ಸಿಕ್ಸರ್ಗಳದ್ದೇ ಲೆಕ್ಕ. ಇಲ್ಲಿ ಆಡಿರುವ 2 ಪಂದ್ಯಗಳಿಂದ ಬರೋಬ್ಬರಿ 777 ರನ್ ಸಿಡಿದಿದೆ. ಆದರೆ ಎರಡೂ ಪಂದ್ಯಗಳಿಂದ ಬೌಲರ್ಗಳು ಕಬಳಿಸಿದ್ದು ಕೇವಲ 2 ವಿಕೆಟ್ ಮಾತ್..! 4 ಇನ್ನಿಂಗ್ಸ್ಗಳ ಪೈಕಿ 2 ಇನ್ನಿಂಗ್ಸ್ಗಳು 200ರ ಗಡಿ ದಾಟಿವೆ..!
ಡಿ.ವೈ. ಪಾಟೀಲ್: 2 ಪಂದ್ಯ, 673 ರನ್ 24 ವಿಕೆಟ್
ಡಾ. ಡಿ.ವೈ.ಪಾಟೀಲ್ ಕ್ರೀಡಾಂಗಣದಲ್ಲೂ ರನ್ ಮಳೆಗೆ ಕೊರತೆ ಆಗಿಲ್ಲ. ಇಲ್ಲಿ ಆಡಿದ 2 ಪಂದ್ಯಗಳಿಂದ ಒಟ್ಟು 673 ರನ್ ಸಿಡಿದಿದೆ.ಬೌಲರ್ಗಳು 24 ವಿಕೆಟ್ ಕಬಳಿಸಿದ್ದಾರೆ. ಇಲ್ಲಿ ನಡೆದ ಒಂದು ಪಂದ್ಯದಲ್ಲಿ ಎರಡೂ ತಂಡಗಳು 200 ರನ್ಗಳ ಗಡಿ ದಾಟಿದ್ದರೆ, ಮತ್ತೊಂದು ಪಂದ್ಯದಲ್ಲಿ ಬೌಲರ್ಗಳು ಬ್ಯಾಟ್ಸ್ಮನ್ಗಳನ್ನು ರನ್ಗಾಗಿ ಪರದಾಡುವಂತೆ ಮಾಡಿದ್ದರು.
ವಾಂಖೆಡೆ: 2 ಪಂದ್ಯ: 493 ರನ್, 20 ವಿಕೆಟ್
ವಾಂಖೆಡೆ ಮೈದಾನದಲ್ಲಿ ಸಮಾನ ಫೈಟ್ ನಡೆದಿದೆ. 2 ಪಂದ್ಯಗಳಿಂದ ಇಲ್ಲಿ ಕೇವಲ 493 ರನ್ ಸಿಡಿದಿದೆ. 20 ವಿಕೆಟ್ಗಳು ಉರುಳಿ ಬಿದ್ದಿವೆ. 4 ಇನ್ನಿಂಗ್ಸ್ಗಳ ಪೈಕಿ ಗರಿಷ್ಠ ಮೊತ್ತವೇ 161 ರನ್
ಎಂಸಿಎ ಪುಣೆ: 1ಪಂದ್ಯ, 359 ರನ್, 13 ವಿಕೆಟ್
ಪುಣೆಯ ಮಹಾರಾಷ್ಟ್ರ ಕ್ರಿಕೆಟ್ ಅಸೋಸಿಯೇಶನ್ ಗ್ರೌಂಡ್ನ ಲೆಕ್ಕಾಚಾರ ಇನ್ನೂ ಪಕ್ಕಾ ಆಗಿಲ್ಲ. ಇಲ್ಲಿ ನಡೆದಿರುವುದು ಒಂದೇ ಒಂದು ಪಂದ್ಯ. ಈ ಪಂದ್ಯದ ಮೊದಲ ಇನ್ನಿಂಗ್ಸ್ನಲ್ಲಿ ತಂಡ 200 ರನ್ಗಳ ಗಡಿ ದಾಟಿದರೆ, ಚೇಸಿಂಗ್ ತಂಡ 150ರ ಗಡಿ ಕೂಡ ದಾಟಿರಲಿಲ್ಲ. ನಡೆದಿದ್ದು 1 ಪಂದ್ಯವಾದರೂ 13 ವಿಕೆಟ್ಗಳು ಉರುಳಿವೆ.
