ಆರ್‍ಸಿಬಿ ತಂಡ ರಾಜಸ್ಥಾನ ರಾಯಲ್ಸ್ ವಿರುದ್ಧ 112 ರನ್‍ಗಳ ಭರ್ಜರಿ ಗೆಲುವು ದಾಖಲಿಸುವ ಮೂಲಕ ಐಪಿಎಲ್ ಪ್ಲೇ ಆಫ್ ಆಸೆಯನ್ನು ಜೀವಂತವಾಗಿರಿಸಿಕೊಂಡಿದೆ. ಆರ್‍ಸಿಬಿ 15 ಅಂಕಗಳೊಂದಿಗೆ ಐದನೆ ಸ್ಥಾನಕ್ಕೇರಿದೆ.
ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಆರ್‍ಸಿಬಿಗೆ ನಾಯಕ ಫಾಫ್ ಡುಪ್ಲೆಸಿಸ್ (44 ಎಸೆತ 55ರನ್), ಗ್ಲೆನ್ ಮ್ಯಾಕ್ಸ್‍ವೆಲ್ (33 ಎಸೆತ, 54 ರನ್)ಅರ್ಧ ಶತಕಗಳ ನೆರವಿನಿಂದ 5 ವಿಕೆಟ್ ನಷ್ಟಕ್ಕೆ 171 ರನ್‍ಗಳ ಸ್ಪರ್ಧಾತ್ಮಕ ಮೊತ್ತ ದಾಖಲಿಸಿತು. ರಾಜಸ್ಥಾನ ತಂಡ 10.3 ಓವರ್‍ಗಳಲ್ಲಿ 59 ರನ್‍ಗಳಿಗೆ ಆಲೌಟ್ ಆಯಿತು.
ಆರ್‍ಸಿಬಿ ವೇಗಿ ವಾಯ್ನೆ ಪಾರ್ನೆಲ್ (10ಕ್ಕೆ 3 ವಿಕೆಟ್) ಪಡೆದು ಮಿಂಚಿದರು. ಸ್ಪಿನ್ನರ್‍ಗಳಾದ ಮೈಕಲ್ ಬ್ರೇಸ್‍ವೆಲ್ (16ಕ್ಕೆ 2ವಿಕೆಟ್ ಮತ್ತು ಕರಣ್ ಶರ್ಮಾ 19ಕ್ಕೆ 2 ವಿಕೆಟ್ ಪಡೆದರು. ರನ್ ಯಂತ್ರ ವಿರಾಟ್ ಕೊಹ್ಲಿ (18ರನ್) ವೇಗಿ ಆಸಿïಗೆ ಸುಲಭವಾಗಿ ವಿಕೆಟ್ ಒಪ್ಪಿಸಿದರು.
ಕೊಹ್ಲಿ ಹಾಗು ನಾಯಕ ಫಾಫ್ ಡುಪ್ಲೆಸಿಸ್ ಮೊದಲ ವಿಕೆಟ್‍ಗೆ 50 ರನ್ ಸೇರಿಸಿದರು. ಆರ್‍ಸಿಬಿ ಪರ ಫಾಫ್ ಡುಪ್ಲೆಸಿಸ್ ಮತ್ತು ಮ್ಯಾಕ್ಸ್‍ವೆಲ್ ಎರಡನೆ ವಿಕೆಟ್‍ಗೆ 69 ರನ್ ಸೇರಿಸಿದರು. ಆದರೆ ಮಧ್ಯಮ ಕ್ರಮಾಂಕ ಮತ್ತೊಮ್ಮೆ ಎಡವಿತು.
ನಂತರ ಬಂದ ಮಹಿಪಾಲ್ ಲೊಮ್ರೊರೊರ್ 1, ದಿನೇಶ್ ಕಾರ್ತಿಕ್ 0, ಮೈಕಲ್ ಬ್ರೇಸ್‍ವೆಲ್ ಅಜೇಯ 9 ರನ್ ಗಳಿಸಿದರು. ಕೊನೆಯಲ್ಲಿ ಅನೂಜ್ ರಾವತ್ 11 ಎಸೆತಗಳಲ್ಲಿ 3 ಬೌಂಡರಿ 2 ಸಿಕ್ಸರ್ ಸಿಡಿಸಿ ಅಜೆಯ 29 ರನ್ ಕಲೆ ಹಾಕಿದರು.
ರಾಜಸ್ಥಾನ ರಾಯಲ್ಸ್ ಪರ ಆ್ಯಡಮ್ ಜಾಂಪ 25ಕ್ಕೆ 2, ಕೆ.ಎಂ.ಆಸೀಫ್ 42ಕ್ಕೆ 2 ವಿಕೆಟ್ ಪಡೆದರು. ಸಂದೀಪ್ ಶರ್ಮಾ 34ಕ್ಕೆ 1 ವಿಕೆಟ್ ಪಡೆದರು.
172 ರನ್‍ಗಳ ರನ್ ಗುರಿ ಬೆನ್ನತ್ತಿದ ರಾಜಸ್ಥಾನ ತಂಡಕ್ಕೆ ವೇಗಿಗಳಾದ ಮೊಹ್ಮದ್ ಸಿರಾಜ್ ಮತ್ತು ವಾಯ್ನೆ ಪರ್ನೆಲ್ ಆಘಾತಗಳ ಆಘಾತ ನೀಡಿದರು.
ಯಶಸ್ವಿ ಜೈಸ್ವಾಲ್ (0)ಸಿರಾಜ್‍ಗೆ ವಿಕೆಟ್ ಒಪ್ಪಿಸಿದರು, ನಂತರ ದಾಳಿಗಿಳಿದ ವೇಗಿ ಪಾರ್ನೆಲ್ , ಜೋಸ್ ಬಟ್ಲರ್ (0), ಸಂಜು ಸ್ಯಾಮ್ಸನ್ 4, ಜೋ ರೂಟ್ 10 ಅವರುಗಳನ್ನು ಬಲಿತೆಗೆದುಕೊಂಡು ಪಂದ್ಯಕ್ಕೆ ದೊಡ್ಡ ತಿರುವು ನೀಡಿದರು.
ನಂತರ ಸ್ಪಿನ್ನರ್‍ಗಳಾದ ಮೈಕಲ್ ಬ್ರೇಸ್ ವೆಲ್ ದಾಳಿಗಿಳಿದು ದೇವದತ್ ಪಡಿಕಲ್ 4ರನ್ , ಧ್ರುವ್ ಜುರೆಲ್‍ಗೆ (1 ರನ್)ಅವರನ್ನು ಪೆವಿಲಿಯನ್‍ಗೆ ಅಟ್ಟಿದರು. ಆರ್.ಅಶ್ವಿನ್ ರನೌಟ್ ಬಲೆಗೆ ಬಿದ್ದರು.
ಏಕಾಂಗಿ ಹೋರಾಟ ಮಾಡಿದ ಶಿಮ್ರಾನ್ ಹೇಟ್ಮಯರ್ 35, ಮ್ಯಾಕ್ಸ್‍ವೆಲ್‍ಗೆ ವಿಕೆಟ್ ಒಪ್ಪಿಸಿದರು. ಆ್ಯಡಮ್ ಜಾಂಪ 2 ರನ್ ಗಳಿಸಿವುದರೊಂದಿಗೆ ರಾಜಸ್ಥಾನ ತಂಡ ಸುಲಭವಾಗಿ ಶರಣಾಯಿತು.
ಆರ್‍ಸಿಬಿ ಪರ ವಾಯ್ನೆ ಪಾರ್ನೆಲ್ 10ಕ್ಕೆ 3, ಮೈಕಲ್ ಬ್ರೇಸ್‍ವೆಲ್ 16ಕ್ಕೆ 2,ಕರಣ್ ಶರ್ಮಾ 19ಕ್ಕೆ 2, ಮೊಹ್ಮದ್ ಸಿರಾಜ್ 10ಕ್ಕೆ1, ಗ್ಲೆನ್ ಮ್ಯಾಕ್ಸ್‍ವೆಲ್ 3ಕ್ಕೆ 1 ವಿಕೆಟ್ ಪಡೆದರು.
