ಎರಡೂ ತಂಡಗಳಲ್ಲೂ ಬಲಿಷ್ಠವಾಗಿದೆ. ಆದರೆ ಅದೃಷ್ಟ ಮತ್ತು ಸ್ಥಿರ ಪ್ರದರ್ಶನದ ಕೊರತೆ ಎದುರಿಸುತ್ತಿವೆ. ಲೆಕ್ಕಾಚಾರಗಳಲ್ಲಿ ಹೆಚ್ಚು ವ್ಯತ್ಯಾಸ ಇಲ್ಲ. ರಾಯಲ್ ಚಾಲೆಂಜರ್ಸ್ ಎರಡು ಗೆಲುವುಗಳನ್ನು ಕಂಡಿದ್ದರೂ ಅದು ಭರ್ಜರಿ ಗೆಲುವು ಅಲ್ಲ. ಮತ್ತೊಂದು ಕಡೆ ಮುಂಬೈ ಇಂಡಿಯನ್ಸ್ 3 ಪಂದ್ಯಗಳಲ್ಲಿ ಸತತವಾಗಿ ಸೋತಿದ್ದರೂ ಅತ್ಯಂತ ಹೀನಾಯ ಪ್ರದರ್ಶನ ನೀಡಿಲ್ಲ. ಹೀಗಾಗಿ ಪುಣೆಯಲ್ಲಿ ನಡೆಯುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಮುಂಬೈ ಇಂಡಿಯನ್ಸ್ ನಡುವಿನ ಕದನ ಕುತೂಹಲಕ್ಕೆ ಕಾರಣವಾಗಿದೆ.
ಆರ್ಸಿಬಿ ಲೆಕ್ಕಾಚಾರ:
ಆರ್ಸಿಬಿ ತಂಡಕ್ಕೆ ಗ್ಲೆನ್ ಮ್ಯಾಕ್ಸ್ವೆಲ್ ಆಟದ ಲಭ್ಯತೆ ಇದೆ. ಹೀಗಾಗಿ ತಂಡದಲ್ಲಿ ಬದಲಾವಣೆ ಗ್ಯಾರೆಂಟಿ. ಶರ್ಫೇನ್ ರುದರ್ಫೋರ್ಡ್ ನೇರವಾಗಿ ಗ್ಲೆನ್ ಮ್ಯಾಕ್ಸ್ವೆಲ್ಗೆ ಕಾಗ ಮಾಡಿಕೊಡುತ್ತಾರೆ.ಜೋಶ್ ಹ್ಯಾಜಲ್ವುಡ್ ತಂಡ ಕೂಡಿಕೊಂಡಿದ್ದರೂ ಈ ಪಂದ್ಯದಲ್ಲಿ ಆಡುವುದು ಡೌಟ್.
ಬ್ಯಾಟಿಂಗ್ ಲೆಕ್ಕಾಚಾರಕ್ಕೆ ಬಂದರೆ ಫಾಫ್ ಡು ಪ್ಲೆಸಿಸ್, ಅನೂಜ್ ರಾವತ್ ಮತ್ತು ವಿರಾಟ್ ಕೊಹ್ಲಿ ಕಡೆಯಿಂದ ದೊಡ್ಡ ಇನ್ನಿಂಗ್ಸ್ ಬೇಕೇ ಬೇಕು. ಗ್ಲೆನ್ ಮ್ಯಾಕ್ಸ್ ಮೆಲೆ ನಿರೀಕ್ಷೆ ದೊಡ್ಡದಿದೆ. ಶಹಬಾಸ್ ನದೀಮ್ ಮತ್ತು ದಿನೇಶ್ ಕಾರ್ತಿಕ್ ಯಾವ ಹಂತದಲ್ಲಾದರೂ ಸ್ಪೋಟಕ ಆಟ ಆಡಬಲ್ಲರು.
ವನಿಂದು ಹಸರಂಗ ಮತ್ತು ಹರ್ಷಲ್ ಪಟೇಲ್ ಬೌಲಿಂಗ್ ಆಲ್ರೌಂಡರ್ಗಳು. ಮೊಹಮ್ಮದ್ ಸಿರಾಜ್ ಮತ್ತು ಆಕಾಶ್ ದೀಪ್ ಸ್ಪೀಡ್ ಬೌಲಿಂಗ್ನ ಸ್ಪೆಷಲಿಸ್ಟ್ಗಳು. ಡೇವಿಡ್ ವಿಲ್ಲಿ ಕಡೆಯಿಂದ ಬ್ಯಾಟಿಂಗ್ ಮತ್ತು ಬೌಲಿಂಗ್ ಗಳೆರಡಲ್ಲೂ ತುಂಬಾ ನಿರೀಕ್ಷೆ ಇದೆ.
ಒತ್ತಡದಲ್ಲಿ ಮುಂಬೈ:
ಮುಂಬೈ ತಂಡ ಏನೇ ಮಾಡಿದರೂ ಕೈ ಹಿಡಿಯುತ್ತಿಲ್ಲ. ಇಶಾನ್ ಕಿಶನ್ ಜೊತೆ ಕಣಕ್ಕಿಳಿಯುವ ನಾಯಕ ರೋಹಿತ್ ಶರ್ಮಾ ದೊಡ್ಡ ಇನ್ನಿಂಗ್ಸ್ ಕಟ್ಟದಿದ್ದರೆ ಮತ್ತೆ ಸಂಕಷ್ಟ ಗ್ಯಾರೆಂಟಿ. ಸೂರ್ಯಕುಮಾರ್ ಯಾದವ್, ಡಿವಾಲ್ಡ್ ಬ್ರೆವಿಸ್ ಮತ್ತುತಿಲಕ್ ವರ್ಮಾ ಸ್ಪೋಟಕ ಬ್ಯಾಟಿಂಗ್ ತಂಡಕ್ಕೆ ಶಕ್ತಿ ನೀಡುತ್ತದೆ. ಅನುಭವಿ ಕೈರಾನ್ ಪೊಲ್ಲಾರ್ಡ್ ಇನ್ನಿಂಗ್ಸ್ ಫಿನಿಷ್ ಮಾಡುವುದರಲ್ಲಿ ಎಕ್ಸ್ಪರ್ಟ್.
ಆಲ್ರೌಂಡರ್ ಡೇನಿಯಲ್ ಸ್ಯಾಮ್ಸ್ ಬದಲು ಫ್ಯಾಬಿಯನ್ ಅಲೆನ್ ಆಡಿದರೆ ಹೆಚ್ಚುವರಿ ಎಡಗೈ ಸ್ಪಿನ್ನರ್ ಸೇವೆ ತಂಡಕ್ಕೆ ಸಿಗುತ್ತದೆ ಜೊತೆ ಬ್ಯಾಟಿಂಗ್ ಬಲವೂ ಹೆಚ್ಚುತ್ತದೆ. ಟೈಮಲ್ ಮಿಲ್ಸ್ ಬದಲು ರಿಲಿ ಮೆರಿಡಿತ್ ಆಯ್ಕೆಯಾದರೆ ಅಚ್ಚರಿ ಇಲ್ಲ. ಬುಮ್ರಾ ಬೌಲಿಂಗ್ ವಿಭಾಗದ ಟ್ರಂಪ್ ಕಾರ್ಡ್. ಜಯದೇವ್ ಉನದ್ಕಟ್ ಬಸಿಲ್ ಥಂಪಿ ಬದಲು ತಂಡಕ್ಕೆ ಎಂಟ್ರಿ ಕೊಡಬಹುದು.
ಪುಣೆ ಪಿಚ್:
ಪುಣೆ ಪಿಚ್ ಬಿಗ್ ಸ್ಕೋರ್ ಸ್ವರ್ಗ. ಈಗಾಗಲೇ ಇಲ್ಲಿ ಬ್ಯಾಟ್ಸ್ಮನ್ಗಳೂ ಅಬ್ಬರಿಸಿದ್ದಾರೆ. ಪಂದ್ಯದ ಮೇಲೆ ಇಬ್ಬನಿಯ ಪರಿಣಾಮ ಇರುವುದರಿಂದ ಟಾಸ್ ಮೇಲೆ ಹೆಚ್ಚು ಗಮನವಿದೆ.
