ಎರಡೂ ತಂಡಗಳು ಕೂಡ ಸೋಲೊಪ್ಪಿಕೊಳ್ಳಲು ಸಿದ್ಧವಿರಲಿಲ್ಲ. ವಿಜಯಲಕ್ಷ್ಮೀ ಕೂಡ ಯಾರ ಕೈಯೂ ಹಿಡಿಯಲಿಲ್ಲ. ಕೊನೆಯ ಎರಡು ನಿಮಿಷದಲ್ಲಿ ಕಂ ಬ್ಯಾಕ್ ಮಾಡಿದ ತೆಲುಗು ಟೈಟಾನ್ಸ್ಗೆ ತಮಿಳ್ ತಲೈವಾಸ್ಗೆ ಶಾಕ್ ನೀಡಿತು. ಪಂದ್ಯವನ್ನು ಡ್ರಾ ಮಾಡಿಕೊಂಡು ಅಚ್ಚರಿಯ ಪ್ರದರ್ಶನ ನೀಡಿತು.
ತೆಲುಗು ಟೈಟಾನ್ಸ್ ಮತ್ತು ತಮಿಳ್ ತಲೈವಾಸ್ ನಡುವಿನ ಪಂದ್ಯ ಜಿದ್ದಾಜಿದ್ದಿನಿಂದಲೇ ಸಾಗಿತು. ಕೊನೆಯ ಎರಡು ನಿಮಿಷಕ್ಕೂ ಮುನ್ನ ತಮಿಳ್ ತಲೈವಾಸ್ 8 ಅಂಕಗಳ ಮುನ್ನಡೆಯಲ್ಲಿತ್ತು. ಆದರೆ ತಿರುಗಿ ಬಿದ್ದ ಟೈಟಾನ್ಸ್ ಪಂದ್ಯವನ್ನು 40-40 ಅಂಕಗಳಿಂದ ಡ್ರಾ ಮಾಡಿಕೊಂಡಿತು.
ಟೈಟಾನ್ಸ್ ಪರವಾಗಿ ಸಿದ್ದಾರ್ಥ್ ದೇಸಾಯಿ 8 ರೈಡ್ ಪಾಯಿಂಟ್ ಸಹಿತ 11 ಪಾಯಿಂಟ್ ಪಡೆದುಕೊಂಡರು. ಸಂದೀಪ್ ಖಂಡೋಲಾ 5 ಹಾಗೂ ರುತುರಾಜ್ ಕೊರವಿ 3 ಟ್ಯಾಕಲ್ ಪಾಯಿಂಟ್ ಮೂಲಕ ಮಿಂಚಿದರು. ತಮಿಳು ತಲೈವಾಸ್ ಪರವಾಗಿ ಮಂಜೀತ್ 9 ರೈಡ್ ಪಾಯಿಂಟ್ ಸಹಿತ 12 ಅಂಕ ಪಡೆದರು. ಸುರ್ಜಿತ್ ಸಿಂಗ್, ಮೋಹಿತ್ ಮತ್ತು ಸಾಹಿಲ್ ತಲಾ ಟ್ಯಾಕಲ್ ಪಾಯಿಂಟ್ ಮೂಲಕ ಟೈಟಾನ್ಸ್ ರೈಡರ್ ಗಳಿಗೆ ಕಡಿವಾಣ ಹಾಕಿದರು. ಕೊನೆಯ ಡು ಆರ್ ಡೈ ರೈಡ್ನಲ್ಲಿ ತಲೈವಾಸ್ ಎಡವುವ ಮೂಲಕ ಪಂದ್ಯ ಡ್ರಾದಲ್ಲಿ ಅಂತ್ಯ ಕಂಡಿತು.