ಕೊನೆಯ ಕ್ಷಣದಲ್ಲಿ ಮಿಂಚಿದ ನವೀನ್, ಸ್ಟೀಲರ್ಸ್ ಪಂಗಾ ಗೆದ್ದ ದಬಾಂಗ್
ಪ್ರಸಕ್ತ ಋತುವಿನ ಪ್ರೋ ಕಬಡ್ಡಿ ಲೀಗ್ನಲ್ಲಿಯೇ ಅತ್ಯಂತ ರೋಚಕವಾಗಿ ನಡೆದ ಪಂದ್ಯದಲ್ಲಿ ದಬಾಂಗ್ ಡೆಲ್ಲಿ ಕೆಸಿ 38-36 ಅಂತರದಲ್ಲಿ ಹರಿಯಾಣ ಸ್ಟೀಲರ್ಸ್ ವಿರುದ್ಧ ಜಯ ಗಳಿಸಿದ ತಂಡ ಅಂಕಪಟ್ಟಿಯಲ್ಲಿ ಅಗ್ರ ಸ್ಥಾನ ಕಾಯ್ದುಕೊಂಡಿದೆ.
ನಾಯಕ ನವೀನ್ ಎಕ್ಸ್ಪ್ರೆಸ್ ರೈಡಿಂಗ್ನಲ್ಲಿ 5 ಅಂಕಗಳನ್ನು ಗಳಿಸುವ ಮೂಲಕ ದಬಾಂಗ್ ಡೆಲ್ಲಿ ಕೆಸಿ ತಂಡ ಹರಿಯಾಣ ಸ್ಟೀಲರ್ಸ್ ವಿರುದ್ಧದ ಪಂದ್ಯದ ಪ್ರಥಮಾರ್ಧದಲ್ಲಿ 17-12 ಅಂತರದಲ್ಲಿ ಮುನ್ನಡೆಯಿತು. ಡೆಲ್ಲಿ ಪರ ಟ್ಯಾಕಲ್ನಲ್ಲಿ ವಿಜಯ ಕುಮಾರ್ 2 ಅಂಕಗಳನ್ನು ಗಳಿಸಿ ಒಂದು ಹಂತದಲ್ಲಿ ಸಮಬಲ ಸಾಧಿಸಿದ್ದ ತಂಡಕ್ಕೆ ಮುನ್ನಡೆಗೆ ಅವಕಾಶ ಕಲ್ಪಿಸಿದರು. ರೈಡಿಂಗ್ನಲ್ಲಿ ಮಂಜಿತ್ ಹಾಗೂ ಅಶು ಮಲಿಕ್ ತಲಾ 3 ಅಂಕಗಳನ್ನು ಗಳಿಸಿ ತಂಡಕ್ಕೆ ನೆರವಾದರು. ಹರಿಯಾಣ ಸ್ಟೀಲರ್ಸ್ ಪರ ರೈಡಿಂಗ್ನಲ್ಲಿ ಮಂಜೀತ್ 6 ಅಂಕಗಳನ್ನು ಗಳಿಸಿ ದಿಟ್ಟ ಹೋರಾಟ ನೀಡುವಲ್ಲಿ ಸಫಲರಾದರು.
![ಕೊನೆಯ ಕ್ಷಣದಲ್ಲಿ ಮಿಂಚಿದ ನವೀನ್, ಸ್ಟೀಲರ್ಸ್ ಪಂಗಾ ಗೆದ್ದ ದಬಾಂಗ್ 3 Dabang Delhi K.C. Beat Haryana Steelers 2](http://sportskarnataka.com/wp-content/uploads/2022/10/Dabang-Delhi-K.C.-Beat-Haryana-Steelers-2-1024x576.jpg)
ಎರಡನೇ ಅವಧಿಯ ಕೊನೆಯ ಕ್ಷಣದವರೆಗೂ ಕುತೂಹಲ ಕೆರಳಿಸಿದ್ದ ಪಂದ್ಯದಲ್ಲಿ ದಬಾಂಗ್ ಸ್ಥಿರ ಪ್ರದರ್ಶನ ನೀಡಿತು. ಅಲ್ಲದೆ ಕೊನೆಯ ರೈಡ್ ನಲ್ಲಿ ನವೀನ್ ಕುಮಾರ್ ತೋರಿದ ಅಮೋಘ ಆಟಕ್ಕೆ ಹಾಲಿ ಚಾಂಪಿಯನ್ ತಂಡ, ತನ್ನ ಅಜೇಯ ಓಟವನ್ನು ಮುಂದುವರೆಸಿದೆ.
![ಕೊನೆಯ ಕ್ಷಣದಲ್ಲಿ ಮಿಂಚಿದ ನವೀನ್, ಸ್ಟೀಲರ್ಸ್ ಪಂಗಾ ಗೆದ್ದ ದಬಾಂಗ್ 4 Dabang Delhi K.C. Beat Haryana Steelers 4](http://sportskarnataka.com/wp-content/uploads/2022/10/Dabang-Delhi-K.C.-Beat-Haryana-Steelers-4-1024x1024.jpg)
ನಾಯಕ ನವೀನ್ ಕುಮಾರ್ 15 ಅಂಕಗಳನ್ನು ಗಳಿಸಿ ಜಯದ ರೂವಾರಿ ಎನಿಸಿದರು. ಕೊನೆಯ 40 ಸೆಕೆಂಡುಗಳು ಬಾಕಿ ಇರುವಾಗ ಪಂದ್ಯ 36-36 ರಲ್ಲಿ ಸಮಬಲಗೊಂಡಿತ್ತು. ನವೀನ್ ಕುಮಾರ್ ಕೊನೆಯ ರೈಡ್ನಲ್ಲಿ 2 ಅಂಕಗಳನ್ನು ಗಳಿಸಿ ತಂಡಕ್ಕೆ ಅಮೂಲ್ಯ ಜಯ ತಂದಿತ್ತರು.
Naveen, Dabang Delhi K.C., Haryana Steelers