ಬಿಗ್ ಪಿಕ್ಚರ್:
ರಾಜಸ್ಥಾನ ರಾಯಲ್ಸ್ ಟೂರ್ನಿಯನ್ನು ಅಬ್ಬರದ ಮೂಲಕ ಆರಂಭಿಸಿದೆ. ಮುಬೈ ಇಂಡಿಯನ್ಸ್ ಗೆಲ್ಲಬಹುದಾಗಿದ್ದ ಪಂದ್ಯದಲ್ಲಿ ಮುಗ್ಗರಿಸಿದೆ. ರಾಜಸ್ಥಾನ ಫರ್ಫೆಕ್ಟ್ ಮ್ಯಾಚ್ ಬಳಿಕ 2ನೇ ಪಂದ್ಯಕ್ಕೆ ಸಿದ್ಧವಾಗಿದ್ದರೆ, ಮುಂಬೈ ಸೋಲಿನ ಆಘಾತದೊಂದಿಗೆ ಕಣಕ್ಕಿಳಿಯುತ್ತಿದೆ. ಹೀಗಾಗಿ ಡಿ.ವೈ ಪಾಟೀಲ್ಕ್ರೀಡಾಗಣದಲ್ಲಿ ಯುಗಾದಿಯ ಬೇವು ಯಾರಿಗೆ, ಬೆಲ್ಲ ಯಾರಿಗೆ ಅನ್ನುವುದು ನಿರ್ಧಾರವಾಗಲಿದೆ.
ಹೇಗಿದೆ ಮುಂಬೈ ..?
ಮುಂಬೈ ತಂಡ ಬದಲಾವಣೆ ಆಗುವುದು ಖಚಿತ. ಸೂರ್ಯಕುಮಾರ್ ಯಾದವ್ ಲಭ್ಯತೆ ತಂಡದ ವಿಶ್ವಾಸ ಹೆಚ್ಚಿಸಿದೆ. ಅಷ್ಟೇ ಅಲ್ಲ ಬ್ಯಾಟಿಂಗ್ ಬಲ ಹೆಚ್ಚಿಸಿದೆ. ನಾಯಕ ರೋಹಿತ್ ಶರ್ಮಾ ಮತ್ತು ಇಶನ್ ಕಿಶನ್ ಸ್ಪೋಟಕ ಆರಂಭ ತಂದುಕೊಟ್ರೆ, ಸೂರ್ಯಕುಮಾರ್ ಯಾದವ್ ಮತ್ತು ತಿಲಕ್ ವರ್ಮಾ ಅದನ್ನು ಮುಂದುವರೆಸಬಲ್ಲರು. ಟಿಮ್ ಡೇವಿಡ್ ಮತ್ತು ಕೈರಾನ್ ಪೊಲ್ಲಾರ್ಡ್ ಮೊದಲ ಪಂದ್ಯದಲ್ಲಿ ಮುಗ್ಗರಿಸಿರುವುದರಿಂದ ಅವರ ಮೇಲೆ ಒತ್ತಡ ಹೆಚ್ಚಿದೆ.
ಉಳಿದಿರುವ 2 ಫಾರಿನ್ ಕೋಟಾದಲ್ಲಿ ಫಾಬಿಯನ್ ಅಲೆನ್ ಮತ್ತು ಟೈಮಲ್ ಮಿಲ್ಸ್ ಆಡಬಹುದು. ಅಲೆನ್ ಸೇರ್ಪಡೆ ಬ್ಯಾಟಿಂಗ್ ಬಲವನ್ನು ಹೆಚ್ಚಿಸಲಿದೆ. ಜಸ್ಪ್ರಿತ್ ಬುಮ್ರಾ ಟ್ರಂಪ್ ಕಾರ್ಡ್ ಬೌಲರ್ ಆಗಿದ್ದರೆ, ಬಸಿಲ್ ಥಂಪಿ ಮತ್ತು ತೈಮಲ್ ಮಿಲ್ಸ್ ವೇಗದ ಬೌಲರ್ಗಳು. ಮುರುಗನ್ ಅಶ್ವಿನ್ ಸ್ಪಿನ್ ಸ್ಪೆಷಲಿಸ್ಟ್. ಅಲೆನ್, ಪೊಲ್ಲಾರ್ಡ್ ಮತ್ತು ಡೇವಿಡ್ ಐದನೇ ಬೌಲರ್ ಸ್ಥಾನ ತುಂಬುವುದು ಅನಿವಾರ್ಯ.
ರಾಜಸ್ಥಾನ ಹೇಗಿದೆ..?
ಇನ್ನೊಂದೆಡೆ ರಾಜಸ್ಥಾನ ರಾಯಲ್ಸ್ ಸೆಟಲ್ ಆದ ತಂಡದ ಹಾಗಿದೆ. ಜೋಸ್ ಬಟ್ಲರ್ ಜೊತೆ ಯಶಸ್ವಿ ಜೈಸ್ವಾಲ್ ಆಟ ಆರಂಭಿಸಿದರೆ, ದೇವ್ ದತ್ ಪಡಿಕಲ್ ಮತ್ತು ನಾಯಕ ಸಂಜು ಸ್ಯಾಮ್ಸನ್ ಬ್ಯಾಟಿಂಗ್ ಆಧಾರ ಸ್ಥಂಭಗಳು. ಶಿಮ್ರನ್ ಹೆಟ್ಮಯರ್ ಮತ್ತು ರಿಯನ್ ಪರಾಗ್ ಫಿನಿಷರ್ ಜಾಗ ತುಂಬಲಿದ್ದಾರೆ. ರವಿಚಂದ್ರನ್ ಅಶ್ವಿನ್ ಮತ್ತು ಯಜುವೇಂದ್ರ ಚಹಲ್ ಟ್ರಂಪ್ ಕಾರ್ಡ್ ಸ್ಪಿನ್ನರ್ಗಳಾದರೆ, ಟ್ರೆಂಟ್ ಬೋಲ್ಟ್, ಪ್ರಸಿಧ್ ಕೃಷ್ಣ ವೇಗಿಗಳು. ಡೆರೆಲ್ ಮಿಚೆಲ್ ಆಯ್ಕೆಗೆ ಲಭ್ಯ ಇರುವುದರಿಂದ ಆಲ್ರೌಂಡರ್ ಜಾಗ ಭರ್ತಿ ಆಗಲಿದೆ.
ಪಿಚ್ ಕಂಡೀಷನ್:
ಡಿ.ವೈ.ಪಾಟೀಲ್ ಕ್ರೀಡಾಂಗಣ ಬ್ಯಾಟಿಂಗ್ ಫ್ರೆಂಡ್ಲಿಯಾಗಿದೆ. ಅಷ್ಟೇ ಅಲ್ಲ ಇದು ಡೇ ಗೇಮ್ ಆಗಿರುವುದರಿಂದ ಡ್ಯೂ ಫ್ಯಾಕ್ಟರ್ ಪಂದ್ಯದ ಮೇಲೆ ಹೆಚ್ಚು ಎಫೆಕ್ಟ್ ಮಾಡುವುದಿಲ್ಲ.