ಸನ್ ರೈಸರ್ಸ್ ತಂಡಕ್ಕೆ ಗೆಲುವಲ್ಲದೆ ಬೇರೆ ಯಾವುದೂ ಬೇಡ. ಮುಂಬೈ ತಂಡಕ್ಕೆ ಮತ್ತೊಂದು ತಂಡದ ಹಾದಿಗೆ ಮುಳ್ಳಾಗುವ ತವಕ. ಹೀಗಾಗಿ ವಾಂಖೆಡೆಯಲ್ಲಿ ಹೈ ವೋಲ್ಟೇಜ್ ಪಂದ್ಯ ಫಿಕ್ಸ್. ಸನ್ ರೈಸರ್ಸ್ ಇದ್ದ ಬಲವನ್ನೆಲ್ಲಾ ತೋರಲು ಪ್ಲಾನ್ ಮಾಡಿದೆ. ಮುಂಬೈ ಕಟ್ಟ ಕಡೆಯ ಸ್ಥಾನದ ಅವಮಾನ ಬೇಡ ಅನ್ನುವ ನಿರ್ಧಾರ ಮಾಡಿದೆ. ಹೀಗಾಗಿ ಎರಡೂ ತಂಡಗಳ ರಣತಂತ್ರಗಳು ಕುತೂಹಲ ಕೆರಳಿಸಿವೆ.
ರೋಹಿತ್, ಕಿಶನ್ ಪ್ರಾಬ್ಲಂ
ಮುಂಬೈ ಇಂಡಿಯನ್ಸ್ ತಂಡದ ಓಪನರ್ ಗಳಾದ ರೋಹಿತ್ ಶರ್ಮಾ ಮತ್ತು ಇಶನ್ ಕಿಶನ್ ಈ ಬಾರಿಯ ಐಪಿಎಲ್ನಲ್ಲಿ ಮಿಂಚಿದ್ದು ಕಡಿಮೆ. ಇದರ ಜೊತೆಗೆ ಆಫ್ ಸ್ಪಿನ್ನರ್ ವಾಷಿಂಗ್ಟನ್ ಸುಂದರ್ ವಿರುದ್ಧ ಕೇವಲ 90ರ ಸ್ಟ್ರೈಕ್ ರೇಟ್ ಹೊಂದಿದ್ದಾರೆ.
ಬುಮ್ರಾ ಬ್ರಹಾಸ್ತ್ರ:
ಜಸ್ ಪ್ರಿತ್ ಬುಮ್ರಾ ಸನ್ ರೈಸರ್ಸ್ ನಾಯಕ ಕೇನ್ ವಿಲಿಯಮ್ಸನ್ ರನ್ನು 10 ಇನ್ನಿಂಗ್ಸ್ ಗಳಲ್ಲಿ ಒಮ್ಮೆ ಮಾತ್ರ ಔಟ್ ಮಾಡಿದ್ದಾರೆ. ಆದರೆ ನಿಕೊಲಸ್ ಪೂರನ್ 3 ಇನ್ನಿಂಗ್ಸ್ ಗಳಲ್ಲಿ 2 ಬಾರಿ ಔಟ್ ಆಗಿದ್ದಾರೆ.
ನಂಬರ್ ಗೇಮ್:
- ವಾಂಖೆಡೆ ಕ್ರೀಡಾಂಗಣ ಸನ್ ರೈಸರ್ಸ್ ಪಾಲಿಗೆ ಅನ್ ಲಕ್ಕಿ ಇಲ್ಲಿ ಆಡಿರುವ 9 ಪಂದ್ಯಗಳ ಪೈಕಿ ಸನ್ ರೈಸರ್ಸ್ ಗೆದ್ದಿರುವುದು ಕೇವಲ 1ಪಂದ್ಯ ಮಾತ್ರ. ಮತ್ತೊಂದೆಡೆ ಮುಂಬೈ ವಾಂಖೆಡೆಯಲ್ಲಿ 62.3 ಗೆಲುವಿನ ಸರಾಸರಿ ಹೊಂದಿದೆ.
- ಈ ಬಾರಿಯ ಐಪಿಎಲ್ನಲ್ಲಿ ಮುಂಬೈ 94 ಸಿಕ್ಸರ್ ಬಿಟ್ಟುಕೊಟ್ಟಿದೆ. ಸನ್ ರೈಸರ್ಸ್ 92 ಸಿಕ್ಸರ್ ಹೊಡೆಸಿಕೊಂಡಿದೆ. ಸಿಕ್ಸರ್ ಹೊಡೆಯುವುದರಲ್ಲೂ ಈ ತಂಡಗಳು ಕೊನೆಯ 2 ಸ್ಥಾನದಲ್ಲಿವೆ.