Jeswin Aldrin – ಗೋಲ್ಡನ್ ಫ್ಲೈ ಸಿರೀಸ್ ನಲ್ಲಿ ಗಮನ ಸೆಳೆದ ಲಾಂಗ್ ಜಂಪರ್ ಜೆಸ್ವಿಲ್ ಆಲ್ಡ್ರೀನ್
ಭಾರತದ ಲಾಂಗ್ ಜಂಪರ್ ಜೆಸ್ವಿನ್ ಆಲ್ಡ್ರೀನ್ ಅವರು ಲಿಚ್ಟೆನ್‍ಸ್ಟೈನ್ ನಲ್ಲಿ ನಡೆದ ಗೋಲ್ಡನ್ ಫ್ಲೈ ಸೀರಿಸ್ ನಲ್ಲಿ 8.12 ಮೀಟರ್ ದೂರ ಜಿಗಿಯುವ ಮೂಲಕ ಗಮನ ಸೆಳೆದಿದ್ದಾರೆ.
ಭಾರತದ ಎರಡನೇ ಶ್ರೇಷ್ಠ ಲಾಂಗ್ ಜಂಪರ್ ಆಗಿರುವ ಜೆಸ್ವಿನ್ ಆಲ್ಡ್ರೀನ್ ಕ್ಯಾಲಿಕಟ್ ನಲ್ಲಿ ನಡೆದ ಫೆಡರೇಷನ್ ಕಪ್ ನಲ್ಲಿ 8.37 ಮೀಟರ್ ದೂರ ಜಿಗಿದಿದ್ದರು. ಆದ್ರೆ ನಂತರ ನೀರಸ ಪ್ರದರ್ಶನ ನೀಡಿದ್ದರು. ಜೊತೆಗೆ ಎಂಟು ಮೀಟರ್ ಗಡಿಯನ್ನು ದಾಟಲು ಕೂಡ ವಿಫಲರಾಗಿದ್ದರು.
20ರ ಹರೆಯದ ಜೆಸ್ವಿನ್ ಅವರು ತನ್ನ ಸಾಮಾಜಿಕ ಜಾಲ ತಾಣದಲ್ಲಿ ಈ ವಿಡಿಯೋವನ್ನು ಶೇರ್ ಮಾಡಿಕೊಂಡಿದ್ದಾರೆ. ಗೋಲ್ಡನ್ ಫ್ಲೈ ಸಿರೀಸ್ ನಲ್ಲಿ 8.12 ಮೀಟರ್ ದೂರ ಜಿಗಿದಿರುವುದು ತುಂಬಾ ಖುಷಿಯನ್ನುಂಟು ಮಾಡಿದೆ ಎಂದು ಬರೆದುಕೊಂಡಿದ್ದಾರೆ.
Really Happy with 8.12m in Golden Fly Series in Liechtenstein. It’s been long season one more round to go before the end of this season.Thanks for having here.Thanks @afiindia @Media_SAI @jsw_sports @IIS_Vijayanagar for the support. Will keep on improving. More to come 🙌🏽 pic.twitter.com/5IUEZxAHCJ
— Jeswin Aldrin (@AldrinJeswin) September 11, 2022
ಈ ಹಿಂದೆ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್ ಷಿಪ್ ನಲ್ಲಿ ಸ್ಪರ್ಧಿಸಲು ಅವಕಾಶ ನೀಡಿದ್ರೂ ನೀರಸ ಪ್ರದರ್ಶನ ನೀಡಿದ್ದರು. ಭಾರತೀಯ ಅಥ್ಲೆಟಿಕ್ಸ್ ಫೆಡರೇಷನ್ ಎರಡು ಬಾರಿ ಆಯ್ಕೆ ಟ್ರಯಲ್ಸ್ ನಡೆಸಿತ್ತು. ಆದ್ರೆ ಜೆಸ್ವಿಲ್ ಅವರು 7.99 ಮೀಟರ್ ಮತ್ತು 7.93 ಮೀಟರ್ ದೂರ ಜಿಗಿಯಲು ಮಾತ್ರ ಯಶಸ್ವಿಯಾಗಿದ್ದರು.ಆದ್ರೂ ಎಎಫ್ ಐ ಜೆಸ್ವಿಲ್ ಅವರಿಗೆ ಅವಕಾಶ ನೀಡಿತ್ತು. ಎಎಫ್ ಐ ಜೆಸ್ವಿಲ್ ಅವರು 8.10 ಮೀಟರ್ ದೂರ ಜಿಗಿಯುತ್ತಾರೆ ಎಂಬ ನಿರೀಕ್ಷೆಯನ್ನಿಟ್ಟುಕೊಂಡಿತ್ತು. ಆದ್ರೆ ಜೆಸ್ವಿಲ್ 7.78 ಮೀಟರ್ ದೂರ ಜಿಗಿದು 9ನೇ ಸ್ಥಾನ ಪಡೆದುಕೊಂಡಿದ್ದರು.
ಇದೀಗ ಜೆಸ್ವಿಲ್ ಅವರು ಎಂಟು ಮೀಟರ್ ದೂರ ಜಿಗಿದು ತನ್ನ ಆತ್ಮವಿಶ್ವಾಸವನ್ನು ಹೆಚ್ಚಿಸಿಕೊಂಡಿದ್ದಾರೆ.
