ಪಂದ್ಯ ಯಾವುದು ಬೇಕಾದರೂ ಆಗಿರಲಿ. ಆದರೆ ಅದರ ರಣತಂತ್ರ ಎಲ್ಲರ ಗಮನ ಸೆಳೆಯುತ್ತದೆ. ಇತಿಹಾಸ ಮತ್ತು ಸಂಖ್ಯಾ ಶಾಸ್ತ್ರದ ಲೆಕ್ಕಾಚಾರವೂ ಚರ್ಚೆಯಾಗುತ್ತದೆ. ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದಲ್ಲೂ ಹಲವು ಅಂಶಗಳು ಚರ್ಚೆಗೆ ಬರಲಿವೆ.
ರಾಯುಡು VS ಲೆಗ್ ಸ್ಪಿನ್:
ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಮಿಡಲ್ ಆರ್ಡರ್ ಬ್ಯಾಟಿಂಗ್ ಬಲ ಅಂಬಾಟಿ ರಾಯುಡು ಲೆಗ್ ಸ್ಪಿನ್ನರ್ಗಳ ಮುಂದೆ ಮೇಲುಗೈ ಸಾಧಿಸಿದ್ದಾರೆ. ಈ ಬಾರಿಯ ಐಪಿಎಲ್ನಲ್ಲಿ ಲೆಗ್ ಸ್ಪಿನ್ನರ್ಗಳ 36 ಎಸೆತಗಳಲ್ಲಿ 53 ರನ್ ಸಿಡಿಸಿದ್ದಾರೆ.
ಕುಲ್ದೀಪ್ ಮ್ಯಾಜಿಕ್:
ಕುಲ್ ದೀಪ್ ಯಾದವ್ ಚೈನಾಮನ್ ಬೌಲಿಂಗ್ ರಾಯುಡು ರನ್ ಬೇಟೆಗೆ ಕಡಿವಾಣ ಹಾಖಿದೆ. ಕುಲ್ ದೀಪ್ ವಿರುದ್ಧದ 5 ಇನ್ನಿಂಗ್ಸ್ ಗಳಲ್ಲಿ ರಾಯುಡು 24 ಎಸೆತಗಳಲ್ಲಿ 24 ರನ್ ಮಾತ್ರಗಳಿಸಿದ್ದಾರೆ. ಅಷ್ಟೇ ಅಲ್ಲ 2 ಬಾರಿ ಔಟ್ ಆಗಿದ್ದಾರೆ.
ನಂಬರ್ ಗೇಮ್:
- ಡೆಲ್ಲಿ ಕ್ಯಾಪಿಟಲ್ಸ್ ಪವರ್ ಪ್ಲೇ ನಲ್ಲಿ 9.41 ಸರಾಸರಿ ಹೊಂದಿದೆ. ಇದು ಈ ಬಾರಿಯ ಐಪಿಎಲ್ನಲ್ಲಿ ದಿ ಬೆಸ್ಟ್. ಮತ್ತೊಂದು ಕಡೆ ಚೆನ್ನೈ ಸೂಪರ್ ಕಿಂಗ್ಸ್ ಪವರ್ ಪ್ಲೇ ನಲ್ಲಿ 6.98ರ ಸರಾಸರಿ ಹೊಂದಿದೆ. ಇದು 3ನೇ ಅತೀ ಕಳಪೆ ಸರಾಸರಿ.
- ಡ್ವೈನ್ ಬ್ರಾವೋ ಬಿಗ್ ಹಿಟ್ಟರ್ ರೊವ್ಮನ್ ಪೊವೆಲ್ ಗೆ ಕಡಿವಾಣ ಹಾಕಿದ್ದಾರೆ. ಸಿಪಿಎಲ್ ನಲ್ಲಿ ಬ್ರಾವೋ 34 ಎಸೆತಗಳನ್ನು ಹಾಖಿ 31 ರನ್ ಮಾತ್ರ ನೀಡಿದ್ದರು. ಅಷ್ಟೇ ಅಲ್ಲ ಒಮ್ಮೆ ಔಟ್ ಕೂಡ ಮಾಡಿದ್ದರು.
- ಲೆಗ್ ಸ್ಪಿನ್ನರ್ಗಳ ಮುಂದೆ ಮಹೇಂದ್ರ ಸಿಂಗ್ ಧೋನಿ ರನ್ಗಾಗಿ ಪರದಾಡಿದ್ದಾರೆ. ಆದರೆ ಕುಲ್ದೀಪ್ ವಿರುದ್ಧ 28 ಎಸೆತಗಳಲ್ಲಿ 46 ರನ್ ಸಿಡಿಸಿದ್ದಾರೆ.
- ಸೂಪರ್ ಕಿಂಗ್ಸ್ ವಿರುದ್ಧದ ಕಳೆದ 5 ಇನ್ನಿಂಗ್ಸ್ಗಳ ಪೈಕಿ ಪೃಥ್ವಿ ಷಾ 3 ಬಾರಿ ಅರ್ಧಶತಕ ಸಿಡಿಸಿದ್ದಾರೆ.
- ಶಾರ್ದೂಲ್ ಥಾಕೂರ್ ಮೊದಲ ಬಾರಿಗೆ ಸಿಎಸ್ಕೆ ವಿರುದ್ಧ ಆಡುತ್ತಿದ್ದಾರೆ. ಈ ಹಿಂದೆ ಚೆನ್ನೈ ತಂಡದಲ್ಲೇ ಥಾಕೂರ್ ಇದ್ದರು. ಅದಕ್ಕೂ ಮುನ್ನ ಪುಣೆ ಸೂಪರ್ ಜೈಂಟ್ಸ್ ಮತ್ತು ಪಂಜಾಬ್ ತಂಡದ ಸದಸ್ಯನಾಗಿದ್ದರು.
- ಐಪಿಎಲ್ನಲ್ಲಿ 100 ವಿಕೆಟ್ ಪಡೆದ ಸಾಧನೆ ಮಾಡಲು ಅಕ್ಸರ್ ಪಟೇಲ್ಗೆ 1 ವಿಕೆಟ್ ಅವಶ್ಯಕತೆ ಇದೆ. ಜಡೇಜಾ ಬಳಿಕ ಐಪಿಎಲ್ನಲ್ಲಿ 100 ವಿಕೆಟ್ ಕಬಳಿಸಿದ 2ನೇ ಆಟಗಾರ ಅಕ್ಸರ್ ಆಗಲಿದ್ದಾರೆ.