ಪಾಕಿಸ್ತಾನ ಅಂದುಕೊಂಡಷ್ಟು ಸುಲಭವಾಗಿ ಪಂದ್ಯ ಗೆಲ್ಲಲಿಲ್ಲ. ಅಫ್ಘಾನಿಸ್ತಾನವೂ ಅಷ್ಟೇ 19ನೇ ಓವರ್ ತನಕ ಪಂದ್ಯವನ್ನು ತನ್ನ ಕೈಯಲ್ಲೇ ಇಟ್ಟುಕೊಂಡಿತ್ತು. ಆದರೆ ಅಸೀಫಫ್ ಅಲಿ 7 ಎಸೆತಗಳಲ್ಲಿ ಸಿಡಿಸಿದ ಅಜೇಯ 25 ರನ್ ಅಫ್ಘಾನ್ ತಂಡ ಸೋಲಿಗೆ ಕಾರಣವಾಯಿತು. ಸತತ ಮೂರನೇ ಜಯ ದಾಖಲಿಸಿದ ಪಾಕಿಸ್ತಾನ ಗ್ರೂಪ್ 2ರಲ್ಲಿ ಅಗ್ರಸ್ಥಾನ ಪಡೆದು ಸೆಮಿಫೈನಲ್ಗೇರುವುದು ಬಹುತೇಕ ಖಚಿತವಾಗಿದೆ.
ದುಬೈ ಕ್ರೀಡಾಂಗಣದಲ್ಲಿ ಬಹುಮುಖ್ಯವಾಗಿದ್ದ ಟಾಸ್ ಈ ಬಾರಿಯೂ ಪಾಕಿಸ್ತಾನದ ಕೈ ಹಿಡಿಯಿತು. ಬ್ಯಾಟಿಂಗ್ ಆರಂಭಿಸಿದ ಅಫ್ಘಾನಿಸ್ತಾನಕ್ಕೆ ಉತ್ತಮ ಆರಂಭ ಸಿಗಲಿಲ್ಲ. ಹಝರತುಲ್ಲಾ ಝಝಾಯಿ (0 ರನ್), ಮೊಹಮ್ಮದ್ ಶೆಹಜಾದ್ (8 ರನ್), ಅಸ್ಗರ್ ಅಫ್ಗಾನ್ (10 ರನ್) ಮತ್ತು ರೆಹಮನುಲ್ಲಾ ಗುರ್ಬಾಜ್ (10 ರನ್) ಬೇಗನೆ ಔಟಾಗಿದ್ದರು.
ಕರೀಮ್ ಜನತ್ (15 ರನ್) ಮತ್ತು ನಜಿಬುಲ್ಲಾ ಜರ್ದಾನ್ (22 ರನ್) ಕೊಂಚ ಹೋರಾಟ ನಡೆಸಿದರು. ಸ್ಲಾಗ್ ಓವರುಗಳಲ್ಲಿ ಮೊಹಮ್ಮದ್ ನಬಿ ಅಜೇಯ 35 ರನ್ ಮತ್ತು ಗುಲ್ಬಾದಿನ್ ನೈಮ್ 25 ಎಸೆತಗಳಲ್ಲಿ 35 ರನ್ ಸಿಡಿಸಿದರು. 20 ಓವರುಗಳಲ್ಲಿ ಅಫ್ಘಾನ್ ತಂಡ 6 ವಿಕೆಟ್ ಕಳೆದುಕೊಂಡು 147 ರನ್ಗಳಿಸಿತು.
ಚೇಸಿಂಗ್ ಆರಂಭಿಸಿದ ಪಾಕ್ ತಂಡಕ್ಕೆ ಮುಜೀಬ್ ಶಾಕ್ ನೀಡಿದರು. ರಿಜ್ವಾನ್ 8 ರನ್ಗಳಿಸಿ ಔಟಾದರು. ಬಾಬರ್ ಅಜಮ್ ಮತ್ತು ಫಕರ್ ಜಮಾನ್ ನಡುವೆ 63 ರನ್ಗಳ ಜೊತೆಯಾಟ ಬಂತು. ಆದರೆ ಜಮಾನ್ 30 ರನ್ಗಳಿಸಿ ಔಟಾದರು. ಮೊಹಮ್ಮದ್ ಹಫೀಜ್ ಕೊಡಗೆ 10 ರನ್ಗಳಷ್ಟೇ ಆಗಿತ್ತು.
47 ಎಸೆತಗಳಲ್ಲಿ 51 ರನ್ಗಳಿಸಿದ್ದ ಬಾಬರ್ ಅಜಮ್ ರಶೀದ್ ಖಾನ್ ಎಸೆತದಲ್ಲಿ ಔಟಾದರು. ಪಾಕ್ ತಂಡದಲ್ಲಿ ಆತಂಕ ಇತ್ತು. ಆದರೆ ಶೋಯೆಬ್ ಮಲಿಕ್ ಮತ್ತು ಅಸಿಫಖ್ ಅಲಿ ಪಂದ್ಯದ ಸ್ಥಿತಿ ಬದಲಾಯಿಸಿದರು. ಮಲಿಕ್ 19 ರನ್ಗಳಿಸಿ ಔಟಾದರು. ಕೊನೆಯ 12 ಎಸೆತಗಳಲ್ಲಿ ಪಾಕ್ ಗೆಲುವಿಗೆ 24 ರನ್ ಬೇಕಿತ್ತು. ಆದರೆ ಕರಿಮ್ ಜನತ್ ಎಸೆದ 19ನೇ ಓವರ್ನಲ್ಲಿ ಅಸೀಫ್ ಅಲಿ 4 ಸಿಕ್ಸರ್ ಬಾರಿಸಿ ಇನ್ನೂ ಆರು ಎಸೆತಗಳು ಇರುವಂತೆ ಪಂದ್ಯ ಗೆಲ್ಲಿಸಿಕೊಟ್ಟರು. ಅಸೀಫ್ ಅಲಿ 7 ಎಸೆತಗಳಲ್ಲಿ ಅಜೇಯ 25 ರನ್ಗಳಿಸಿದು. ಈ ಗೆಲುವಿನ ಮೂಲಕ ಪಾಕಿಸ್ತಾನ ಸತತ 3ನೇ ಗೆಲುವು ದಾಖಲಿಸಿ ಗ್ರೂಪ್ 2ರಲ್ಲಿ ಸೆಮಿಫೈನಲ್ ಸ್ಥಾನ ಬಹುತೇಕ ಖಾತ್ರಿ ಮಾಡಿಕೊಂಡಿದೆ.