ಐಪಿಎಲ್ಗೆ ಈ ಎರಡೂ ತಂಡಗಳು ಹೊಸತು. ಮೊದಲ ಸೀಸನ್ನಲ್ಲಿ ಇಲ್ಲಿ ತನಕ 11 ಪಂದ್ಯಗಳನ್ನು ಆಡಿವೆ. ತಲಾ 8 ಪಂದ್ಯಗಳನ್ನು ಗೆದ್ದಿವೆ. ಎರಡೂ ತಂಡಗಳೂ ಮೂರು ಪಂದ್ಯಗಳನ್ನು ಸೋತಿವೆ. ನೆಟ್ ರನ್ ರೇಟ್ನಲ್ಲಿ ಲಖನೌ ಕೊಂಚ ಮುಂದಿದೆ. ಗುಜರಾತ್ ಸಣ್ಣ ಲೆಕ್ಕಾಚಾರದಲ್ಲಿ ಹಿಂದೆ ಬಿದ್ದಿದೆ. ಹೀಗಾಗಿ ಪುಣೆಯ ಎಂಸಿಎ ಮೈದಾನದಲ್ಲಿ ನಡೆಯುವ ಲಖನೌ ಮತ್ತು ಗುಜರಾತ್ ನಡುವಿನ ಪಂದ್ಯ ತೀವ್ರ ಕುತೂಹಲ ಕೆರಳಿಸಿದೆ.
ಲಖನೌ ಸೂಪರ್ ಜೈಂಟ್ಸ್ ಸತತ 4 ಪಂದ್ಯಗಳನ್ನು ಗೆದ್ದು ಈ ಪಂದ್ಯಕ್ಕೆ ಸಜ್ಜಾಗಿದೆ. ಗುಜರಾತ್ ಟೈಟಾನ್ಸ್ ಪಂಜಾಬ್ ಕಿಂಗ್ಸ್ ಮತ್ತು ಮುಂಬೈ ಇಂಡಿಯನ್ಸ್ ವಿರುದ್ಧದ ಸೋಲಿನಿಂದ ಕಂಗೆಟ್ಟಿದೆ. ಟೈಟಾನ್ಸ್ ಸತತ ಎರಡು ಸೋಲಿನ ಮಧ್ಯೆಯೂ ಹೆಚ್ಚು ಚಿಂತೆ ಪಡುವ ಅವಶ್ಯಕತೆ ಇಲ್ಲ. ಶುಭ್ಮನ್ ಗಿಲ್ ಮತ್ತು ವೃದ್ಧಿಮಾನ್ ಸಾಹಾ ಫಾರ್ಮ್ನಲ್ಲಿದ್ದಾರೆ. ಮೂರನೇ ಕ್ರಮಾಂಕದ ಬಗ್ಗೆ ಚಿಂತೆ ಇದೆ. ಆದರೆ ಸಾಯಿ ಸುದರ್ಶನ್ ಮತ್ತು ಹಾರ್ದಿಕ್ ಪಾಂಡ್ಯಾ ಅದನ್ನು ತುಂಬುವ ಪ್ರಯತ್ನದಲ್ಲಿದ್ದಾರೆ. ಡೇವಿಡ್ ಮಿಲ್ಲರ್, ರಾಹುಲ್ ತೆವಾಟಿಯಾ ಮತ್ತು ರಶೀದ್ ಖಾನ್ ಫಾರ್ಮ್ ಅದ್ಭುತವಾಗಿದೆ. ಮೊಹಮ್ಮದ್ ಶಮಿ, ಲೊಕಿಫರ್ಗ್ಯೂಸನ್, ಅಲ್ಜಾರಿ ಜೋಸೆಫ್ ಮತ್ತು ಪ್ರದೀಪ್ ಸಂಗ್ವಾನ್ ವೇಗದ ಬೌಲರ್ ಗಳು. ರಶೀದ್ ಖಾನ್ ಸ್ಪಿನ್ ಯಾವತ್ತಿದ್ದರೂ ಡೇಂಜರಸ್.
ಸೂಪರ್ ಜೈಂಟ್ಸ್ ತಂಡಕ್ಕೆ ಕೊಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧದ ಜಯ ಆತ್ಮವಿಶ್ವಾಸ ತುಂಬಿದೆ. ಮೊಹ್ಸಿನ್ ಖಾನ್, ಅವೇಶ್ ಖಾನ್, ಜೇಸನ್ ಹೋಲ್ಡರ್ ಮತ್ತು ದುಷ್ಮಂತ ಚಾಮೀರಾ ವೇಗದ ಬೌಲಿಂಗ್ ಜೊತೆ ರವಿ ಬಿಷ್ಣೋಯಿ ಸ್ಪಿನ್ ಬಲದ ತಾಕತ್ತು ತಂಡಕ್ಕಿದೆ. ಮಾರ್ಕಸ್ ಸ್ಟೋಯ್ನಿಸ್, ಕೃನಾಲ್ ಪಾಂಡ್ಯಾ ಮತ್ತು ದೀಪಕ್ ಹೂಡ ಆಲ್ ರೌಂಡ್ ಬಲವಿದೆ. ಕ್ವಿಂಟಾನ್ ಡಿಕಾಕ್, ನಾಯಕ, ಕೆ.ಎಲ್. ರಾಹುಲ್, ಆಯುಷ್ ಬಡೋನಿ ಯಂತಹ ಸ್ಪೆಷಲಿಸ್ಟ್ ಬ್ಯಾಟ್ಸ್ಮನ್ಗಳಿದ್ದಾರೆ.
ಪುಣೆ ಪಿಚ್ ಬ್ಯಾಟಿಂಗ್ ಫ್ರೆಂಡ್ಲಿ ಅನ್ನುವ ಮಾತಿದೆ. ಆದರೆ ಎರಡೂ ತಂಡಗಳಲ್ಲೂ ಅದ್ಭುತ ವೇಗದ ಬೌಲರ್ ಗಳಿದ್ದಾರೆ. ಹೀಗಾಗಿ ಬ್ಯಾಟ್ಸ್ ಮನ್ಗಳಿಗೆ ಅಗ್ನಿ ಪರೀಕ್ಷೆ ಖಚಿತ.