ಡೆಲ್ಲಿ ಕ್ಯಾಪಿಟಲ್ಸ್ ಪಾಲಿಗೆ ಪ್ಲೇ-ಆಫ್ ಲೆಕ್ಕಾಚಾರದಲ್ಲಿ ಇದು ಮಾಡು ಇಲ್ಲವೆ ಮಡಿ ಪಂದ್ಯ. ಸನ್ ರೈಸರ್ಸ್ ಕೊನೆಯ ಹಂತದಲ್ಲಿ ಗಲಿಬಿಲಿ ಬೇಡ ಅನ್ನುವ ಕಾರಣಕ್ಕೆ ಈ ಪಂದ್ಯವನ್ನು ಗೆಲ್ಲಬೇಕು ಅಂತ ಪ್ಲಾನ್ ಮಾಡಿದೆ. ಹೀಗಾಗಿ ಎರಡೂ ತಂಡಗಳ ರಣತಂತ್ರ ಸಿಕ್ಕಾಪಟ್ಟೆ ಇಂಟರೆಸ್ಟಿಂಗ್ ಆಗಿದೆ.
ಭುವಿ ಭಯ:
ಸನ್ ರೈಸರ್ಸ್ ತಂಡದ ಅನುಭವಿ ವೇಗಿ ಭುವನೇಶ್ವರ್ ಕುಮಾರ್ ಡೆಲ್ಲಿ ಕ್ಯಾಪಿಟಲ್ಸ್ ಆರಂಭಿಕ ಜೋಡಿ ಪೃಥ್ವಿ ಷಾ ಮತ್ತು ಡೇವಿಡ್ ವಾರ್ನರ್ ಗೆ ಭಯ ಹುಟ್ಟಿಸಿದೆ. ಭುವನೇಶ್ವರ್ ಡೇವಿಡ್ ವಾರ್ನರ್ ಅವರನ್ನು ಒಂದು ಬಾರಿ ಔಟ್ ಮಾಡಿದ್ದು ಮಾತ್ರವಲ್ಲದೆ 19 ಎಸೆತಗಳಲ್ಲಿ ಕೇವಲ 13 ರನ್ ಮಾತ್ರ ನೀಡಿದ್ದಾರೆ. ಪೃಥ್ವಿ ಷಾ 2 ಬಾರಿ ಭುವಿಗೆ ವಿಕೆಟ್ ಒಪ್ಪಿಸಿದ್ದಾರೆ. ಅಷ್ಟೇ ಅಲ್ಲ ಭುವಿ ಎದುರು ಪೃಥ್ವಿ 35 ಎಸೆತಗಳಲ್ಲಿ 35 ರನ್ ಮಾತ್ರ ಬಾರಿಸಿದ್ದಾರೆ.
ಡೇಂಜರಸ್ ಜೋಡಿ:
ಡೇವಿಡ್ ವಾರ್ನರ್ ಮತ್ತು ಪೃಥ್ವಿ ಷಾ ಕ್ಯಾಪಿಟಲ್ಸ್ ತಂಡದ ಗರಿಷ್ಠ ಸ್ಕೋರರ್ಗಳು. ಈ ಜೋಡಿ 7 ಪಂದ್ಯಗಳಲ್ಲಿ ಸರಾಸರಿ 48 ರನ್ಗಳನ್ನು ಕಲೆ ಹಾಕಿದೆ. ಅಷ್ಟೇ ಅಲ್ಲ ಓವರ್ ಒಂದಕ್ಕೆ 10.23ರ ಸರಾಸರಿಯಲ್ಲಿ ರನ್ ಗಳಿಸಿದೆ.
ತ್ರಿಪಾಠಿ ವಿರುದ್ಧ ತ್ರಿಪಲ್ ಫಾಮುಲಾ:
ಸನ್ ರೈಸರ್ಸ್ ತಂಡಕ್ಕೆ ರಾಹುಲ್ ತ್ರಿಪಾಠಿ ಬ್ಯಾಟಿಂಗ್ ನಲ್ಲಿ ಆಸರೆಯಾಗಿದ್ದಾರೆ. ಈ ಸೀಸನ್ನಲ್ಲಿ ತ್ರಿಪಾಠೀ 172 ರ ಸ್ಟ್ರೈಕ್ ರೇಟ್ ಹೊಂದಿದ್ದಾರೆ. ಆದರೆ ಡೆಲ್ಲಿ ಕ್ಯಾಪಿಟಲ್ಸ್ ತ್ರಿಪಾಠಿ ಕಟ್ಟಿಹಾಕಲು ಮೂರು ಫಾರ್ಮುಲಾಗಳನ್ನು ಹುಡುಕಿದೆ. ಮೊದಲನೆದ್ದು ಅಕ್ಸರ್ ಪಟೇಲ್, 2ನೇಯದ್ದು ಮುಸ್ತಾಫಿಝುರ್ ರೆಹಮಾನ್ ಮತ್ತು 3ನೇಯದ್ದು ಶಾರ್ದೂಲ್ ಥಾಕೂರ್. ಈ ಮೂವರ ಬೌಲರ್ ಗಳ ವಿರುದ್ಧ ತ್ರಿಪಾಠಿ ಸ್ಟ್ರೈಕ್ ರೇಟ್ ಕಡಿಮೆ ಇದೆ. ಆದರೆ ಕುಲ್ ದೀಪ್ ಯಾದವ್ ವಿರುದ್ಧ ತ್ರಿಪಾಠಿ 14 ಎಸೆತಗಳಲ್ಲಿ 34 ರನ್ ಸಿಡಿಸಿದ್ದಾರೆ.
ನಂಬರ್ ಗೇಮ್:
- ಡೇವಿಡ್ ವಾರ್ನರ್ ಕಳೆದ ಕೆಲವು ಸೀಸನ್ ಗಳ ಹಿಂದೆ ಹೈದ್ರಾಬಾದ್ ತಂಡದ ನಾಯಕನಾಗಿದ್ದರು. ವಾರ್ನರ್ ಹೈದ್ರಾಬಾದ್ ಪರ 4014 ರನ್ಗಳಿಸಿದ್ದಾರೆ.
- ಉಮ್ರನ್ ಮಲಿಕ್ ಡೆಲ್ಲಿ ಕ್ಯಾಪಿಟಲ್ಸ್ ಆಟಗಾರರ ವಿರುದ್ಧ ಇಲ್ಲಿ ತನಕ ಒಂದೇ ಒಂದು ಎಸೆತ ಹಾಕಿಲ್ಲ. ಉಮ್ರನ್ ಮಲಿಕ್ ವಿಕೆಟ್ ಬೇಟೆಯಲ್ಲಿ ಹೊಸ ಬ್ಯಾಟ್ಸ್ಮನ್ ಗಳೇ ಹೆಚ್ಚಾಗಿರುವುದು ಸನ್ ರೈಸರ್ಸ್ ವಿಶ್ವಾಸ ಹೆಚ್ಚಿಸಿದೆ.
- ರಿಷಬ್ ಪಂತ್ ಎಸ್ಆರ್ಎಚ್ ವಿರುದ್ಧ 466 ರನ್ಗಳಿಸಿದ್ದಾರೆ. 22 ಸಿಕ್ಸರ್ ಗಳನ್ನು ಮತ್ತು ಅಜೇಯ 128 ರನ್ಗಳ ಗರಿಷ್ಠ ವೈಯಕ್ತಿಕ ಮೊತ್ತ ದಾಖಲಿಸಿದ್ದಾರೆ.
- ಸನ್ರೈಸರ್ಸ್ ಓಪನರ್ ಅಭಿಷೇಕ್ ಶರ್ಮಾ 46 ರನ್ಗಳಿಸಿರೆ ಈ ಬಾರಿಯ ಐಪಿಎಲ್ನಲ್ಲಿ ಗರಿಷ್ಠ ರನ್ಗಳಿಸಿದವರ ಪಟ್ಟಿಯಲ್ಲಿ 3ನೇ ಸ್ಥಾನಕ್ಕೇರುತ್ತಾರೆ.
