ಚಿತ್ರಣ:
ಮೊದಲ ಪಂದ್ಯದಲ್ಲಿ ಎರಡೂ ತಂಡಗಳು ಸೋತಿವೆ. ಇನ್ನಿಂಗ್ಸ್ನ ಆರಂಭದಲ್ಲೇ ಎರಡೂ ತಂಡಗಳು ಎಡವಿದೆ. ಮಧ್ಯಮ ಸರದಿಯ ಶಕ್ತಿಯ ಕಾರಣದಿಂದ ಮಾನ ಉಳಿಸಿಕೊಳ್ಳುವ ಮೊತ್ತ ಕಲೆ ಹಾಕಿದ್ದವು. ಬೌಲಿಂಗ್ ವೇಳೆ ಗೆಲುವಿನ ಹತ್ತಿರ ಬಂದಿದ್ದರೂ ಕೊಂಚ ಎಡವಿದ್ದು ಹೊಡೆತ ಕೊಟ್ಟಿದೆ. ಹೀಗಾಗಿ 2ನೇ ಪಂದ್ಯ ಲಖನೌ ಸೂಪರ್ ಜೈಂಟ್ಸ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ಪಾಲಿಗೆ ಮಹತ್ವದ್ದಾಗಿದೆ. ಬ್ರೆಬೋರ್ನ್ನ ಬ್ಯಾಟಿಂಗ್ ಪಿಚ್ನಲ್ಲಿ ಶಕ್ತಿಯ ಕಂಪ್ಲೀಟ್ ಪರಿಚಯ ಸಿಗಲಿದೆ.
ತಂಡಗಳ ಬಲಾಬಲ:
ಚೆನ್ನೈ ಸೂಪರ್ ಕಿಂಗ್ಸ್ ಬದಲಾವಣೆ ಮಾಡಿಕೊಳ್ಳುವುದು ಗ್ಯಾರೆಂಟಿ. ಮೊಯಿನ್ ಅಲಿ ತಂಡ ಸೇರಿಕೊಳ್ಳುವು ಪಕ್ಕಾ ಆಗಿದೆ. ಹೀಗಾಗಿ ಬ್ಯಾಟಿಂಗ್ ಬಲದ ಜೊತೆ ಆಫ್ ಸ್ಪಿನ್ ಆಯ್ಕೆ ಕೂಡ ಸಿಗಲಿದೆ. ಆದರೆ ಹೊರೆ ಕೂರುವುದು ಯಾರು..? ಮೆಲ್ನೋಟಕ್ಕೆ ಡೆವೊನ್ ಕಾನ್ವೆ ಸ್ಥಾನ ಕಳೆದುಕೊಳ್ಳಬಹುದಾದರೂ, ಮಿಚೆಲ್ ಸ್ನಾಂಟ್ನರ್ ಬೇಕಾ ಅನ್ನುವ ಪ್ರಶ್ನೆಯೂ ಇದೆ. ಮತ್ತೊಂದು ಕಡೆ ಡ್ವೈನ್ ಪ್ರಿಟೋರಿಯಸ್ ಆಯ್ಕೆಗೆ ಲಭ್ಯ ಇರುವುದರಿಂದ ಸ್ನಾಂಟ್ನರ್ ಸ್ಥಾನ ಡಮಾರ್ ಆಗಬಹುದು. ಡ್ವೈನ್ ಬ್ರಾವೋ 3ನೇ ವಿದೇಶಿ ಆಟಗಾರನಾದರೆ, ಆ್ಯಡಂ ಮಿಲ್ನೆ ಫಾರಿನ್ ಕೋಟಾದ 4ನೇಪ್ಲೇಯರ್.
ಬ್ಯಾಟಿಂಗ್ ವಿಚಾರಕ್ಕೆ ಬಂದರೆ ಮೊಯಿನ್ ಅಲಿ ಮತ್ತು ರುತುರಾಜ್ ಇನ್ನಿಂಗ್ಸ್ ಓಪನ್ ಮಾಡಬಹುದು. ರಾಬಿನ್ ಉತ್ತಪ್ಪ ಮತ್ತು ಅಂಬಟಿ ರಾಯುಡು ಟಾಪ್ ಆರ್ಡರ್ನ ಶಕ್ತಿಗಳು. ಧೋನಿ ಮತ್ತು ಜಡೇಜಾ ಬ್ಯಾಟಿಂಗ್ ಫಾರ್ಮ್ ಬಗ್ಗೆ ನಂಬಿಕೆ ಇದೆ. ಶಿವಂ ದುಬೆ ಯುವ ಆಟಗಾರ ರಾಜ್ ವರ್ಧನ್ ಹಂಗೇರ್ಕರ್ಗೆ ಸ್ಥಾನ ಕೊಡಬೇಕಾಗಬಹುದು. ಡ್ವೈನ್ ಬ್ರಾವೋ ಫಿನಿಷರ್ ಜಾಗ ಭರ್ತಿ ಮಾಡಲಿದ್ದಾರೆ,
ಬೌಲಿಂಗ್ ಆಯ್ಕೆಗಳ ಬಗ್ಗೆಯೂ ಚರ್ಚೆಯೂ ಇದೆ. ಆ್ಯಡಂ ಮಿಲ್ನೆ ಮತ್ತು ರಾಜ್ವರ್ಧನ್ ಹೊಸ ಚೆಂಡು ಹಂಚಿಕೊಂಡರೆ, ಪ್ರಿಟೋರಿಯಸ್ ಮತ್ತು ಬ್ರಾವೋ ಚೇಂಜ್ ಬೌಲರ್ಗಳು. ಮೊಯಿನ್ ಅಲಿ ಮತ್ತು ರವೀಂದ್ರ ಜಡೇಜಾ ಕೋಟಾ ಭರ್ತಿ ಮಾಡುವ ಸಾಮರ್ಥ್ಯ ಹೊಂದಿದ್ದಾರೆ.
ಲಖನೌ ತಂಡವೂ ಮೊದಲ ಪಂದ್ಯದಲ್ಲಿ ಎಡವಿತ್ತು. ಕೆ.ಎಲ್. ರಾಹುಲ್, ಎವಿನ್ ಲೆವಿಸ್, ಕ್ವಿಂಟನ್ ಡಿಕಾಕ್ ಮತ್ತು ಮನೀಷ್ ಪಾಂಡೆ 2ನೇ ಪಂದ್ಯದಲ್ಲಿ ಮಿಂಚಲೇ ಬೇಕು. ದೀಪಕ್ ಹೂಡಾ ಮತ್ತು ಬೇಬಿ ಎಡಿಬಿ ಖ್ಯಾತಿಯ ಆಯುಷ್ ಬಡೋನಿ ಬ್ಯಾಟಿಂಗ್ ಬಗ್ಗೆ ನಿರೀಕ್ಷೆ ಇದೆ. ಕೃನಾಲ್ ಪಾಂಡ್ಯಾ ಮತ್ತು ದುಷ್ಮಂತ್ ಚಾಮಿರ ಫೈನಲ್ ಟಚ್ ಕೊಡಬಲ್ಲರು.
ಬೌಲಿಂಗ್ನಲ್ಲಿ ಚಾಮಿರಾ ಮತ್ತು ಆವೇಶ್ ಖಾನ್ ಜೊತೆ ಮೌಸಿನ್ ಖಾನ್ ಹೊ ಚೆಂಡು ಹಂಚಿಕೊಳ್ಳಬಹುದು. ಕೃನಾಲ್ ಮತ್ತು ರವಿ ಬಿಷ್ಣೋಯಿ ಟ್ರಂಪ್ ಕಾರ್ಡ್ ಸ್ಪಿನ್ನರ್ಗಳು. ಆದರೆ 6ನೇ ಬೌಲಿಂಗ್ ಆಯ್ಕೆ ದೀಪಕ್ ಹೂಡ ಇದ್ದಾರೆ.
ಪಿಚ್ ಮತ್ತು ಕಂಡೀಷನ್:
ಬ್ರೆಬೋರ್ನ್ ಪಿಚ್ ಬ್ಯಾಟಿಂಗ್ ಸ್ವರ್ಗ. ಎರಡನೇ ಇನ್ನಿಂಗ್ಸ್ ವೇಳೆ ಬೀಳುವ ಡ್ಯೂ ಫಲಿತಾಂಶದ ಮೇಲೆಸಸಸ ನೇರ ಪರಿಣಾಮ ಬೀರುತ್ತದೆ. ಹೀಗಾಗಿ ಟಾಸ್ ಗೆದ್ದವನು ಬಾಸ್ ಅನ್ನುವುದು ಈ ಪಂದ್ಯದಲ್ಲಿ ಮುಂದುವರೆದರೂ ಅಚ್ಚರಿ ಇಲ್ಲ.
