ಚಿತ್ತಗಾಂಗ್ ಟೆಸ್ಟ್ನ 3ನೇ ದಿನ ಬಾಂಗ್ಲಾದೇಶ ಬೊಂಬಾಟ್ ಬ್ಯಾಟಿಂಗ್ ಮಾಡಿತು. ನಿಧಾನಗತಿಯ ವಿಕೆಟ್ನಲ್ಲಿ ರನ್ಗಳಿಸುವುದರ ಜೊತೆಗೆ ವಿಕೆಟ್ ಕೂಡ ಉಳಿಸಿಕೊಂಡಿತು. ಅಷ್ಟೇ ಅಲ್ಲ ದಿನ ಅಂತ್ಯಕ್ಕೆ 3 ವಿಕೆಟ್ ಕಳೆದುಕೊಂಡು 318 ರನ್ ಗಳಿಸಿದೆ. ಮೊದಲ ಇನ್ನಿಂಗ್ಸ್ ಹಿನ್ನಡೆಯನ್ನು 79 ರನ್ಗಳಿಗೆ ತಗ್ಗಿಸಿಕೊಂಡಿದೆ.
3ನೇ ದಿನ ಆಟ ಆರಂಭಿಸಿದ ಮೊಹಮ್ಮದುಲ್ ಹಸನ್ ಜಾಯ್ ಮತ್ತು ತಮೀಮ್ ಇಕ್ಬಾಲ್ ಲಂಕಾ ಬೌಲರ್ಗಳ ಬೆವರಿಳಿಸಿದರು. ಹಸನ್ ಜಾಯ್ 58 ರನ್ಗಳಿಸಿ ನಿರ್ಗಮಿಸಿದರು. ನಜ್ಮಲ್ ಹುಸೈನ್ 1 ರನ್ ಗಳಿಸಿ ರಜಿತಾಗೆ ವಿಕೆಟ್ ಒಪ್ಪಿಸಿದರು. ನಾಯಕ ಮೊಮಿನುಲ್ ಕೂಡ 2 ರನ್ಗಳಿಸಿ ರಜಿತಾಗೆ 2ನೇ ಬಲಿಯಾದರು.
ತಮೀಮ್ ಇಕ್ಬಾಲ್ ರನ್ ಬೇಟೆಯಾಡುತ್ತಾ ಮುನ್ನುಗ್ಗಿದರು. ಇನ್ನೊಂದೆಡೆ ಮುಷ್ಫಿಕರ್ ರಹೀರ್ ಸಾಥ್ ನೀಡಿದರು. ತಮೀಮ್ ಶತಕದ ಸಂಭ್ರಮ ಆಚರಿಸಿಕೊಂಡರು. 133 ರನ್ಗಳಿಸಿದ್ದ ವೇಳೆ ಗಾಯಗೊಂಡ ತಮೀಮ್ ಮೈದಾನ ತ್ಯಜಿಸಿದರು.
ಮುಷ್ಫಿಕರ್ ಮತ್ತು ಲಿಟನ್ ದಾಸ್ ಮತ್ತೊಂದು ಇನ್ನಿಂಗ್ಸ್ ಕಟ್ಟಿದರು. ಅಜೇಯ 98 ರನ್ಗಳ ಜೊತೆಯಾಟ ಆಡಿ ಲಂಕಾ ಬೌಲರ್ ಗಳನ್ನು ಕಾಡಿದರು. ರಹೀಮ್ ಅಜೇಯ 53 ರನ್ ಗಳಿಸಿದರೆ, ದಾಸ್ ಅಜೇಯ 54 ರನ್ ಗಳಿಸಿದ್ದಾರೆ. 4ನೇ ದಿನದಾಟದಲ್ಲಿ ಪಿಚ್ ಬೌಲರ್ ಗಳಿಗೆ ನೆರವು ನೀಡಿದರೆ ಪಂದ್ಯದ ಫಲಿತಾಂಶ ಸಾಧ್ಯವಿದೆ.
