ರಾಜಸ್ಥಾನ ವಿರುದ್ಧದ ಪಂದ್ಯದಲ್ಲಿ ಸನ್‌ರೈಸರ್ಸ್ ಹೈದರಾಬಾದ್ 61 ರನ್‌ಗಳಿಂದ ಸೋಲು ಕಂಡಿದೆ. ಪಂದ್ಯದುದ್ದಕ್ಕೂ ರಾಜಸ್ತಾನ ತಂಡ ಹೈದರಾಬಾದ್ ಮೇಲೆ ಪ್ರಾಬಲ್ಯ ಮೆರೆದಿದೆ. ಸೋಲಿನ ನಂತರವೂ ನಾಯಕ ವಿಲಿಯಮ್ಸನ್ ಸಂಕಷ್ಟ ಕಡಿಮೆಯಾಗಿಲ್ಲ. ನಿಧಾನಗತಿಯ ಬೌಲಿಂಗ್ ನಿಂದಾಗಿ ಇವರು 12 ಲಕ್ಷ ರೂ. ದಂಡ ಕಟ್ಟಬೇಕಾಗಿದೆ. ಕೇನ್ ಈ ಋತುವಿನಲ್ಲಿ, ನಿಧಾನಗತಿಯ ಬೌಲಿಂಗ್ ಗೆ ದಂಡಕ್ಕೆ ಗುರಿಯಾದ ಎರಡನೇ ನಾಯಕನಾಗಿದ್ದಾರೆ. ಇದಕ್ಕೂ ಮುನ್ನ ದೆಹಲಿ ವಿರುದ್ಧದ ಪಂದ್ಯದಲ್ಲಿ ಮುಂಬೈ ತಂಡದ ನಾಯಕ ರೋಹಿತ್ ಶರ್ಮಾ ಕೂಡ ದಂಡಕ್ಕೆ ತುತ್ತಾಗಿದ್ದರು.
ನಾಯಕ ಮತ್ತೊಮ್ಮೆ ಇದೇ ತಪ್ಪನ್ನು ಮಾಡಿದರೆ, ಈ ದಂಡವು ದ್ವಿಗುಣಗೊಳ್ಳಬಹುದು. ಮೂರನೇ ಬಾರಿ ಈ ತಪ್ಪು ಎಸಗಿದರೆ, ದಂಡದೊಂದಿಗೆ ಒಂದು ಪಂದ್ಯದ ನಿಷೇಧವನ್ನೂ ವಿಧಿಸಬಹುದು.
ರಾಜಸ್ಥಾನ ವಿರುದ್ಧದ ಪಂದ್ಯದ ವೇಳೆ ಹಲವು ಬಾರಿ ವಿಲಿಯಮ್ಸನ್ ತಮ್ಮ ಬೌಲರ್‌ಗಳಿಗೆ ಓವರ್‌ಗಳನ್ನು ತ್ವರಿತವಾಗಿ ಪೂರ್ಣಗೊಳಿಸುವಂತೆ ಸನ್ನೆಗಳನ್ನು ನೀಡುತ್ತಿರುವುದು ಕಂಡುಬಂದಿತ್ತು. ಅವರ ಮನಸ್ಸಿನಲ್ಲಿ ಎಲ್ಲೋ ಈ ಬಗ್ಗೆ ಕಳವಳ ಇತ್ತು. ಇಂತಹ ಪರಿಸ್ಥಿತಿಯಲ್ಲಿ, ಇದು ಉಳಿದ ನಾಯಕರಿಗೆ ಒಂದು ಎಚ್ಚರಿಕೆಯಾಗಿದೆ, ಇದು ಅವರು ತಮ್ಮನ್ನು ತಾವು ತಿದ್ದಿಕೊಂಡು ಸಾಗಬಹುದು. ಏಕೆಂದರೆ ಈಗತಾನೇ ಲೀಗ್ ಆರಂಭವಾಗಿದ್ದರಿಂದ ಎಲ್ಲ ತಂಡಕ್ಕೂ ತಮ್ಮ ತಮ್ಮ ನಾಯಕ ಮುಖ್ಯನಾಗಿರುತ್ತಾನೆ.
ಇದಕ್ಕೂ ಮುನ್ನ ಎಂಸಿಎ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಇಬ್ಬನಿಯ ಪ್ರಭಾವ ತೀರಾ ಕಡಿಮೆಯಾಗಿತ್ತು. ಮೊದಲು ಬ್ಯಾಟಿಂಗ್ ಮಾಡಿದ ರಾಜಸ್ಥಾನ ತಂಡವು ನಾಯಕ ಸಂಜು ಸ್ಯಾಮ್ಸನ್ ಅವರ ಅದ್ಭುತ 55, ದೇವದತ್ ಪಡಿಕ್ಕಲ್ 41, ಜೋಸ್ ಬಟ್ಲರ್ 35 ಮತ್ತು ಹೆಟ್ಮೆಯರ್ 32 ರನ್ ಗಳ ನೆರವಿನಿಂದ ಈ ಋತುವಿನಲ್ಲಿ ಗರಿಷ್ಠ 210 ರನ್ ಗಳಿಸಿತು.
ಇದಕ್ಕೆ ಪ್ರತಿಯಾಗಿ ಹೈದರಾಬಾದ್ ತಂಡ ಆರಂಭದಲ್ಲಿ ಒತ್ತಡಕ್ಕೆ ಸಿಲುಕಿತು. ಕೇನ್ ಪಡೆ ಪವರ್ ಪ್ಲೇನ ಲಾಭ ಪಡೆಯುವಲ್ಲಿ ವಿಫಲವಾಯಿತು. ಅಲ್ಲದೆ ಮೊದಲ ಆರು ಓವರ್ ಗಳ ಅವಧಿಯಲ್ಲಿ ಮೂರು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ಕೇನ್ ಎರಡನೇ ಓವರ್‌ನಲ್ಲಿ ಕೇವಲ 2 ರನ್ ಗಳಿಸಿ ಔಟಾದರು. ಏಡೆನ್‌ ಮಾರ್ಕ್‌ರಾಮ್‌ (57 ರನ್) ಅವರ ಬ್ಯಾಟ್‌ನಿಂದ ಹೈದರಾಬಾದ್ ಪರ ಗರಿಷ್ಠ ರನ್‌ಗಳು ಬಂದವು. ಹೈದರಾಬಾದ್‌ನ ಮುಂದಿನ ಪಂದ್ಯ ಲಖನೌ ಸೂಪರ್ ಜೈಂಟ್ಸ್‌ಸ ವಿರುದ್ಧ ಏಪ್ರಿಲ್ 4 ರಂದು ನಡೆಯಲಿದೆ.
