ಮ್ಯಾಂಚೆಸ್ಟರ್ನಲ್ಲಿ (Manchester) ವಿಕೆಟ್ ಕೀಪರ್ (Wicket Keeper) ಬ್ಯಾಟ್ಸ್ಮನ್ ರಿಷಬ್ ಪಂತ್ (Rishab Pant) ಸಿಡಿಸಿದ ಶತಕಕ್ಕೆ ಎಲ್ಲೆಡೆಯಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ರಿಷಬ್ ತನ್ನ ಇನ್ನಿಂಗ್ಸ್ನಲ್ಲಿ ತೋರಿಸಿದ ಮೆಚ್ಯುರಿಟಿ ಬಗ್ಗೆ ಚರ್ಚೆಯಾಗುತ್ತಿದೆ. ಅಗತ್ಯ ಸಂದರ್ಭಗಳಲ್ಲಿ ತಂಡದ ನೆರವಿಗೆ ನಿಂತು ಪಂದ್ಯ ಗೆಲ್ಲಿಸಿದ ರಿಷಬ್ ಇನ್ನಿಂಗ್ಸ್ ವಿಶೇಷಗಳಲ್ಲಿ ವಿಶೇಷ.
ಟೀಮ್ ಇಂಡಿಯಾದ (Team India )ವಿಕೆಟ್ ಕೀಪರ್ ಆಗಿ ಏಕದಿನ ಕ್ರಿಕೆಟ್ನಲ್ಲಿ ಶತಕ ಸಿಡಿಸಿದ 4ನೇ ಬ್ಯಾಟ್ಸ್ಮನ್ ಎಂಬ ಖ್ಯಾತಿ ರಿಷಬ್ ಪಾಲಾಗಿದೆ. ಈ ಹಿಂದೆ ಮಹೇಂದ್ರ ಸಿಂಗ್ ಧೋನಿ (MS Dhoni), ರಾಹುಲ್ ದ್ರಾವಿಡ್ (Raul Dravid), ಕೆ.ಎಲ್ ರಾಹುಲ್ (KL Rahul) ಮಾತ್ರ ಈ ಸಾಧನೆ ಮಾಡಿದ್ದರು. ಮ್ಯಾಂಚೆಸ್ಟರ್ ಇನ್ನಿಂಗ್ಸ್ ಬಳಿಕ ರಿಷಬ್ ಈ ಲಿಸ್ಟ್ ಸೇರ್ಪಡೆಯಾಗಿದ್ದಾರೆ.
9 ಶತಕ ಸಿಡಿಸಿರುವ ಮಹೇಂದ್ರ ಸಿಂಗ್ ಧೋನಿ
ಟೀಮ್ ಇಂಡಿಯಾದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಏಕದಿನ ಕ್ರಿಕೆಟ್ನಲ್ಲಿ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ಆಗಿ 9 ಶತಕ ಸಿಡಿಸಿದ್ದಾರೆ. ಆಸ್ಟ್ರೇಲಿಯಾದ ಆ್ಯಡಂ ಗಿಲ್ಕ್ರಿಷ್ಟ್ ಬಳಿಕ ವಿಕೆಟ್ ಕೀಪರ್ ಒಬ್ಬ ಸಿಡಿಸಿರುವ ಗರಿಷ್ಟ ಶತಕ ಇದಾಗಿದೆ. ಧೋನಿ ಇನ್ನಿಂಗ್ಸ್ಗಳು ಆಕರ್ಷಕವಾಗಿರುತ್ತಿದ್ದು, ಮ್ಯಾಚ್ ವಿನ್ನಿಂಗ್ ಇನ್ನಿಂಗ್ಸ್ ಕೂಡ ಆಗಿರುತ್ತಿತ್ತು. ಧೋನಿ ಸಿಡಿಸಿರುವ ಬಹುತೇಕ ಶತಕಗಳು 5 ಅಥವಾ ಅದಕ್ಕಿಂತ ಕೆಳಕ್ರಮಾಂಕದಲ್ಲಿ ಆಟಕ್ಕಿಳಿದು ಸಿಡಿಸಿದ ಶತಕವೇ ಆಗಿದೆ.
4 ಶತಕ ಸಿಡಿಸಿದ್ದಾರೆ ಕೋಚ್ ದ್ರಾವಿಡ್
ಈಗ ಟೀಮ್ ಇಂಡಿಯಾದ ಕೋಚ್ ಆಗಿರುವ ರಾಹುಲ್ ದ್ರಾವಿಡ್ ಟೀಮ್ ಇಂಡಿಯಾದ ವಿಕೆಟ್ ಕೀಪರ್ ಆಗಿಯೂ ಕಾರ್ಯ ನಿರ್ವಹಿಸಿದ್ದರು. ದ್ರಾವಿಡ್ ಕೀಪಿಂಗ್ ಗ್ಲೌಸ್ ತೊಟ್ಟು ಬ್ಯಾಟ್ಸ್ಮನ್ ಒಬ್ಬನಿಗೆ ಅವಕಾಶ ಮಾಡಿಕೊಟ್ಟಿದ್ದಲ್ಲದೆ, ಏಕದಿನ ಕ್ರಿಕೆಟ್ನಲ್ಲಿ 4 ಶತಕ ಕೂಡ ಬಾರಿಸಿದ್ದರು.
ತಲಾ 1 ಶತಕ ಸಿಡಿಸಿದ್ದಾರೆ ರಾಹುಲ್, ಪಂತ್
ಕೆ.ಎಲ್. ರಾಹುಲ್ (KL Rahul) ಕೂಡ ಏಕದಿನ ಕ್ರಿಕೆಟ್ನಲ್ಲಿ ಕೀಪಿಂಗ್ ಗ್ಲೌಸ್ ತೊಟ್ಟು ಆಟಕ್ಕಿಳಿದಿದ್ದರು. ಆ ಪಂದ್ಯದಲ್ಲಿ ಬ್ಯಾಟಿಂಗ್ನಲ್ಲೂ ಮಿಂಚಿದ್ದ ರಾಹುಲ್ ಶತಕ ಸಿಡಿಸಿ ದಾಖಲೆ ಬರೆದಿದ್ದರು. ಈಗ ರಿಷಬ್ ಪಂತ್ ಈ ದಾಖಲೆಯ ಪಟ್ಟಿಯಲ್ಲಿ ಸೇರಿಕೊಂಡಿದ್ದಾರೆ. ಇನ್ನೂ ಯುವಕನಾಗಿರುವ ರಿಷಬ್ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ಇನ್ನಷ್ಟು ಶತಕಗಳನ್ನು ಭವಿಷ್ಯದಲ್ಲಿ ಸಿಡಿಸಲಿದ್ದಾರೆ. ಮ್ಯಾಂಚೆಸ್ಟರ್ ಮ್ಯಾಜಿಕ್ ಕೇವಲ ಆರಂಭವಷ್ಟೇ