WI v IND : ಋತುರಾಜ್‌ ODI ಕ್ರಿಕೆಟ್‌ಗೆ ಎಂಟ್ರಿಕೊಡಲಿ: ಧವನ್‌ ಜೊತೆಗೆ ಇನ್ನಿಂಗ್ಸ್‌ ಆರಂಭಿಸಲಿ ಎಂದ ವಸೀಂ ಜಾಫರ್‌
ಟೀಂ ಇಂಡಿಯಾ( Team India) ಭರವಸೆ ಬ್ಯಾಟ್ಸ್‌ಮನ್‌ ಆಗಿ ಮಿಂಚುವ ನಿರೀಕ್ಷೆ ಮೂಡಿಸಿರುವ ಋತುರಾಜ್‌ ಗಾಯಕ್ವಾಡ್‌(Ruturaj Gaikwad), ಮುಂದಿನ ವೆಸ್ಟ್‌ ಇಂಡೀಸ್‌ ವಿರುದ್ಧದ ಸರಣಿಯಲ್ಲಿ ಏಕದಿನ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡುವ ಜೊತೆಗೆ, ತಂಡದ ಆರಂಭಿಕನಾಗಿ ಕಣಕ್ಕಿಳಿಯಬೇಕಿದೆ ಎಂದು ಭಾರತದ ಮಾಜಿ ಕ್ರಿಕೆಟಿಗ ವಸೀಂ ಜಾಫರ್‌ ಟ್ವೀಟ್‌ ಮಾಡಿದ್ದಾರೆ.
ಋತುರಾಜ್‌ ಗಾಯಕ್ವಾಡ್‌ ಲಿಸ್ಟ್‌-ಎ ಕ್ರಿಕೆಟ್‌ನಲ್ಲಿ ಅತ್ಯುತ್ತಮ ದಾಖಲೆ ಹೊಂದಿದ್ದು, ವಿಜಯ್‌ ಹಜಾ಼ರೆ ಕ್ರಿಕೆಟ್‌ನಲ್ಲಿ 5 ಇನ್ನಿಂಗ್ಸ್‌ಗಳಲ್ಲಿ 4 ಶತಕ ಸಿಡಿಸಿದ್ದಾರೆ. ಹೀಗಾಗಿ ಶಿಖರ್‌ ಧವನ್‌ ಜೊತೆಗೂಡಿ ಆರಂಭಿಕನಾಗಿ ಕಣಕ್ಕಿಳಿದರೆ, ಲೆಫ್ಟ್‌ ಹ್ಯಾಂಡ್‌ ಹಾಗೂ ರೈಟ್‌ ಹ್ಯಾಂಡ್‌ ಕಾಂಬಿನೇಷನ್‌ ಆಗಲಿದೆ ಎಂದು ವಸೀಂ ಜಾಫರ್‌ ಅಭಿಪ್ರಾಯಪಟ್ಟಿದ್ದಾರೆ. ಋತುರಾಜ್‌ ಗಾಯಕ್ವಾಡ್‌ ಲಿಸ್ಟ್‌-ಎ ಕ್ರಿಕೆಟ್‌ನಲ್ಲಿ 64 ಪಂದ್ಯಗಳಲ್ಲಿ 54.73ರ ಸರಾಸರಿ ಹಾಗೂ 100.09ರ ಸ್ಟ್ರೈಕ್‌ ರೇಟ್‌ನಲ್ಲಿ 3284 ರನ್‌ಗಳಿಸಿದ್ದಾರೆ.
2021ರ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ನಲ್ಲಿ ಚೆನ್ನೈ ಸೂಪರ್‌ ಕಿಂಗ್ಸ್‌ ಪರ ಅದ್ಭುತ ಪ್ರದರ್ಶನ ನೀಡಿದ್ದ ಋತುರಾಜ್‌ ಗಾಯಕ್ವಾಡ್‌, ತಂಡಕ್ಕೆ ಚಾಂಪಿಯನ್ ಪಟ್ಟ ತಂದುಕೊಡುವಲ್ಲಿ ಪ್ರಮುಖ ಪಾತ್ರವಹಿಸಿದ್ದರು. ಅಲ್ಲದೇ ಸರಣಿಯಲ್ಲಿ ಅತ್ಯಧಿಕ ರನ್‌ಗಳಿಸುವ ಮೂಲಕ ಆರೆಂಜ್‌ ಕ್ಯಾಪ್‌ ಸಹ ಪಡೆದುಕೊಂಡಿದ್ದ ಗಾಯಕ್ವಾಡ್‌, 16 ಪಂದ್ಯಗಳಲ್ಲಿ 45.35ರ ಬ್ಯಾಟಿಂಗ್‌ ಸರಾಸರಿ ಹಾಗೂ 136.26ರ ಸ್ಟ್ರೈಕ್‌ ರೇಟ್‌ನೊಂದಿಗೆ 635 ರನ್‌ಗಳಿಸಿದ್ದರು.
ಅಲ್ಲದೇ ಶ್ರೀಲಂಕಾ ವಿರುದ್ಧದ ಸರಣಿ ಮೂಲಕ ಕಳೆದ ವರ್ಷ ಟಿ20 ಕ್ರಿಕೆಟ್‌ಗೆ ಎಂಟ್ರಿಕೊಟ್ಟಿದ್ದ ಋತುರಾಜ್‌ ಗಾಯಕ್ವಾಡ್‌, ಭಾರತದಲ್ಲಿ ನಡೆದ ಸೌತ್‌ ಆಫ್ರಿಕಾ ವಿರುದ್ಧ 5 ಪಂದ್ಯಗಳ ಟಿ20 ಸರಣಿಯಲ್ಲಿ ತಮ್ಮ ಬ್ಯಾಟಿಂಗ್‌ ಸಾಮರ್ಥ್ಯ ಪ್ರದರ್ಶಿಸಿದ್ದರು. ಇದೀಗ ಏಕದಿನ ಕ್ರಿಕೆಟ್‌ಗೆ ಪಾದಾರ್ಪಣೆ ಮಾಡಲು ಗಾಯಕ್ವಾಡ್‌ಗೆ ಅವಕಾಶ ಕೂಡಿಬಂದಿದ್ದು, ಅದು ಸಹ ರೋಹಿತ್‌ ಮತ್ತು ಕೆಎಲ್‌ ರಾಹುಲ್‌ ಅನುಪಸ್ಥಿತಿಯಲ್ಲಿ ವಿಂಡೀಸ್‌ ಪ್ರವಾಸಕೈಗೊಂಡಿದ್ದಾರೆ
