ಟೀಮ್ ಇಂಡಿಯಾದಲ್ಲಿ (Team India) ಜಾಗ ಖಾಲಿ ಆಗುವುದು ಅಪರೂಪ. ಅದರಲ್ಲೂ ಏಷ್ಯಾಕಪ್ನಂತಹ (Asia Cup) ದೊಡ್ಡ ಟೂರ್ನಿಗಳಲ್ಲಿ ಖಾಲಿ ಜಾಗ ಇದೆ ಅಂದರೆ ಆಯ್ಕೆಗಾರರನ್ನು ಇಂಪ್ರೆಸ್ ಮಾಡಲು ಹಲವು ಆಟಗಾರರು ಕಾಯುತ್ತಾ ಇರುತ್ತಾರೆ. ಈಗ ಟೀಮ್ ಇಂಡಿಯಾದಲ್ಲಿ ಗಾಯಗೊಂಡಿರುವ ರವೀಂದ್ರ ಜಡೇಜಾ (Ravindra Jadeja) ಸ್ಥಾನ ಖಾಲಿಯಾಗಿದೆ. ಈ ಸ್ಥಾನಕ್ಕಾಗಿ ದೀಪಕ್ ಹೂಡ (Deepak Hooda) , ರವಿಚಂದ್ರನ್ ಅಶ್ವಿನ್ (Ravichandran Ashwin) ಮತ್ತು ಅಕ್ಸರ್ ಪಟೇಲ್ (Axar Patel) ನಡುವೆ ದೊಡ್ಡ ಫೈಟ್ ನಡೆಯುತ್ತಿದೆ.
ರೋಹಿತ್ ಶರ್ಮಾ (Rohit Sharma) ಮತ್ತು ರಾಹುಲ್ ದ್ರಾವಿಡ್ (Rahul Dravid) ಪಾಕಿಸ್ತಾನ (Pakistan) ವಿರುದ್ಧದ ಪಂದ್ಯಕ್ಕೆ ಬ್ಯಾಟಿಂಗ್ ಬಲ ಬೇಕು ಅಂದರೆ ದೀಪಕ್ ಹೂಡ ಅವರನ್ನು ಆಯ್ಕೆ ಮಾಡಬಹುದು. ಈ ಮೂಲಕ ಬೌಲಿಂಗ್ ಆಯ್ಕೆ ಜೊತೆ ಬ್ಯಾಟಿಂಗ್ಗೂ ಬಲ ಸಿಕ್ಕಾಂತಗುತ್ತದೆ. ಆದರೆ ಬೌಲಿಂಗ್ಗೆ ಮತ್ತಷ್ಟು ಬಲ ಬೇಕು ಅಂದರೆ ವೇಗಿ ಆವೇಶ್ ಖಾನ್ (Avesh Khan) ಬದಲಿಗೆ ಸ್ಪಿನ್ನರ್ ಅಶ್ವಿನ್ ಅಥವಾ ಅಕ್ಸರ್ ಪಟೇಲ್ರನ್ನು ಆಯ್ಕೆ ಮಾಡುವ ಸಾಧ್ಯತೆಯೂ ಇದೆ.
ಅಶ್ವಿನ್ ತಂಡಕ್ಕೆ ಎಂಟ್ರಿ ಕೊಟ್ರೆ ಪವರ್ ಪ್ಲೇ ನಲ್ಲಿ ಬೌಲಿಂಗ್ ಮಾಡುವ ಬೌಲರ್ ಕೂಡ ಸಿಕ್ಕಂತಾಗುತ್ತದೆ. ಜೊತಗೆ ಕೆಳ ಸರದಿಯ ಬ್ಯಾಟಿಂಗ್ಗೂ ಬಲ ಸಿಗುತ್ತದೆ. ಭುವವೇಶ್ವರ್, ಅರ್ಶದೀಪ್ ಮತ್ತು ಪಾಂಡ್ಯಾ ವೇಗದ ಬೌಲಿಂಗ್ ಜೊತೆ ಅಶ್ವಿನ್ ಬಲವೂ ಸಿಗಲಿದೆ. ಆಗ ಜಡೇಜಾ ಸ್ಥಾನದಲ್ಲಿ ಆಯ್ಕೆಯಾಗುವ ಆಟಗಾರ ಕೂಡ 4 ಓವರ್ ಬೌಲಿಂಗ್ ಮಾಡಬೇಕು. ಈ ಸಿಚುವೇಶನ್ಗೆ ಅಕ್ಸರ್ ಪಟೇಲ್ ಫಿಕ್ಸ್ ಆದ ಹಾಗಾಗುತ್ತದೆ.
ಇನ್ನು ಅಕ್ಸರ್ ಪಟೇಲ್ ಆಯ್ಕೆ ಜಡೇಜಾ ಸ್ಥಾನಕ್ಕೆ ಸ್ಟ್ರೈಟ್ ಅವೇ ಚಾಯ್ಸ್ ಅನ್ನುವ ಹಾಗಿದೆ. ಯಾಕಂದರೆ ಅಕ್ಸರ್ ಎಡಗೈ ಬೌಳರ್ ಕಂ ಎಡಗೈ ಬ್ಯಾಟರ್. ಜಡೇಜಾ ಕೂಡ ಇದೇ ಕ್ಯಾಪಸಿಟಿಯಲ್ಲಿ ಆಡುತ್ತಿದ್ದರು. ಹೀಗಾಗಿ ಅಕ್ಸರ್ ಆಯ್ಕೆ ಆದರೂ ಆಗಬಹುದು. ಆದರೆ ಈಗಿರುವ ಆವೇಶ್ ಖಾನ್ ಸ್ಥಾನಕ್ಕೆ ಅಶ್ವಿನ್ಮತ್ತು ದೀಪಕ್ ಹೂಡ ಇಬ್ಬರಲ್ಲಿ ಒಬ್ಬರು ಆಡಲೇಬೇಕು. ಒಟ್ಟಿನಲ್ಲಿ ದ್ರಾವಿಡ್ ಮತ್ತು ರೋಹಿತ್ ಯೋಚನೆ ಮಾಡಿ ಟೀಮ್ ಇಂಡಿಯಾವನ್ನು ಆಯ್ಕೆ ಮಾಡಬೇಕಿದೆ.