ಟಿ-20 ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಸತತ 13 ಪಂದ್ಯಗಳನ್ನು ಗೆದ್ದು ದಾಖಲೆ ನಿರ್ಮಿಸುವ ಅವಕಾಶವನ್ನು ಟೀಮ್ ಇಂಡಿಯಾ ಕಳೆದುಕೊಂಡಿದೆ. ಐದು ಪಂದ್ಯಗಳ ಸರಣಿಯ ಮೊದಲ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ 7 ವಿಕೆಟ್ಗಳಿಂದ ಭಾರತವನ್ನು ಸೋಲಿಸಿತು.
ಭಾರತದ ಇನ್ನಿಂಗ್ಸ್ ಆರಂಭಿಸಿದ ಇಶಾನ್ ಕಿಶನ್ ಹಾಗೂ ಋತುರಾಜ್ ಗಾಯಕ್ವಾಡ್ (23), ದಕ್ಷಿಣ ಆಫ್ರಿಕಾ ದಾಳಿಯನ್ನು ಆತ್ಮವಿಶ್ವಾಸದಿಂದ ಎದುರಿಸಿ ವೇಗವಾಗಿ ರನ್ ಸೇರಿಸುತ್ತ ಸಾಗಿದರು. ಮೊದಲ ವಿಕೆಟ್ ಗೆ 6.2 ಓವರ್ಗಳಲ್ಲಿ 57 ರನ್ ಸೇರಿಸಿ ತಂಡಕ್ಕೆ ಮಿಂಚಿನ ಆರಂಭ ನೀಡಿತು.
![ವಿಶ್ವ ದಾಖಲೆಯ ಕನಸು ಭಗ್ನ: ದಕ್ಷಿಣ ಆಫ್ರಿಕಾಕ್ಕೆ 7 ವಿಕೆಟ್ ಜಯ 3 IND VS SA 7](http://sportskarnataka.com/wp-content/uploads/2022/06/IND-VS-SA-7.webp)
ಇಶಾನ್ ಕಿಶನ್ ಅವರನ್ನು ಸೇರಿಕೊಂಡ ಶ್ರೇಯಸ್ ಅಯ್ಯರ್, ಆರಂಭದಿAದಲೇ ಆತ್ಮವಿಶ್ವಾಸದಿಂದ ಎದುರಿಸಿ ರನ್ ಸೇರಿ ತಂಡದ ಮೊತ್ತವನ್ನು ಹೆಚ್ಚಿಸುತ್ತ ನಡೆದರು. ಎರಡನೇ ವಿಕೆಟ್ ಜೊತೆಯಾಟದಲ್ಲಿ ಈ ಜೋಡಿ 6.4 ಓವರ್ಗಳಲ್ಲಿ 80 ರನ್ ಸೇರಿಸಿತು.
ಉತ್ತಮವಾಗಿ ಆಡುತ್ತಿದ್ದ ಇಶಾನ್ ಕಿಶನ್, ಕೇಶವ್ ಮಹಾರಾಜ್ ಬೌಲಿಂಗ್ನಲ್ಲಿ ಟ್ರಿಸ್ಟಾನ್ ಸ್ಟಬ್ಸ್ಗೆ ನೀಡುವ ಮುನ್ನ ಗಳಿಸಿದ್ದು ಆಕರ್ಷಕ 76 (48 ಎಸೆತ, 11 ಬೌಂಡರಿ, 3 ಸಿಕ್ಸರ್) ರನ್.
![ವಿಶ್ವ ದಾಖಲೆಯ ಕನಸು ಭಗ್ನ: ದಕ್ಷಿಣ ಆಫ್ರಿಕಾಕ್ಕೆ 7 ವಿಕೆಟ್ ಜಯ 4 IND VS SA 8](http://sportskarnataka.com/wp-content/uploads/2022/06/IND-VS-SA-8.webp)
36 ರನ್ ಬಾರಿಸಿದ್ದ ಶ್ರೇಯಸ್ ಅಯ್ಯರ್ ಅವರ ಅಬ್ಬರಕ್ಕೆ ಡ್ವೈನ್ ಪ್ರಿಟೋರಿಯಸ್ ಬ್ರೇಕ್ ಹಾಕಿದರು.
ನಾಲ್ಕನೇ ವಿಕೆಟ್ಗೆ ನಾಯಕ ರಿಷಬ್ ಪಂತ್ ಹಾಗೂ ಹಾರ್ದಿಕ್ ಪಾಂಡ್ಯ ಮೂರು ಓವರ್ಗಳಲ್ಲಿ 46 ರನ್ ಸೇರಿಸಿ ತಂಡದ ಮೊತ್ತವನ್ನು ಇನ್ನೂರರ ಗಡಿ ದಾಟಿಸಿದರು.
ರಿಷಬ್ ಪಂತ್ ಮಿಂಚಿನ 29 ರನ್ ಸಿಡಿಸಿದರು. ಹಾರ್ದಿಕ್ ಪಾಂಡ್ಯ ಸ್ಪೋಟಕ 31 ಹಾಗೂ ದಿನೇಶ್ ಕಾರ್ತಿಕ್ 1 ರನ್ಗಳೊಂದಿಗೆ ಅಜೇಯರಾಗಿ ಉಳಿದರು. ಭಾರತ ನಾಲ್ಕು ವಿಕೆಟ್ ನಷ್ಟಕ್ಕೆ 211 ರನ್ ಗಳಿಸಿತು.
ಗುರಿಯನ್ನು ಹಿಂಬಾಲಿಸಿದ ದಕ್ಷಿಣ ಆಫ್ರಿಕಾ ತಂಡದ ಪರ ತೆಂಬು ಬವುಮಾ (10) ಹಾಗೂ ಕ್ವಿಂಟನ್ ಡಿಕಾಕ್ ಜೋಡಿ ಸಾಧಾರಣ ಜೊತೆಯಾಟ ನೀಡಿತು. ಮಧ್ಯಮ ಕ್ರಮಾಂಕದಲ್ಲಿ ಡ್ವೆöÊನ್ ಪ್ರಿಟೋರಿಯಸ್ (29) ದೊಡ್ಡ ಹೊಡೆತಗಳನ್ನು ಬಾರಿಸಿ ರಂಜಿಸಿದರು. ವಿಕೆಟ್ ಕೀಪರ್ ಬ್ಯಾಟ್ಸ್ ಮನ್ ಕ್ವಿಂಟನ್ ಡಿಕಾಕ್ 22 ರನ್ ಗಳಿಗೆ ಔಟ್ ಆದರು.
![ವಿಶ್ವ ದಾಖಲೆಯ ಕನಸು ಭಗ್ನ: ದಕ್ಷಿಣ ಆಫ್ರಿಕಾಕ್ಕೆ 7 ವಿಕೆಟ್ ಜಯ 5 IND VS SA 1](http://sportskarnataka.com/wp-content/uploads/2022/06/IND-VS-SA-1.webp)
81 ರನ್ ಗಳಿಗೆ ಮೂರು ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ತಂಡಕ್ಕೆ ವ್ಯಾನ್ ಡೆರ್ ಡಸ್ಸೆನ್ ಹಾಗೂ ಡೇವಿಡ್ ಮಿಲ್ಲರ್ ಜೋಡಿ ಆಧಾರವಾಯಿತು. ಈ ಜೋಡಿ 64 ಎಸೆತಗಳಲ್ಲಿ ಅಜೇಯ 131 ರನ್ ಸೇರಿಸಿತು. ವ್ಯಾನ್ ಡೆರ್ ಡಸ್ಸೆನ್ 7 ಬೌಂಡರಿ, 5 ಸಿಕ್ಸರ್ ಸಹಾಯದಿಂದ ಅಜೇಯ 75 ರನ್ ಸಿಡಿದರು. ಸ್ಟಾರ್ ಆಟಗಾರ ಡೇವಿಡ್ ಮಿಲ್ಲರ್ 31 ಎಸೆತಗಳಲ್ಲಿ ಅಜೇಯ 64 ರನ್ ಬಾರಿಸಿದರು. ದಕ್ಷಿಣ ಆಫ್ರಿಕಾ 19.1 ಓವರ್ಗಳಲ್ಲಿ 3 ವಿಕೆಟ್ ಕಳೆದುಕೊಂಡು ಗುರಿ ತಲುಪಿತು.
![ವಿಶ್ವ ದಾಖಲೆಯ ಕನಸು ಭಗ್ನ: ದಕ್ಷಿಣ ಆಫ್ರಿಕಾಕ್ಕೆ 7 ವಿಕೆಟ್ ಜಯ 6 IND VS SA 3](http://sportskarnataka.com/wp-content/uploads/2022/06/IND-VS-SA-3.webp)
sportskarnataka
ದಕ್ಷಿಣ ಆಫ್ರಿಕಾ ವಿರುದ್ಧ ಸತತ ಆರನೇ ಸೋಲು
ಇದು ಎಲ್ಲಾ ಮೂರು ಮಾದರಿಯ ಪಂದ್ಯಗಳಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಭಾರತಕ್ಕೆ ಸತತ ಆರನೇ ಸೋಲು. ಇದಕ್ಕೂ ಮೊದಲು ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿ ಭಾರತ ಸತತ ಎರಡು ಟೆಸ್ಟ್ ಮತ್ತು ಮೂರು ಏಕದಿನ ಪಂದ್ಯಗಳಲ್ಲಿ ಸೋಲನ್ನು ಕಂಡಿತ್ತು. ಡಸ್ಸೆನ್ ಅವರ ಕ್ಯಾಚ್ ಡ್ರಾಪ್ ಮಾಡಿದ್ದು ಭಾರತಕ್ಕೆ ನಷ್ಟವಾಯಿತು.
15 ಓವರ್ಗಳ ನಂತರ ದಕ್ಷಿಣ ಆಫ್ರಿಕಾ ಮೂರು ವಿಕೆಟ್ಗೆ 148 ರನ್ ಸೇರಿಸಿತ್ತು. ಇಲ್ಲಿಂದ ಯಾವುದೇ ತಂಡದ ಪರವಾಗಿ ಫಲಿತಾಂಶ ಬರಬಹುದಿತ್ತು. ಆದರೆ, 16ನೇ ಓವರ್ನ ಎರಡನೇ ಎಸೆತದಲ್ಲಿ (ಬೌಲರ್ ಅವೇಶ್ ಖಾನ್) ಡಸ್ಸೆನ್ ನೀಡಿದ ಸರಳ ಕ್ಯಾಚ್ ಅನ್ನು ಶ್ರೇಯಸ್ ಅಯ್ಯರ್ ಕೈಬಿಟ್ಟರು. ಆಗ ಡಸ್ಸೆನ್ 30 ಎಸೆತಗಳಲ್ಲಿ 29 ರನ್ ಗಳಿಸಿ ಆಡುತ್ತಿದ್ದರು. ಇದಾದ ಬಳಿಕ ತಮ್ಮ ಬ್ಯಾಟಿಂಗ್ ಧಾಟಿ ಬದಲಿಸಿ ಬೌಂಡರಿ ಹಾಗೂ ಸಿಕ್ಸರ್ ಗಳ ಸುರಿಮಳೆಗೈದರು.