ಐಪಿಎಲ್‌ನಲ್ಲಿ ತಮ್ಮ ವೇಗದ ಬೌಲಿಂಗ್‌ನಿಂದ ಎಲ್ಲರನ್ನೂ ಅಚ್ಚರಿಗೊಳಿಸಿದ್ದ ಉಮ್ರಾನ್ ಮಲಿಕ್, ಬಿಸಿಸಿಐ ಅಧ್ಯಕ್ಷ ಮತ್ತು ಮಾಜಿ ಆಟಗಾರ ಸೌರವ್ ಗಂಗೂಲಿ ಕೂಡ ಅವರ ಅಭಿಮಾನಿಯನ್ನಾಗಿದ್ದಾರೆ.
ಬುಧವಾರ ಉಮ್ರಾನ್ ಅವರನ್ನು ಹೊಗಳಿದ ಸೌರವ್ ಗಂಗೂಲಿ, ಉಮ್ರಾನ್ ದೀರ್ಘ ಓಟದ ಕುದುರೆ. ಇದೇ ರೀತಿ ಬೌಲಿಂಗ್ ಮಾಡಿ ಫಿಟ್ ನೆಸ್ ಕಾಯ್ದುಕೊಂಡರೆ ಭಾರತ ಪರ ಹೆಚ್ಚು ಕಾಲ ಆಡಬಹುದು ಎಂದು ಹೇಳಿದ್ದಾರೆ.
ಉಮ್ರಾನ್ ಭವಿಷ್ಯ ಅವನ ಕೈಯಲ್ಲಿದೆ
ಸೌರವ್ ಉಮ್ರಾನ್ ಅವರ ವೇಗದ ಬೌಲಿಂಗ್ ಅನ್ನು ಹೊಗಳಿದ್ದಲ್ಲದೆ, ಅವರ ಫಿಟ್ನೆಸ್ ಬಗ್ಗೆಯೂ ಕಾಳಜಿ ವಹಿಸಿದ್ದರು. “ಉಮ್ರಾನ್ ಭವಿಷ್ಯವು ಅವನ ಕೈಯಲ್ಲಿದೆ. ಅವರು ಫಿಟ್ ಆಗಿದ್ದರೆ ಮತ್ತು ಈ ವೇಗದಲ್ಲಿ ಬೌಲಿಂಗ್ ಮಾಡಲು ಸಾಧ್ಯವಾದರೆ, ಅವರು ಭಾರತಕ್ಕಾಗಿ ದೀರ್ಘಕಾಲ ಆಡುತ್ತಾರೆ ಎಂದು ನಾನು ಖಂಡಿತವಾಗಿ ಹೇಳಬಲ್ಲೆ” ಎಂದು ತಿಳಿಸಿದ್ದಾರೆ.
ಐಪಿಎಲ್‌ನಲ್ಲಿ ಯುವ ಆಟಗಾರರ ಬಗ್ಗೆ ಮಾತನಾಡಿದ ಗಂಗೂಲಿ, ಉಮ್ರಾನ್ ಜೊತೆಗೆ ಮುಂಬೈನ ತಿಲಕ್ ವರ್ಮಾ, ಸನ್‌ರೈಸರ್ಸ್‌ನ ರಾಹುಲ್ ತ್ರಿಪಾಠಿ ಮತ್ತು ಗುಜರಾತ್‌ನ ರಾಹುಲ್ ತಿಯೋಟಿಯಾ ಅವರು ಪ್ರಭಾವ ಬೀರಿದ್ದಾರೆ ಎಂದು ಹೇಳಿದರು. ಮೊಹ್ಸಿನ್ ಖಾನ್, ಅರ್ಷದೀಪ್ ಸಿಂಗ್, ಅವೇಶ್ ಖಾನ್ ಅವರಂತಹ ಅನೇಕ ಉದಯೋನ್ಮುಖ ವೇಗದ ಬೌಲರ್‌ಗಳನ್ನು ಈ ಐಪಿಎಲ್‌ನಲ್ಲಿ ನಾವು ನೋಡಿದ್ದೇವೆ. ಯುವಕರಿಗೆ ವೇದಿಕೆ ಕಲ್ಪಿಸುವ ಕೆಲಸವನ್ನು ಐಪಿಎಲ್ ಮಾಡಿದೆ ಎಂದಿದ್ದಾರೆ.
ಉಮ್ರಾನ್ ಮಲಿಕ್ ಐಪಿಎಲ್‌ನಲ್ಲಿ ಸನ್‌ರೈಸರ್ಸ್ ಹೈದರಾಬಾದ್‌ ಪರ 150 ಕಿಮೀ ವೇಗದಲ್ಲಿ ಸತತವಾಗಿ ಬೌಲಿಂಗ್ ಮಾಡಿ ಗಮನ ಸೆಳೆದಿದ್ದಾರೆ. 157 ಕಿಮೀ ವೇಗದಲ್ಲಿ ಚೆಂಡನ್ನು ಎಸೆದು ಎಲ್ಲರನ್ನು ಅಚ್ಚರಿಗೊಳಿಸಿದರು ಮತ್ತು ಐಪಿಎಲ್‌ನ ಎರಡನೇ ವೇಗದ ಬೌಲರ್ ಎನಿಸಿಕೊಂಡರು. ಅವರ ಪ್ರತಿಭೆಯನ್ನು ಗಮನದಲ್ಲಿಟ್ಟುಕೊಂಡು, ಇತ್ತೀಚೆಗೆ ಅವರು ದಕ್ಷಿಣ ಆಫ್ರಿಕಾ ವಿರುದ್ಧದ 5 ಪಂದ್ಯಗಳ ಸ್ವದೇಶಿ ಸರಣಿಗೆ ಭಾರತೀಯ ತಂಡದಲ್ಲಿ ಆಯ್ಕೆಯಾಗಿದ್ದಾರೆ.
ಜೂನ್ 9 ರಿಂದ ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ20 ಸರಣಿ ಆರಂಭವಾಗಲಿದೆ. ಈ ಸರಣಿಗೆ ಹಿರಿಯ ಆಟಗಾರರಿಗೆ ವಿಶ್ರಾಂತಿ ನೀಡಿರುವ ಬಿಸಿಸಿಐ ಭಾನುವಾರ 18 ಮಂದಿಯ ತಂಡವನ್ನು ಪ್ರಕಟಿಸಿದೆ. ಈ ಸರಣಿಗೆ ಕೆಎಲ್ ರಾಹುಲ್ ಅವರನ್ನು ನಾಯಕರನ್ನಾಗಿ ಮತ್ತು ರಿಷಬ್ ಪಂತ್ ಅವರನ್ನು ಉಪನಾಯಕರನ್ನಾಗಿ ಮಾಡಲಾಗಿದೆ.
