ಐಪಿಎಲ್ನಲ್ಲಿ ಶುಕ್ರವಾರದ ಲೆಕ್ಕಾಚಾರ ಸಖತ್ ಇಂಟರೆಸ್ಟಿಂಗ್ ಆಗಿದೆ. ಪಂಜಾಬ್ ಮತ್ತು ಗುಜರಾತ್ ಕಣಕ್ಕಳಿಯುವುದರಿಂದ ಬಿಗ್ ಹಿಟ್ಟರ್ಗಳ ಲೈನ್ ಅಪ್ ದೊಡ್ಡದಾಗಿದೆ. ಬ್ರೆಬೋರ್ನ್ ಮೈದಾನದಲ್ಲಿ ಪಂದ್ಯ ನಡೆಯುತ್ತಿರುವುದರಿಂದ ರನ್ ಮಳೆ ಖಚಿತ. ಗುಜರಾತ್ ಟೂರ್ನಿಯಲ್ಲಿ ಅಜೇಯ ತಂಡವಾಗಿರುವುದು ಆ ತಂಡದ ಆತ್ಮವಿಶ್ವಾಸ ಹೆಚ್ಚಿಸಿದೆ.
ಪಕ್ಕಾ ಪಂಜಾಬ್:
ನಾಯಕ ಮಯಾಂಕ್ ಅಗರ್ವಾಲ್ ಬ್ಯಾಟಿಂಗ್ ಸ್ಥಿರತೆ ಕೊರತೆ ಎದುರಿಸುತ್ತಿರುವುದು ಕೊಂಚ ಟೆನ್ಶನ್ ಹೆಚ್ಚಿಸಿದೆ. ಆದರೆ ಶಿಖರ್ ಧವನ್ ಆಟ ಅದ್ಭುತವಾಗಿದೆ. ಭಾನುಕಾ ರಾಜಪಕ್ಸೆ ಮತ್ತು ಲಿಯಂ ಲಿವಿಂಗ್ ಸ್ಟೋನ್ ಸಿಕ್ಸ್ ಹಿಟ್ಟಿಂಗ್ ಸ್ಪೆಷಲಿಸ್ಟ್ಗಳು. ಜಾನಿ ಬೇರ್ ಸ್ಟೋವ್ ಓಡಿನ್ ಸ್ಮಿತ್ ಜಾಗದಲ್ಲಿ ಆಡಬಹುದು. ಜಿತೇಶ್ ಶರ್ಮಾ ಮೊದಲ ಪಂದ್ಯದಲ್ಲಿ ತನ್ನ ತಾಕತ್ತು ತೋರಿಸಿದ್ದಾರೆ. ಆಲ್ರೌಂಡರ್ ಶಾರೂಖ್ ಖಾನ್ ಈ ಪಂದ್ಯದಲ್ಲಿ ಬೌಲಿಂಗ್ ಕೂಡ ಮಾಡಬೇಕಾಗಿತು. ಕಗಿಸೋ ರಬಾಡಾ, ಅರ್ಶದೀಪ್, ವೈಭವ್ ಅರೋರ ಸೀಮ್ ಬೌಲಿಂಗ್ ಸ್ಪೆಷಲಿಸ್ಟ್ಗಳಾದರೆ, ರಾಹುಲ್ ಚಹರ್ ಸ್ಪಿನ್ ಕಿಂಗ್
ಗುಮ್ಮಲು ಗುಜರಾತ್ ರೆಡಿ:
ಟೂರ್ನಿಯಲ್ಲಿ ಸೋಲಿಲ್ಲದ ಏಕೈಕ ತಂಡ ಅನ್ನುವ ಹೆಗ್ಗಳಿಕೆ ಗುಜರಾತ್ ತಂಡಕ್ಕಿದೆ. ಆಡಿರುವುದು ಎರಡೇ ಪಂದ್ಯವಾದರೂ ಗುಜರಾತ್ ಶಕ್ತಿಗಳು ಗೊತ್ತಾಗಿದೆ. ಶುಭ್ಮನ್ ಗಿಲ್ ಮತ್ತು ಮ್ಯಾಥ್ಯೂ ವೇಡ್ ಓಪನರ್ಗಳು. ವಿಜಯ್ ಶಂಕರ್ ಕೊಂಚ ಪ್ರಾಬ್ಲಂನಲ್ಲಿದ್ದರೂ ಮತ್ತೊಂದು ಅವಕಾಶ ಸಿಗಬಹುದು. ಹಾರ್ದಿಕ್ ಪಾಂಡ್ಯಾ ಬ್ಯಾಟಿಂಗ್ ಮತ್ತು ಬೌಲಿಂಗ್ನಲ್ಲಿ ಫಾರ್ಮ್ ಕಂಡುಕೊಂಡಿದ್ದಾರೆ. ಡೇವಿಡ್ ಮಿಲ್ಲರ್, ರಾಹುಲ್ ತೆವಾಟಿಯಾ ಮತ್ತು ಅಭಿನವ್ ಮನೋಹರ್ ಫಿನಿಷರ್ಗಳ ಜವಾಬ್ದಾರಿ ನಿಭಾಯಿಸಲಿದ್ದಾರೆ. ರಶೀದ್ ಖಾನ್ ಸ್ಪಿನ್ ಸ್ಪೆಷಲಿಸ್ಟ್. ಮೊಹಮ್ಮದ್ ಶಮಿ, ವರುಣ್ ಆ್ಯರೋನ್ ಮತ್ತು ಲೊಕಿ ಫರ್ಗ್ಯೂಸನ್ ವೇಗದ ಬೌಲರ್ಗಳು.
ಗುಜರಾತ್ ತಂಡಕ್ಕೆ ಬೌಲಿಂಗ್ ಆಯ್ಕೆಗಳು ಸಾಕಷ್ಟಿವೆ. ಶಮಿ ಮತ್ತು ಫರ್ಗ್ಯೂಸನ್ ಜೊತೆಗೆ ಹಾರ್ದಿಕ್ ಕೂಡ ಇದ್ದಾರೆ. ಹೀಗಾಗಿ ವರುಣ್ ಆ್ಯರೋನ್ ಬದಲಿಗೆ ಪಕ್ಕಾ ಬ್ಯಾಟ್ಸ್ಮನ್ಗೆ ಜಾಗ ಕೊಡಬಹಗುದು. ಆಗ ರಶೀದ್ ಜೊತೆಗೆ ತೆವಾಟಿಯಾ ಮತ್ತು ವಿಜಯ ಶಂಕರ್ ಬೌಲಿಂಗ್ ಮಾಡುವ ಅವಶ್ಯಕತೆ ಬೀಳುತ್ತದೆ.
ಪಿಚ್ & ಕಂಡೀಷನ್:
ಬ್ರೆಬೋರ್ನ್ ಪಿಚ್ ಬ್ಯಾಟಿಂಗ್ ಸ್ವರ್ಗ. ಹೀಗಾಗಿ 200 ರನ್ ಇಲ್ಲಿನ ಕನಿಷ್ಠ ಮೊತ್ತ. ಬೌಂಡರಿ, ಸಿಕ್ಸರ್ ಸಿಡಿಸುವ ಸ್ಪೆಷಲಿಸ್ಟ್ಗಳು ತಂಡಗಳಿರುವುದರಿಂದ ಫೈಟ್ ಸಖತ್ ಆಗಿ ಇರಲಿದೆ.
