ಟಾಸ್ ಗೆದ್ದ ನೆದರ್ಲೆಂಡ್ ಮೊದಲು ಬ್ಯಾಟಿಂಗ್ ಆರಂಭಿಸಿತು. ಆದರೆ 45 ರನ್ಗಳಾಗುವಷ್ಟರಲ್ಲಿ ಸ್ಟೀಫನ್ ಮೈಬರ್ಗ್ (11), ಮ್ಯಾಕ್ಸ್ ಒ ಡೌಡ್ (4), ವಿಕ್ರಮಜಿತ್ ಸಿಂಗ್ (19), ಬಾಸ್ ಡಿ ಲೀಡ್ (7) ಮತ್ತು ಸ್ಕಾಟ್ ಎಡ್ವರ್ಡ್ಸ್ (1) ಪವೆಲಿಯನ್ ಸೇರಿಯಾಗಿತ್ತು.
ಮೈಕಲ್ ರಿಪ್ಪನ್ (67) ಮತ್ತು ನಾಯಕ ಪೀಟರ್ ಸೀಲರ್ (43) ಉತ್ತಮ ಆಟ ಆಡಿದರು. ಕೆಳ ಕ್ರಮಾಂಕದ ಬ್ಯಾಟ್ಸ್ಮನ್ಗಳು ರನ್ಗಳಿಸಲು ವಿಫಲರಾಗಿದ್ದರಿಂದ ನೆದರ್ಲೆಂಡ್ 49.4 ಓವರುಗಳಲ್ಲಿ 202 ರನ್ಗಳಿಗೆ ಆಲೌಟ್ ಆಯಿತು. ಕಿವೀಸ್ ಬೌಲಿಂಗ್ನಲ್ಲಿ ಬ್ಲೆರ್ ಟಿಕ್ನರ್ 4 ವಿಕೆಟ್ ಪಡೆದರೆ, ಕೈಲ್ ಜೇಮಿಸನ್ 3 ವಿಕೆಟ್ ಪಡೆದರು.
ಸುಲಭ ಗುರಿ ಬೆನ್ನಟ್ಟಿದ ಕಿವೀಸ್ ಆರಂಭದಲ್ಲೇ ಮಾರ್ಟಿನ್ ಗಪ್ಟಿಲ್ (2) ವಿಕೆಟ್ ಕಳೆದುಕೊಂಡಿತು. ಆದರೆ ಹೆನ್ರಿ ನಿಕೊಲಸ್ ಮತ್ತು ವಿಲ್ ಯಂಗ್ 2ನೇ ವಿಕೆಟ್ಗೆ 162 ರನ್ಗಳ ಜೊತೆಯಾಟ ಆಡಿದರು. ನಿಕೊಲಸ್ 57 ರನ್ಗಳಿಸಿ ಔಟಾದರು. ಅನುಭವಿ ರಾಸ್ ಟೇಲರ್ 11 ರನ್ಗಳಿಸಿ ಪವೆಲಿಯನ್ ಸೇರಿಕೊಂಡರು.
ಯುವ ಆಟಗಾರ ವಿಲ್ ಯಂಗ್ ನೆದರ್ಲೆಂಡ್ ಬೌಲರ್ಗಳ ಲೆಕ್ಕಾಚಾರ ತಲೆ ಕೆಳಗೆ ಮಾಡಿದರು. ಅಜೇಯ ಶತಕ ಗಳಿಸಿದ ಯಂಗ್ ತಂಡಕ್ಕೆ ಗೆಲುವು ತಂದುಕೊಟ್ಟರು. ನ್ಯೂಜಿಲೆಂಡ್ 38.3 ಓವರುಗಳಲ್ಲಿ ಗುರಿ ತಲುಪಿತು. ಯಂಗ್ ಅಜೇಯ 103 ರನ್ಗಳಿಸಿದರೆ, ನಾಯಕ ಲೇಥಮ್ 8 ರನ್ಗಳಿಸಿ ಅಜೇಯರಾಗುಳಿದರು. 3 ಪಂದ್ಯಗಳ ಸರಣಿಯಲ್ಲಿ ಕಿವೀಸ್ 1-0 ಮುನ್ನಡೆ ಪಡೆಯಿತು.
