ಕುತೂಹಕ ಕೆರಳಿಸಿದ್ದ ಲಾರ್ಡ್ಸ್ ಟೆಸ್ಟ್ ಪಂದ್ಯವನ್ನು ಇಂಗ್ಲೆಂಡ್ 5 ವಿಕೆಟ್ಗಳಿಂದ ಸುಲಭವಾಗಿ ಗೆದ್ದಿದೆ. ಮಾಜಿ ನಾಯಕ ಜೋ ರೂಟ್ ಸಿಡಿಸಿದ ಆಕರ್ಷಕ ಅಜೇಯ ಶತಕ ಮತ್ತು ಬೆನ್ ಫೊಕ್ಸ್ ಜೊತೆಗೆ ಕಟ್ಟಿದ ಅಜೇಯ ಜೊತೆಯಾಟ ಇಂಗ್ಲೆಂಡ್ ಗೆಲುವನ್ನು ಸುಲಭವಾಗಿಸಿತು.
4ನೇ ದಿನ ಆಟ ಆರಂಭಿಸಿದ ಇಂಗ್ಲೆಂಡ್ ಒಂದೇ ಒಂದು ವಿಕೆಟ್ ಕಳೆದುಕೊಳ್ಳಲ್ಲಿಲ್ಲ. ಅಷ್ಟೇ ಅಲ್ಲ ಜೋ ರೂಟ್ ಮತ್ತು ಬೆನ್ ಫೋಕ್ಸ್ ನಡುವೆ 6ನೇ ವಿಕೆಟ್ಗೆ 120 ರನ್ಗಳ ಜೊತೆಯಾಟವೂ ಹರಿದು ಬಂತು. ರೂಟ್ ಟೆಸ್ಟ್ನಲ್ಲಿ 27ನೇ ಶತಕ ಸಿಡಿಸಿ ಸಂಭ್ರಮಿಸಿದರು. ಅಷ್ಟೇ ಅಲ್ಲ 10,000 ರನ್ಗಳ ಗಡಿ ಕೂಡ ದಾಟಿದರು.
ರೂಟ್ಗೆ ಫೋಕ್ಸ್ ಉತ್ತಮ ಸಾಥ್ ನೀಡಿದರು. ಫೋಕ್ಸ್ 92ಎಸೆತಗಳಲ್ಲಿ ಅಜೇಯ 32 ರನ್ ಸಿಡಿಸಿದರು. ರೂಟ್ 12 ಬೌಂಡರಿಗಳ ಮೂಲಕ ಅಜೇಯ ಶತಕ ಸಿಡಿಸಿದರು. ನ್ಯೂಜಿಲೆಂಡ್ ಬೌಲರ್ಗಳು 4ನೇ ದಿನ ವಿಕೆಟ್ಗಾಗಿ ಪರದಾಡಿದರು.
ಬೆನ್ ಸ್ಟೋಕ್ಸ್ ನಾಯಕತ್ವದಲ್ಲಿ ಇಂಗ್ಲೆಂಡ್ಗೆ ಮೊದಲ ಪಂದ್ಯದಲ್ಲೇ ಜಯ ಸಿಕ್ಕಿದೆ. ಇಂಗ್ಲೆಂಡ್ 3 ಟೆಸ್ಟ್ ಪಂದ್ಯಗಳ ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿದೆ.
