ಇದು ಐಪಿಎಲ್ ಫೈನಲ್ಗೇರಲು ಇರುವ ನೇರ ದಾರಿ. ಇಲ್ಲಿ ಸೋತರೂ ಮತ್ತೊಂದು ಅವಕಾಶ ಕ್ವಾಲಿಫೈಯರ್ 2ರಲ್ಲಿ ಇದೆ. ಆದರೆ ಅದು ನಾಕೌಟ್ ಪಂದ್ಯವಾಗುತದೆ. ಹೀಗಾಗಿ ರಿಸ್ಕ್ ಬೇಡ ಅನ್ನುವ ಕಾರಣಕ್ಕೆ ಮೊದಲ ಕ್ವಾಲಿಫೈಯರ್ ಗೆಲ್ಲುವ ಪ್ಲಾನ್ ಮಾಡಿವೆ ರಾಜಸ್ಥಾನ ರಾಯಲ್ಸ್ ಮತ್ತು ಗುಜರಾತ್ ಟೈಟಾನ್ಸ್. ಹೀಗಾಗಿ ವಿಭಿನ್ನ ಗೇಮ್ಪ್ಲಾನ್ಗಳು ಸಜ್ಜಾಗಿವೆ.
ಅಶ್ವಿನ್ ಬ್ರಹ್ಮಾಸ್ತ್ರ:
ಈ ಬಾರಿಯ ಐಪಿಎಲ್ನಲ್ಲಿ ಅಶ್ವಿನ್ ಬೌಲಿಂಗ್ ಮಾತ್ರವಲ್ಲ ಬ್ಯಾಟಿಂಗ್ ಮೂಲಕವೂ ಮಿಂಚಿದ್ದಾರೆ. ಆದ್ರೆ ಡೇವಿಡ್ ಮಿಲ್ಲರ್ ವಿರುದ್ಧಅಶ್ವಿನ್- ಚಹಲ್ ಜೋಡಿ ಮೇಲುಗೈ ಸಾಧಿಸಿದೆ. ಈ ಇಬ್ಬರು ಸ್ಪಿನ್ನರ್ಗಳು ಮಿಲ್ಲರ್ ಅವರ ಆಟಕ್ಕ ಬಾರಿ ಮಂಗಳ ಹಾಡಿದ್ದಾರೆ. ಹೀಗಾಗಿ ಸಂಜು ಮಿಲ್ಲರ್ ವಿರುದ್ಧ ಸ್ಪಿನ್ ದಾಳಿ ನಡೆಸಿದರೆ ಅಚ್ಚರಿ ಇಲ್ಲ.
ಬಟ್ಲರ್ಗೆ ರಶೀದ್ ಅಸ್ತ್ರ..!
ರಶೀದ್ ಖಾನ್ ಜೋಸ್ ಬಟ್ಲರ್ ಅವರನ್ನು 4 ಬಾರಿ ಔಟ್ ಮಾಡಿದ್ದಾರೆ. ಅಷ್ಟೇ ಅಲ್ಲ ಸ್ಟ್ರೈಕ್ ರೇಟ್ 60ಕ್ಕಿಂತಲೂ ಕೆಳಗೆ ಇರುವಂತೆ ನೋಡಿಕೊಂಡಿದ್ದಾರೆ. ಸದ್ಯ ಫಾರ್ಮ ಕೊರತೆಯಲ್ಲಿರುವ ಬಟ್ಲರ್ ವಿರುದ್ಧ ಪಾಂಡ್ಯಾ ರಶೀದ್ ಖಾನ್ ರನ್ನು ಬೌಲಿಂಗ್ ಮಾಡಿಸುವ ಸಾಧ್ಯತೆ ಇದೆ.
ನಂಬರ್ ಗೇಮ್:
- ಈ ಬಾರಿಯ ಐಪಿಎಲ್ನಲ್ಲಿ ಗುಜರಾತ್ ಚೇಸಿಂಗ್ ಕಿಂಗ್ ಆಗಿದೆ. ಒಟ್ಟು 7 ಬಾರಿಯ ಚೇಸಿಂಗ್ನಲ್ಲಿ ಎಡವಿದ್ದು ಒಮ್ಮೆ ಮಾತ್ರ.
- ಟೈಟಾನ್ಸ್ 16 ರಿಂದ 20 ಓವರ್ ತನಕ 11.6 ಸ್ಟ್ರೈಕ್ ರೇಟ್ ಹೊಂದಿದ್ದಾರೆ. ಇದು ಈ ಬಾರಿಯ ಐಪಿಎಲ್ನಲ್ಲಿ ಗರಿಷ್ಠ.
- ಬಟ್ಲರ್, ಹೆಟ್ಮಯರ್ ಮತ್ತು ಸ್ಯಾಮ್ಸನ್ ಈ ಬಾರಿಯ ಐಪಿಎಲ್ನಲ್ಲಿ 20 ಸಿಕ್ಸರ್ಗಳ ಗಡಿ ದಾಟಿದ್ದಾರೆ.