ಇಂಡಿಯನ್ ಪ್ರೀಮಿಯರ್ ಲೀಗ್‌ನ (ಐಪಿಎಲ್) ಮುಂದಿನ ಐದು ಆವೃತ್ತಿಗಳ (2023 ರಿಂದ 2027) ಮಾಧ್ಯಮ ಹಕ್ಕುಗಳ ಹರಾಜು ಭಾನುವಾರ ಆರಂಭವಾಗಿದೆ. ಮೂಲಗಳ ಪ್ರಕಾರ ಇದುವರೆಗೆ ಬಿಡ್ ಮೊತ್ತ 43 ಸಾವಿರದ 50 ಕೋಟಿ ರೂ.ಗೆ ಏರಿಕೆಯಾಗಿದೆ. ಇದು ಇನ್ನೂ ಹೆಚ್ಚಾಗಬಹುದು. ಯಾರು ಹೆಚ್ಚು ಬಿಡ್ ಮಾಡಿದ್ದಾರೆ ಎಂಬುದು ಬಹಿರಂಗಗೊಂಡಿಲ್ಲ.
ಮೊದಲ ದಿನ, Viacom18, Star ಮತ್ತು Sony ಭಾರತ ಉಪಖಂಡದ ಟಿವಿ ಮತ್ತು ಡಿಜಿಟಲ್ ಹಕ್ಕುಗಳಿಗಾಗಿ ಬಾಜಿ ನಡೆಸಿಸವು. ಮೊದಲ ದಿನವೇ ಪ್ರತಿ ಪಂದ್ಯಕ್ಕೆ ಟಿವಿ ರೈಟ್ಸ್ 54 ಕೋಟಿ ರೂ. ಇದೇ ಸಮಯದಲ್ಲಿ, ಡಿಜಿಟಲ್ ಹಕ್ಕುಗಳು ಪ್ರತಿ ಪಂದ್ಯಕ್ಕೆ 50 ಕೋಟಿ ರೂ. ಹಕ್ಕುಗಳನ್ನು ಗೆದ್ದ ಕಂಪನಿಯ ಹೆಸರನ್ನು ಜೂನ್ 13 ರಂದು ಪ್ರಕಟಿಸುವ ಸಾಧ್ಯತೆ ಇದೆ.
ಈವರೆಗೆ ನಡೆದಿರುವ ಹರಾಜು ಪ್ರಕಾರ ಐಪಿಎಲ್ ನ ಒಂದು ಪಂದ್ಯಕ್ಕೆ ಬಿಸಿಸಿಐಗೆ 104 ಕೋಟಿ ರೂ.ಗಳನ್ನು ಪಡೆಯಲು ನಿರ್ಧರಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ. ಈ ಮೂಲಕ ಪಂದ್ಯವೊಂದರ ಪ್ರಸಾರ ಹಕ್ಕಿನ ಪ್ರಕಾರ ಐಪಿಎಲ್ ಈಗ ವಿಶ್ವದ ಎರಡನೇ ಅತ್ಯಂತ ದುಬಾರಿ ಲೀಗ್ ಎನಿಸಿಕೊಂಡಿದೆ. ಅಮೆರಿಕದ ನ್ಯಾಷನಲ್ ಫುಟ್ ಬಾಲ್ ಲೀಗ್ (ಎನ್ ಎಫ್ ಎಲ್) ಮಾತ್ರ ಇದಕ್ಕಿಂತ ಹೆಚ್ಚಿನ ಹಣ ಪಡೆದಿದೆ. ಎನ್ ಎಫ್ ಎಲ್ ಪ್ರತಿ ಪಂದ್ಯದ ಪ್ರಸಾರ ಹಕ್ಕುಗಳಿಗಾಗಿ ರೂ 132 ಕೋಟಿ ಪಡೆಯುತ್ತದೆ. ಸೋಮವಾರ ಐಪಿಎಲ್ ಮೊತ್ತ ಮತ್ತಷ್ಟು ಹೆಚ್ಚಾಗಲಿದೆ.
5 ವರ್ಷಗಳಲ್ಲಿ 370 ಪಂದ್ಯಗಳ ಒಟ್ಟು ಮೂಲ ಬೆಲೆ 32,890 ಕೋಟಿ ರೂ. ಕಳೆದ ಬಾರಿ (2018 ರಿಂದ 2022) ಮಾಧ್ಯಮ ಹಕ್ಕುಗಳನ್ನು 16,347 ಕೋಟಿ ರೂ.ಗೆ ಮಾರಾಟ ಮಾಡಲಾಗಿತ್ತು.
ಮಾಧ್ಯಮ ಹಕ್ಕುಗಳ ಹರಾಜಿನಿಂದ ಈ ಬಾರಿ 45 ರಿಂದ 50 ಸಾವಿರ ಕೋಟಿ ಸಿಗಬಹುದು ಎಂದು ಭಾರತ ಕ್ರಿಕೆಟ್ ಮಂಡಳಿ ನಿರೀಕ್ಷಿಸಿದೆ. ಕೆಲವು ತಜ್ಞರು ಕೂಡ 60 ಸಾವಿರ ಕೋಟಿ ರೂ. ಎಂದು ಅಂದಾಜಿಸಿದ್ದಾರೆ.
