ಪದಾರ್ಪಣೆ ಪಂದ್ಯದಲ್ಲೆ ಓಪನರ್ ಯಶಸ್ವಿ ಜೈಸ್ವಾಲ್ ಶತಕ ಸಿಡಿಸಿದ್ದಾರೆ. ನಾಯಕ ರೋಹಿತ್ ಶರ್ಮಾ ಕೂಡ ಶತಕ ಸಿಡಿಸಿ ದಾಖಲೆಯ ಜತೆಯಾಟ ನೀಡಿ ಬೃಹತ್ ಮೊತ್ತ ಪೇರಿಸುವ ಸೂಚನೆ ನೀಡಿದ್ದಾರೆ.
ವಿಂಡ್ಸರ್ ಮೈದಾನದಲ್ಲಿ ನಡೆದ ಎರಡನೆ ದಿನದಾಟದ ಪಂದ್ಯದಲ್ಲಿ ಮೊದಲ ಇನ್ನಿಂಗ್ಸ್ ಮುಂದುವರೆಸಿದ ಭಾರತ 2 ವಿಕೆಟ್ ನಷ್ಟಕ್ಕೆ 312 ರನ್ ಕಲೆ ಹಾಕಿದೆ.
ವಿಂಡೀಸ್ ಬೌಲರ್ಗಳನ್ನು ಮನಬಂದಂತೆ ಚೆಂಡಾಡಿದ ಯಶಸ್ವಿ ಜೈಸ್ವಾಲ್ ಮತ್ತು ರೋಹಿತ್ ಶರ್ಮಾ ಮೊದಲ ವಿಕೆಟ್ಗೆ 229 ರನ್ ಗಳಿಸಿದರು.
ಯಶಸ್ವಿ ಜೈಸ್ವಾಲ್ 350 ಎಸೆತ ಎದುರಿಸಿ 14 ಬೌಂಡರಿ ಅಜೇಯ 143 ರನ್ ಗಳಿಸಿದ್ದಾರೆ. ರೋಹಿತ್ ಶರ್ಮಾ 221 ಎಸೆತ, 10 ಬೌಂಡರಿ 2 ಸಿಕ್ಸರ್ ಸಹಿತ 103 ರನ್ ಹೊಡೆದಿದ್ದಾರೆ. ಶುಭ್ಮನ್ ಗಿಲ್ 6, ವಿರಾಟ್ ಕೊಹ್ಲಿ ಅಜೇಯ 36 ರನ್ ಗಳಿಸಿದ್ದಾರೆ.
ಭಾರತ ಒಟ್ಟು 162 ರನ್ ಮುನ್ನಡೆ ಪಡೆದಿದೆ. ವಿಂಡೀಸ್ ಪರ ವಾರ್ರಿಕಾನ್ ಮತ್ತು ಅಲಿಕ್ ಅಥನಾಜೆ ತಲಾ 1 ವಿಕೆಟ್ ಪಡೆದಿದ್ದಾರೆ.