ದಿನದ ಮೊದಲ ಸೆಷನ್ನಲ್ಲಿ ರೋಹಿತ್ ಮತ್ತು ಮಯಾಂಕ್ ಅಬ್ಬರದ ಅಟ ಆಡಿದರು. ಎರಡನೇ ಸೆಷನ್ನಲ್ಲಿ 100ನೇ ಟೆಸ್ಟ್ನಲ್ಲಿ ವಿರಾಟ್ ಶತಕಗಳಿಸ್ತಾರಾ ಅನ್ನುವ ಕುತೂಹಲವಿತ್ತು. ಆದರೆ ಅದು ಸಾಧ್ಯವಾಗಲಿಲ್ಲ. 3ನೇ ಸೆಷನ್ನಲ್ಲಿ ರಿಷಬ್ ಪಂತ್ ಅಬ್ಬರದ ಆಟ ಲಂಕಾವನ್ನು ಪರದಾಡುವಂತೆ ಮಾಡಿತು. ಲಂಕಾ ಮೊದಲ ದಿನ 6 ವಿಕೆಟ್ ಪಡೆದರೂ ಗೌರವ ಮಾತ್ರ ಭಾರತದ ಪಾಲಾಗಿತ್ತು.
ಟಾಸ್ಗೆದ್ದು ಬ್ಯಾಟಿಂಗ್ ಆರಂಭಿಸಿದ ಭಾರತಕ್ಕೆ ರೋಹಿತ್ ಶರ್ಮಾ ಮತ್ತು ಮಯಾಂಕ್ ಅಗರ್ವಾಲ್ 52 ರನ್ಗಳ ಜೊತೆಯಾಟ ಕಟ್ಟಿದರು. 6 ಫೋರ್ ಬಾರಿಸಿ 29 ರನ್ಗಳಿಸಿದ್ದ ರೋಹಿತ್ ಲಹಿರು ಕುಮಾರ ಎಸೆತದಲ್ಲಿ ಔಟಾದರು. 33 ರನ್ಗಳಿಸಿದ್ದ ಅಗರ್ವಾಲ್ ಎಂಬುಲ್ಡೆನಿಯಾ ಎಸೆತದಲ್ಲಿ ಔಟಾದರು. ಭಾರತ ಲಂಚ್ಗೆ ಮುನ್ನ 2 ವಿಕೆಟ್ ಕಳೆದುಕೊಂಡು 109 ರನ್ಗಳಿಸಿತ್ತು.
ಊಟದ ಬಳಿಕ ಹನುಮ ವಿಹಾರಿ ಮತ್ತು ವಿರಾಟ್ ಕೊಹ್ಲಿ ಆಟ ಮುಂದುವರೆಯಿತು. 100ನೇ ಟೆಸ್ಟ್ನಲ್ಲಿ ವಿರಾಟ್ ಶತಕ ಸಿಡಿಸ್ತಾರೆ ಅನ್ನುವ ನಿರೀಕ್ಷೆ ಇತ್ತು. ಆದರೆ 45 ರನ್ಗಳಿಸಿದ್ದಾಗ ವಿರಾಟ್ ಔಟಾದರು. ಅರ್ಧಶತಕ ದಾಖಲಿಸಿ ಮುನ್ನಡೆಯುತ್ತಿದ್ದ ವಿಹಾರಿ 58 ರನ್ಗಳಿಸಿ ಔಟಾದರು. ಶ್ರೇಯಸ್ ಅಯ್ಯರ್ ಕೊಡುಗೆ 27 ರನ್ಗಳು ಮಾತ್ರ.
ರಿಷಬ್ ಪಂತ್ ಮತ್ತು ರವೀಂದ್ರ ಜಡೇಜಾ ಜೋಡಿ ಲಂಕಾ ಲೆಕ್ಕಾಚಾರವನ್ನೇ ಬದಲಸಿತು. 6ನೇ ವಿಕೆಟ್ಗೆ ಈ ಜೋಡಿ ಸಿಡಿಲಬ್ಬರ್ ವೇಗದಲ್ಲಿ 104 ರನ್ಗಳಿಸಿತು. ಬೀಡು ಬೀಸಿನ ಆಟವಾಡಿದ ಪಂತ್ ಕೇವಲ 97 ಎಸೆತಗಳಲ್ಲಿ 9 ಬೌಂಡರಿ ಮತ್ತು 4 ಸಿಕ್ಸರ್ಗಳ ನೆರವಿನಿಂದ 96 ರನ್ಗಳಿಸಿ ಔಟಾದರು. ದಿನದ ಕೊನೆಯಲ್ಲಿ ರವೀಂದ್ರ ಜಡೇಜಾ 44 ಮತ್ತು ಅಶ್ವಿನ್ 6 ರನ್ಗಳಿಸಿ 2ನೇ ದಿನಕ್ಕೆ ಆಟ ಕಾಯ್ದುಕೊಂಡಿದ್ದಾರೆ. ಭಾರತ 6 ವಿಕೆಟ್ ಕಳೆದುಕೊಂಡು 353 ರನ್ಗಳಿಸಿದೆ.
