ಟೀಮ್ ಇಂಡಿಯಾದ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ರಿಷಬ್ ಪಂತ್ ಬ್ಯಾಟಿಂಗ್ಗೆ ಇಳಿದರೆ ಯಾವುದಕ್ಕೂ ಕೇರ್ ಮಾಡುವುದಿಲ್ಲ. ಮೈದಾನ, ಬೌಲರ್ ಎಲ್ಲವೂ ಪಂತ್ ಮುಂದೆ ನಗಣ್ಯ. ಪಂತ್ಗಳಿಸುವ ಸ್ಕೋರ್ ಆಗಿರಲಿ, ಹೊಡೆಯುವ ಫೋರ್, ಸಿಕ್ಸರ್ಗಳಾಗಿರಲಿ ಅದನ್ನು ಅವರು ಕೇರ್ ಮಾಡುವುದಿಲ್ಲ. ಪಂತ್ ಪಾಲಿಗೆ ಶೂನ್ಯವೂ ಒಂದೇ, ಶತಕವೂ ಒಂದೇ.
ಇಂತಹ ಮನಸ್ಥಿತಿಯಿಂದ ಪಂತ್ ಕಳೆದುಕೊಂಡಿರುವ ಟೆಸ್ಟ್ ಶತಕಗಳ ಸಂಖ್ಯೆ ಬರೋಬ್ಬರಿ 5 ಕ್ಕೇರಿದೆ. ನಾಲ್ಕು ಬಾರಿ ಟೆಸ್ಟ್ ಶತಕದ ಸಂಭ್ರಮವನ್ನು ಪಂತ್ ಆಚರಿಸಿಕೊಂಡಿದ್ದರೂ ಮೂರಂಕಿ ಮಿಸ್ ಮಾಡಿಕೊಂಡಿದ್ದರು ಅದಕ್ಕಿಂತ ಹೆಚ್ಚು.
ಪಂತ್ ಆಸ್ಟ್ರೇಲಿಯಾ ವಿರುದ್ಧ ಸಿಡ್ನಿಯಲ್ಲಿ ಸಿಡಿಸಿದ್ದ ಅಜೇಯ 159 ರನ್ಗಳು ಇಲ್ಲಿ ತನ ಗರಿಷ್ಠ ಸ್ಕೋರ್. ಇಂಗ್ಲೆಂಡ್ನ ಓವಲ್ನಲ್ಲಿ 114, ಇಂಗ್ಲೆಂಡ್ ವಿರುದ್ಧ ಅಹ್ಮಾದಾಬಾದ್ನಲ್ಲಿ 101 ಮತ್ತು ಕೇಪ್ ಟೌನ್ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಅಜೇಯ 100 ರನ್ಗಳಿಸಿದ್ದರು.
ಸಿಡ್ನಿಯಲ್ಲಿ ಆಸ್ಟ್ರೇಲಿಯಾ ವಿರುದ್ಧ 97, ಮೊಹಾಲಿಯಲ್ಲಿ ಶ್ರೀಲಂಕಾ ವಿರುದ್ಧ 96, ವೆಸ್ಟ್ ಇಂಡೀಸ್ ವಿರುದ್ಧ 2 ಬಾರಿ 92 ರನ್ ಹಾಗೂ ಇಂಗ್ಲೆಂಡ್ ವಿರುದ್ಧ 91 ರನ್ಗಳಿಸಿ ಔಟಾಗಿ ಶತಕ ವಂಚಿತರಾಗಿದ್ದರು.
ಪಂತ್ ಶೂನ್ಯಕ್ಕೆ ಮತ್ತು ಶತಕಕ್ಕೆ ಒಂದೇ ರೀತಿಯ ಬೆಲೆ ನೀಡುವ ಕಾರಣದಿಂದ ಈ ತರಹ ಆಗ್ತಿದೆ ಅನ್ನುವುದು ಬ್ಯಾಟಿಂಗ್ ತಜ್ಞರ ಅನಿಸಿಕೆ.
