ಆತಿಥ್ಯದ ಸ್ಥಳದಲ್ಲಿ ಬದಲಾವಣೆ ಇಲ್ಲ. ಟೀಮ್ ಕಾಂಬಿನೇಷನ್ನಲ್ಲೂ ಹೆಚ್ಚು ಚೇಂಜಸ್ ಕಷ್ಟ. ಆದರೆ ರಿಸಲ್ಟ್ ಬಗ್ಗೆ ಹೆಚ್ಚು ಕುತೂಹಲವಿದೆ. ಟೀಮ್ ಇಂಡಿಯಾ (Team India) ವಿರುದ್ಧ ಮೊದಲ ಪಂದ್ಯವನ್ನು ಮೊದಲ ಪಂದ್ಯವನ್ನು ರೋಚಕವಾಗಿ ಸೋತರೂ ವೆಸ್ಟ್ಇಂಡೀಸ್ (West Indies) ತಂಡದಲ್ಲಿ ಆತ್ಮವಿಶ್ವಾಸ ಹೆಚ್ಚಿದೆ. ಎರಡನೇ ಪಂದ್ಯದಲ್ಲಿ (2nd ODI) ತಿರುಗಿ ಬೀಳುವ ಲೆಕ್ಕಾಚಾರದಲ್ಲಿದೆ. ಮತ್ತೊಂದು ಕಡೆಯಲ್ಲಿ ಭಾರತ 2ನೇ ಪಂದ್ಯದಲ್ಲೇ ಸರಣಿ ಗೆಲುವಿನ ಲೆಕ್ಕಾಚಾರ ಮುಗಿಸಿ, 3ನೇ ಪಂದ್ಯವನ್ನು ಟೆನ್ಷನ್ ಫ್ರೀಯಾಗಿ ಆಡುವ ಪ್ಲಾನ್ ಮಾಡಿದೆ.
ಪೋರ್ಟ್ ಆಫ್ ಸ್ಪೇನ್ನಲ್ಲೇ (Port of Spain) ಈ ಪಂದ್ಯ ನಡೆಯುತ್ತಿರುವುದರಿಂದ ಭಾರತ ತಂಡದಲ್ಲಿ ಬದಲಾವಣೆ ಕಷ್ಟ. ಶಿಖರ್ ಧವನ್ ಮತ್ತು ಶುಭ್ಮನ್ ಗಿಲ್ ಮೊದಲ ಪಂದ್ಯದಲ್ಲಿ ಮಿಂಚಿದ್ದು ಆತ್ಮವಿಶ್ವಾಸ ಹೆಚ್ಚಿಸಿದೆ. ಶ್ರೇಯಸ್ ಅಯ್ಯರ್ ಬ್ಯಾಕ್ ಟು ಫಾರ್ಮ್ಗೆ ಬಂದಿರುವುದು ಖುಷಿ ಕೊಡುತ್ತಿದೆ. ಸೂರ್ಯಕುಮಾರ್ ಯಾದವ್ ಮತ್ತು ಸಂಜು ಸ್ಯಾಮ್ಸನ್ ದೊಡ್ಡ ಇನ್ನಿಂಗ್ಸ್ ಕಟ್ಟುವ ಬಗ್ಗೆ ನಿರೀಕ್ಷೆ ಇದೆ.
ದೀಪಕ್ ಹೂಡಾ ಮತ್ತು ಅಕ್ಸರ್ ಪಟೇಲ್ ಆಲ್ರೌಂಡರ್ಗಳು. ಇವರ ಬೌಲಿಂಗ್ ಕೂಡ ವಿಂಡೀಸ್ ನೆಲದಲ್ಲಿ ಬೋನಸ್ ಆಗುತ್ತಿದೆ. ಶಾರ್ದೂಲ್ ಥಾಕೂರ್ ಬೇಕು ಅಂದಾಗ ವಿಕೆಟ್ ಜೊತೆಗೆ ಬ್ಯಾಟಿಂಗ್ನಲ್ಲೂ ರನ್ಗಳಿಸುತ್ತಿದ್ದಾರೆ. ಸ್ಪಿನ್ ಬೌಲಿಂಗ್ಗೆ ಯಜುವೇಂದ್ರ ಚಹಲ್ ಇದ್ದಾರೆ. ಮೊಹಮ್ಮದ್ ಸಿರಾಜ್ ಮತ್ತು ಪ್ರಸಿಧ್ ಕೃಷ್ಣ ಡೆತ್ ಓವರ್ನಲ್ಲಿ ಸುಧಾರಿಸಿಕೊಂಡರೆ ಟೀಮ್ ಫರ್ಪೆಕ್ಟ್ ಆಗಲಿದೆ.
ವೆಸ್ಟ್ಇಂಡೀಸ್ ತಂಡಕ್ಕೆ ಸೋಲಿನಲ್ಲೂ ಸಮಾಧಾನ ಸಿಕ್ಕಿದೆ. ಆದರೆ ಪ್ಲಾನ್ಗಳ ಬಗ್ಗೆ ಸಣ್ಣ ಯೋಚನೆ ಮಾಡಬೇಕಿದೆ. ಕೈಲ್ ಮೇಯರ್ಸ್ ಸ್ಪೋಟಕ ಆಟ ಮತ್ತು ಶಮ್ರಾ ಬ್ರೂಕ್ಸ್ ಕ್ಲಾಸಿಕ್ ಆಟ ವಿಶ್ವಾಸ ಕೊಟ್ಟಿದೆ. ಬ್ರೆಂಡನ್ ಕಿಂಗ್ ಕೂಡ ತಂಡ ಆಧರಿಸಬಲ್ಲರು. ಆದರೆ ಶೈ ಹೋಪ್ ಮತ್ತು ನಿಕೊಲಸ್ಪೂರನ್ ಕಡೆಯಿಂದ ಹೆಚ್ಚು ನಿರೀಕ್ಷೆ ದೆ. ರೊವ್ಮನ್ ಪೊವೆಲ್ ಸೆಟ್ ಆದರೆ ಫಲಿತಾಂಶದ ಕಥೆ ಬೇರೆ ಇರುತ್ತಿತ್ತು. ಅಕಿಲ್ ಹುಸೈನ್, ರೊಮರಿಯೀ ಶೆಫರ್ಡ್ ಬ್ಯಾಟಿಂಗ್ ತಾಕತ್ತು ಗೊತ್ತಾಗಿದೆ.
ಬೌಲಿಂಗ್ನಲ್ಲಿ ಹೆಚ್ಚು ಚಿಂತೆ ಇಲ್ಲ. ಅಲ್ಜಾರಿ ಜೋಸೆಫ್, ಜೇಡನ್ ಸೀಲ್ಸ್ ಮತ್ತು ಗುಡಾಕೇಶ್ ಮೋಟಿ ದುಬಾರಿಯಾದರೂ ಮತ್ತೊಂದು ಅವಕಾಶ ಪಡೆಯಬಹುದು. ಅಕಿಲ್ ಹುಸೈನ್, ಶೆಫರ್ಡ್, ಪೊವೆಲ್, ಮೇಯರ್ಸ್ ಹೀಗೆ ಎಲ್ಲರೂ ಬೌಲಿಂಗ್ನಲ್ಲಿ ಕೈ ಜೋಡಿಸಬಹುದು.
ಪೋರ್ಟ್ ಆಫ್ ಸ್ಪೇನ್ ಪಿಚ್ ಹೆಚ್ಚು ಬದಲಾವಣೆ ಕಾಣುವುದಿಲ್ಲ. ಸ್ಪರ್ಧಾತ್ಮಕ ಪಿಚ್ ಸಿಗುವ ಸಾಧ್ಯತೆ ಇರುವುದರಿಂದ ಮತ್ತೊಂದು ಕ್ಲೋಸ್ ಮ್ಯಾಚ್ ಬಗ್ಗೆ ನಿರೀಕ್ಷೆ ಇದೆ.
Ind VS WI – ಸರಣಿ ಗೆಲುವಿನ ಮೇಲೆ ಟೀಮ್ ಇಂಡಿಯಾದ ಕಣ್ಣು