ಈಗಾಗಲೇ ಎಂಟನೇ ಆವೃತ್ತಿಯ ಪ್ರೊ ಕಬಡ್ಡಿ ಲೀಗ್ ನ ಮುಂದಿನ ಹಂತಕ್ಕೆ ಎಂಟ್ರಿ ನೀಡಿರುವ ದಬಾಂಗ್ ದೆಹಲಿ ತಂಡ ಶುಕ್ರವಾರ ನಡೆದ ಎರಡನೇ ಪಂದ್ಯದಲ್ಲಿ 40-32 ರಿಂದ ತೆಲುಗು ಟೈಟಾನ್ಸ್ ತಂಡವನ್ನು ಮಣಿಸಿತು.
ಈ ಗೆಲುವಿನ ಮೂಲಕ ದಬಾಂಗ್ 22 ಪಂದ್ಯಗಳಲ್ಲಿ 12 ಜಯ, 6 ಸೋಲು, 4 ಡ್ರಾ ಸಾಧಿಸಿದ್ದು 75 ಅಂಕಗಳೊಂದಿಗೆ ಎರಡನೇ ಸ್ಥಾನ ಪಡೆದಿದೆ. ತೆಲುಗು ಟೈಟಾನ್ಸ್ ಟೂರ್ನಿಯಲ್ಲಿ 17ನೇ ಸೋಲಿನ ಕಹಿಯನ್ನು ಕಂಡಿದೆ.
ಮೊದಲಾವಧಿಯಲ್ಲೇ ದಬಾಂಗ್ 19-14ರಿಂದ ತೆಲುಗು ವಿರುದ್ಧ ಮೇಲುಗೈ ಸಾಧಿಸಿತು. ಈ ಅವಧಿಯಲ್ಲಿ ದಬಾಂಗ್ ದಾಳಿಯಲ್ಲಿ 9, ಟ್ಯಾಕಲ್ ನಲ್ಲಿ 7, ಆಲ್ ಔಟ್ ಮೂಲಕ ಎರಡು ಅಂಕ ಸೇರಿಸಿತು. ಎರಡನೇ ಅವಧಿಯಲ್ಲೂ ಅಬ್ಬರದ ಆಟಕ್ಕೆ ಮಣೆ ಹಾಕಿದ ದಬಾಂಗ್ 21-18 ಅಂಕಗಳಿಂದ ಮುನ್ನಡೆ ಸಾಧಿಸಿತು. ಈ ಅವಧಿಯಲ್ಲಿ ತೆಲುಗು 12 ಅಂಕಗಳನ್ನು ದಾಳಿಯಲ್ಲಿ ಕಲೆ ಹಾಕಿತು. ಈ ಅವಧಿಯಲ್ಲಿ ದಬಾಂಗ್ ಒಂದು ಬಾರಿ ಆಲೌಟ್ ಆಯಿತು.
ವಿಜೇತ ತಂಡದ ಪರ ಆಲ್ ರೌಂಡರ್ ವಿಜಯ್ ಹಾಗೂ ಆಶು ತಲಾ ಆರು ಅಂಕ ಸೇರಿಸಿದರು. ಪರಾಜಿತ ತಂಡದ ಪರ ಅಂಕಿತ್ ಬೆನಿವಾಲ್ 10 ಅಂಕ ಕಲೆ ಹಾಕಿ ಸೋಲಿನಲ್ಲಿ ಮಿಂಚಿದರು.
