World Athletics: ಅವಿನಾಶ್ ಸೇಬಲ್ ಗೆ 11ನೇ ಸ್ಥಾನ
ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್ಶಿಪ್ನ ಪುರುಷರ 3000 ಮೀಟರ್ ಸ್ಟೀಪಲ್ ಚೇಸ್ ಸ್ಪರ್ಧೆಯ ಫೈನಲ್ನಲ್ಲಿ ಭಾರತದ ಅವಿನಾಶ್ ಸೇಬಲ್ 11 ನೇ ಸ್ಥಾನ ಪಡೆದರು. ಮಂಗಳವಾರ ನಡೆದ ಸ್ಪರ್ಧೆಯಲ್ಲಿ 27 ವರ್ಷ ವಯಸ್ಸಿನ ಅವಿನಾಶ್ ಸೇಬಲ್ 8 ನಿಮಿಷ 3 1.75 ಸೆಕೆಂಡಗಳ ಸಮಯದಲ್ಲಿ ಗುರಿ ಮುಟ್ಟಿ 11 ನೇ ಸ್ಥಾನಕ್ಕೆ ತೃಪ್ತಿಪಟ್ಟರು.
ಇದು ಅವಿನಾಶ್ ಅವರ ಪ್ರಸಕ್ತ ಋತುವಿನ ಮತ್ತು ವೈಯಕ್ತಿಕ ಅತ್ಯುತ್ತಮವಾದ 8 ನಿಮಿಷ 12.48 ಸೆ.ಗಳಿಗಿಂತ ಕಡಿಮೆಯಾಗಿದೆ. ಇದು ಅವರ ರಾಷ್ಟ್ರೀಯ ದಾಖಲೆಯಾಗಿತ್ತು. ಪುರುಷರ 3000 ಮೀಟರ್ ಸ್ಟೀಪಲ್ ಚೇಸ್ ಸ್ಪರ್ಧೆಯಲ್ಲಿ ಸೌಫೈನ್ ಎಲ್ ಬಕ್ಕಲಿ ಅಗ್ರಸ್ಥಾನ ಗಳಿಸಿದರೆ, ಲಮೆಚಾ ಗಿರ್ಮಾ ಎರಡನೇ ಸ್ಥಾನ ಹಾಗೂ ಕೀನ್ಯಾದ ಕಾನ್ಸೆಸ್ಲಸ್ ಕಿಪ್ರುಟೊ ಮೂರನೇ ಸ್ಥಾನ ಪಡೆದರು.
![World Athletics Championship: ಅವಿನಾಶ್ ಸೇಬಲ್ ಗೆ 11ನೇ ಸ್ಥಾನ 3 20220719T034621293Z251391](http://sportskarnataka.com/wp-content/uploads/2022/07/20220719T034621293Z251391.webp)
ಮಹಾರಾಷ್ಟ್ರದ ಬೀಡ್ ಮೂಲದವರಾದ ಅವಿನಾಶ್ ಸೇಬಲ್, ಇತ್ತೀಚಿನ ದಿನಗಳಲ್ಲಿ ಹೆಚ್ಚು ಶ್ರೇಷ್ಠ ಪ್ರದರ್ಶನ ನೀಡುತ್ತಿರುವ ಭಾರತೀಯ ಅಥ್ಲೀಟ್ಗಳ ಪೈಕಿ ಒಬ್ಬರೆನಿಸಿದ್ದಾರೆ.
ವಿಶ್ವ ಚಾಂಪಿಯನ್ಶಿಪ್ನಲ್ಲಿ ಸತತವಾಗಿ ಎರಡನೇ ಬಾರಿ ಫೈನಲ್ ಪ್ರವೇಶಿಸಿದ ಸೇಬಲ್ ಹೀಟ್ನಲ್ಲಿ 8:18.75 ಸೆಕೆಂಡ್ಗಳಲ್ಲಿ ಗುರಿ ತಲುಪಿ 15 ಸ್ಪರ್ಧಿಗಳೊಂದಿಗೆ ಫೈನಲ್ಗೆ ಅರ್ಹತೆ ಪಡೆದಿದ್ದರು.
![World Athletics Championship: ಅವಿನಾಶ್ ಸೇಬಲ್ ಗೆ 11ನೇ ಸ್ಥಾನ 4 2qrtamq8 avinash](http://sportskarnataka.com/wp-content/uploads/2022/07/2qrtamq8_avinash-sable_625x300_19_July_22.webp)
ಕಳೆದ ಕೆಲವು ವರ್ಷಗಳಲ್ಲಿ ಅವಿನಾಶ್ ಸೇಬಲ್ನ ಪ್ರದರ್ಶನ ಸ್ಥಿರವಾಗಿದೆ. ಪಾದದ ಗಾಯದಿಂದಾಗಿ ಅವರು 2018ರ ಏಷ್ಯನ್ ಗೇಮ್ಸ್ ಗೆ ಅರ್ಹತೆ ಪಡೆಯುವಲ್ಲಿ ವಿಫಲರಾಗಿದ್ದರು. ಆದರೆ ಅದೇ ವರ್ಷದ ನಂತರ ಅವರು 2018ರ ಒಡಿಶಾದ ಭುವನೇಶ್ವರದಲ್ಲಿ ರಾಷ್ಟ್ರೀಯ ಓಪನ್ ಚಾಂಪಿಯನ್ಶಿಪ್ನಲ್ಲಿ 8 ನಿ 29.80 ಸೆ.ಗಳಲ್ಲಿ ಗುರಿ ಮುಟ್ಟಿ ಗೋಪಾಲ್ ಸೈನಿ ರಾಷ್ಟ್ರೀಯ ದಾಖಲೆಯನ್ನು ಮುರಿದರು. ಗೋಪಾಲ್ ಸೈನಿ 8 ನಿ 30.88 ಸೆಗಳಲ್ಲಿ ಗುರಿ ಮುಟ್ಟಿದ್ದು, ಆ ವರೆಗಿನ ರಾಷ್ಟಿçÃಯ ದಾಖಲೆ ಎನಿಸಿತ್ತು.
Avinash Sable, 3000m Steeplechase, World Athletics, Championship