ಆಸ್ಟ್ರೇಲಿಯನ್ ಓಪನ್ ಮಹಿಳಾ ಸಿಂಗಲ್ಸ್ – ಕ್ವಾರ್ಟರ್ ಫೈನಲ್ ನಲ್ಲಿ ಕೈಸ್ – ಬಾರ್ಬೊರಾ ಹೋರಾಟ
ಆಸ್ಟ್ರೇಲಿಯನ್ ಓಪನ್ ಟೆನಿಸ್ ಟೂರ್ನಿಯ ಮಹಿಳೆಯರ ಸಿಂಗಲ್ಸ್ ನಲ್ಲಿ ಚೆಕ್ ಗಣರಾಜ್ಯದ ಬಾರ್ಬೊರಾ ಕ್ರೆಜ್‍ಸಿಕೊವಾ ಅವರು ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ.
ನಾಲ್ಕನೇ ಶ್ರೇಯಾಂಕಿತೆ ಬಾರ್ಬೊರಾ ಕ್ರೆಜ್ ಸಿಕೊವಾ ಅವರು 6-2, 6-2ರಿಂದ ಮಾಜಿ ನಂಬರ್ ವನ್ ಆಟಗಾರ್ತಿ ವಿಕ್ಟೋರಿಯಾ ಆಝಾರೆಂಕಾ ಅವರನ್ನು ಪರಾಭವಗೊಳಿಸಿದ್ರು.
ವಿಕ್ಟೋರಿಯಾ ಆಝಾರೆಂಕಾ ಅವರು 2012 ಮತ್ತು 2013ರಲ್ಲಿ ಆಸ್ಟ್ರೇಲಿಯನ್ ಓಪನ್ ಪ್ರಶಸ್ತಿ ಗೆದ್ದುಕೊಂಡಿದ್ದರು. ನಾಲ್ಕನೇ ಸುತ್ತಿನ ಪಂದ್ಯದಲ್ಲಿ ವಿಕ್ಟೋರಿಯಾ ಆಝಾರೆಂಕಾ ಅವರು ಭುಜನೋವು ಮತ್ತು ಕುತ್ತಿಗೆ ನೋವಿನಿಂದ ಬಳಲುತ್ತಿದ್ದರು. ಹೀಗಾಗಿ ಬಾರ್ಬೊರಾ ಅವರಿಗೆ ದಿಟ್ಟ ಹೋರಾಟ ನೀಡಲು ವಿಫಲರಾದ್ರು.
ಮಹಿಳೆಯರ ಇನ್ನೊಂದು ಸಿಂಗಲ್ಸ್ ನ ನಾಲ್ಕನೇ ಸುತ್ತಿನ ಪಂದ್ಯದಲ್ಲಿ ಮ್ಯಾಡಿಸನ್ ಕೈಸ್ ಅವರು 6-3, 6-1ರಿಂದ ಎಂಟನೇ ಶ್ರೇಯಾಂಕಿತೆ ಸ್ಪೇನ್ ನ ಪೌಲೊ ಬಾಡೊಸಾ ಅವರನ್ನು ಪರಾಭವಗೊಳಿಸಿದ್ರು.
ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಮ್ಯಾಡಿಸನ್ ಕೈಸ್ ಮತ್ತು ಬಾರ್ಬೊರಾ ಕ್ರೆಜ್ ಸಿಕೊವಾ ಅವರು ಹೋರಾಟ ನಡೆಸಲಿದ್ದಾರೆ.
ಮಹಿಳೆಯರ ಮತ್ತೊಂದು ನಾಲ್ಕನೇ ಸುತ್ತಿನ ಪಂದ್ಯದಲ್ಲಿ ಜೆಸ್ಸಿಕಾ ಪೆಗುಲಾ ಅವರು 7-6, 6-3ರಿಂದ ಗ್ರೀಸ್ ನ ಮರಿಯಾ ಸಕಾರಿ ಅವರನ್ನು ಮಣಿಸಿದ್ರು. ಈ ಮೂಲಕ ಜೆಸ್ಸಿಕಾ ಪೆಗುಲಾ ಅವರು ಸತತ ಎರಡನೇ ಬಾರಿ ಆಸ್ಟ್ರೇಲಿಯನ್ ಓಪನ್ ಟೂರ್ನಿಯಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ ಸಾಧನೆ ಮಾಡಿದ್ದಾರೆ.
ಕ್ವಾರ್ಟರ್ ಫೈನಲ್ ನಲ್ಲಿ ಜೆಸ್ಸಿಕಾ ಪೆಗುಲಾ ಅವರು ಅಗ್ರ ಶ್ರೇಯಾಂಕಿತೆ ಆಶ್ಲೇಘ್ ಬಾರ್ಟಿ ಅಥವಾ ಅಮಾಂಡಾ ಅನಿಸಿಮೊವಾ ಅವರನ್ನು ಎದುರಿಸಲಿದ್ದಾರೆ.
