ಏಷ್ಯಾಕಪ್‌ನಲ್ಲಿ (Asia Cup) ಇಂದು ಫೈನಲ್‌ (Final) ಪಂದ್ಯ ನಡೆಯಲಿದೆ. ಏಷ್ಯಾದ ಎರಡು ಬಲಿಷ್ಠ ತಂಡಗಳು ಮುಖಾಮುಖಿಯಾಗುತ್ತಿವೆ. ಪಾಕಿಸ್ತಾನ (Pakistan) ಸೂಪರ್‌ 4 ಹಂತದ ರಿವೇಂಜ್‌ಗಾಗಿ ಕಾಯುತ್ತಿದ್ದರೆ ಶ್ರೀಲಂಕಾ (Srilanka) ಟಿ20ಯಲ್ಲಿ (T20I) ತನ್ನ ಶಕ್ತಿ ಪ್ರದರ್ಶನ ಮಾಡಲು ಸಿದ್ಧವಾಗಿದೆ. ದುಬೈ ಮೈದಾನದಲ್ಲಿ(Dubai Stadium) ರೋಚಕ ಕಾದಾಟ ನಡೆಯುವುದು ಖಚಿತ.
ತಂಡಗಳ ಬಲಾಬಲ ನೋಡಿದರೆ ಹೆಚ್ಚು ವ್ಯತ್ಯಾಸ ಕಾಣುವುದಿಲ್ಲ. ಪಾಕ್‌ (Pak) ನಾಯಕ ಬಾಬರ್‌ ಅಜಂ (Babar Azam) ಸತತ ವೈಫಲ್ಯ ಅನುಭವಿಸಿದ್ದರೂ, ಮೊಹಮ್ಮದ್‌ ರಿಜ್ವಾನ್‌ ಆಟ ಮನಮೋಹಕವಾಗಿದೆ. ಇಫ್ತಿಕರ್‌ ರಾವ್‌, ಫಖರ್‌ ಜಮಾನ್‌ ಮತ್ತು ಕುಶಿಲ್‌ ಷಾ ಸೂಪರ್‌ ಫಾರ್ಮ್‌ನಲ್ಲಿದ್ದಾರೆ. ಶದಾಬ್‌ ಖಾನ್‌ ಮತ್ತು ಮೊಹಮ್ಮದ್‌ ನವಾಝ್‌ ಆಲ್‌ರೌಂಡರ್‌ ಶಕ್ತಿ ಪ್ರದರ್ಶನ ಮಾಡುತ್ತಿದ್ದಾರೆ.
ಬೌಲಿಂಗ್‌ನಲ್ಲಿ ನಸೀಮ್‌ ಶಾ ಮತ್ತು ದಹಾನಿ ವೇಗದ ಜೊತೆ ಸ್ವಿಂಗ್‌ ಮಾಡುತ್ತಿದ್ದಾರೆ. ಹ್ಯಾರಿಸ್‌ ರೌಫ್‌ ಮೂರನೇ ವೇಗಿ ಸ್ಥಾನ ತುಂಬಿದ್ದಾರೆ. ಶದಾಬ್‌ ಲೆಗ್‌ಸ್ಪಿನ್‌ ಮೋಡಿ ಮಾಡಿದರೆ, ನವಾಝ್‌ ಎಡಗೈ ಸ್ಪಿನ್‌ ಬಲೆ ಹೆಣೆದಿದ್ದಾರೆ.
ಶ್ರೀಲಂಕಾ (SL) ತಂಡ ಕೂಡ ಅದ್ಭುತ ಆಟ ಆಡುತ್ತಿದೆ. ಕುಸಾಲ್‌ ಮೆಂಡಿಸ್‌ (Kusal Mendis) ಎದುರಾಳಿ ಬೌಲರ್‌ಗಳನ್ನು ಚಿಂದಿ ಉಡಾಯಿಸುತ್ತಿದ್ದರೆ, ಪಥುನ್‌ ನಿಸ್ಸಾಂಕ ಡೇಂಜರಸ್‌ ಪ್ಲೇಯರ್‌. ಗುಣರತ್ನೆ ಬದಲು ಚರಿತ್‌ ಅಸಲಂಕಾ ಆಡಿದರೆ ಉತ್ತಮ. ಭಾನುಕಾ ರಾಜಪಕ್ಸೆ ಅಬ್ಬರದ ಆಟಕ್ಕೆ ಫೇಮಸ್‌. ದಾಸುನ್‌ ಶನಕ (Dasun Shanaka) ಮತ್ತು ಹಸರಂಗ ಕೂಡ ಬ್ಯಾಟಿಂಗ್‌ ಮಾಡಬಲ್ಲರು.
ಬೌಲಿಂಗ್‌ನಲ್ಲಿ ಲಂಕಾ ತಂಡ ಚಾಮಿಕಾ ಕರುಣರತ್ನೆ, ಮಧುಶಂಕ, ಮಹೀಶ್‌ ತೀಕ್ಷಣ, ಹಸರಂಗ ಮೇಲೆ ಹೆಚ್ಚು ಅವಲಂಭಿತವಾಗಿದೆ. ಇನ್ನು ದುಬೈ ಪಿಚ್‌ ಬಗ್ಗೆ ಟೀಕೆಗಳಿದ್ದು, ಟಾಸ್‌ ಗೆದ್ದವರು ಪಂದ್ಯ ಗೆಲ್ತರೆ ಅನ್ನುವ ಸ್ಥಿತಿ ನಿರ್ಮಾಣವಾಗಿದೆ.
