ಆಡಿಲೇಡ್ ಓವಲ್ನಲ್ಲಿ 2ನೇ ದಿನ ಆಟ ಆರಂಭಿಸಿದ ಆಸ್ಟ್ರೇಲಿಯಾ ದಿನದ ಗೌರವ ಪಡೆಯಿತು. ಮೊದಲ ದಿನ 95 ರನ್ಗಳಿಸಿ ಅಜೇಯರಾಗುಳಿದಿದ್ದ ಮಾರ್ನಸ್ ಲಬುಶಂಗೆ ಟೆಸ್ಟ್ ಜೀವನದ 6ನೇ ಶತಕದ ಸಂಭ್ರಮ ಆಚರಿಸಿಕೊಂಡರು. ಆದರೆ 103 ರನ್ಗಳಿಸಿದ್ದ ಲಬುಶಂಗೆ ರಾಬಿನ್ಸನ್ ಎಸೆತದಲ್ಲಿ ಎಡವಿ ಬಿದ್ದರು. ಸ್ಟೀವನ್ ಸ್ಮಿತ್ ಅರ್ಧಶತಕದ ಗಡಿ ದಾಟಿದರು. ಆದರೆ ಟ್ರಾವಿಸ್ ಹೆಡ್ 18ರನ್ ಮತ್ತು ಕೆಮರೂನ್ ಗ್ರೀನ್ 2 ರನ್ ಬೇಗನೆ ಔಟಾದರು.
ಸ್ಮಿತ್ ಜೊತೆ ಸೇರಿದ ಅಲೆಕ್ಸ್ ಕ್ಯಾರಿ ಕೂಡ ಇನ್ನಿಂಗ್ಸ್ ಕಟ್ಟಿದರು. 93 ರನ್ಗಳಿಸಿ ಶತಕದ ಕಡೆ ಮುಖ ಮಾಡಿದ ಸ್ಮಿತ್ 93 ರನ್ಗಳಿಸಿದ್ದ ಆ್ಯಂಡರ್ಸನ್ ಎಸೆತದಲ್ಲಿ ಔಟಾದರು. ಕ್ಯಾರಿ 51 ರನ್ಗಳಿಸಿ ನಿರ್ಗಮಿಸಿದರು. ಮಿಚೆಲ್ ಸ್ಟಾರ್ಕ್ ಅಜೇಯ 39 ಮತ್ತು ಮೈಕಲ್ ನೆಸ್ಸರ್ 35 ರನ್ಗಳಿಸಿ ಮಿಂಚಿನ ಆಟ ಆಡಿದರು. 9 ರನ್ಗಳಿಸಿದ ರಿಚರ್ಡ್ಸನ್ ಔಟಾಗುತ್ತಿದ್ದಂತೆ ಆಸ್ಟ್ರೇಲಿಯಾ 473 ರನ್ಗಳಿಗೆ ಡಿಕ್ಲೇರ್ ಮಾಡಿಕೊಂಡಿತು.
ಮೊದಲ ಇನ್ನಿಂಗ್ಸ್ ಆರಂಭಿಸಿದ ಇಂಗ್ಲೆಂಡ್ಗೆ ಆರಂಭದಲ್ಲೇ ಶಾಕ್. ರೋರಿ ಬರ್ನ್ಸ್ 4 ರನ್ಗಳಿಸಿ ಮಿಚೆಲ್ ಸ್ಟಾರ್ಕ್ ಗೆ ವಿಕೆಟ್ ಒಪ್ಪಿಸಿದರು. ಮೈಕಲ್ ನೆಸ್ಸರ್ ಹಸೀಬ್ ಹಮೀದ್ ವಿಕೆಟ್ ಕಬಳಿಸಿದರು. 2ನೇ ದಿನದ ಅಂತ್ಯಕ್ಕೆ ಇಂಗ್ಲೆಂಡ್ 2 ವಿಕೆಟ್ ಕಳೆದುಕೊಂಡು 17 ರನ್ಗಳಿಸಿದೆ. ಡೇವಿಡ್ ಮಲಾನ್ ಮತ್ತು ಜೋ ರೂಟ್ 3ನೇ ದಿನಕ್ಕೆ ಆಟ ಕಾಯ್ದುಕೊಂಡಿದ್ದರು.
