ಐಪಿಎಲ್ನಲ್ಲಿ 70 ಲೀಗ್ ಪಂದ್ಯಗಳು ಮುಗಿದಿವೆ. 10 ಪಂದ್ಯಗಳ ಪೈಕಿ 4 ತಂಡಗಳು ಪ್ಲೇ-ಆಫ್ ಎಂಟ್ರಿ ಪಡೆದಿವೆ. ಉಳಿದ 6 ತಂಡಗಳು ಆಟ ಮುಗಿಸಿವೆ. ಈಗ ಐಪಿಎಲ್ ಆಟಕ್ಕೆ ಸಣ್ಣ ಬ್ರೇಕ್ ಸಿಕ್ಕಿದೆ. ಇದರ ಮಧ್ಯೆ ಬಿಸಿಸಿಐ ಮಹಿಳಾ ಟಿ20 ಚಾಲೆಂಜ್ ಆಟ ನಡೆಸಲು ಸಿದ್ಧವಾಗಿದೆ. 3 ತಂಡಗಳ ಈ ಹಣಾಹಣೆಯ ಎಲ್ಲಾ ಪಂದ್ಯಗಳು ಪುಣೆಯಲ್ಲಿ ನಡೆಯಲಿದೆ.
ಮೊದಲ ಮುಖಾಮುಖಿಯಲ್ಲಿ ಸೂಪರ್ ನೋವಾಸ್ ಮತ್ತು ಟ್ರೈಲ್ ಬ್ಲೇಜರ್ ಕಣಕ್ಕಿಳಿಯಲಿದೆ. ಸೂಪರ್ ನೋವಾ ತಂಡವನ್ನು ಹರ್ಮನ್ ಪ್ರಿತ್ ಕೌರ್ ಮುನ್ನಡಸುತ್ತಿದ್ದಾರೆ. ತಾನಿಯಾ ಭಾಟಿಯಾ ಉಪನಾಯಕಿ. ಹರ್ಲಿಲ್ ಡಿಯೋಲ್, ಡಿಯಾಂಡ್ರ ಡಾಟಿನ್, ಸೋಫಿ ಎಕ್ಲಸ್ಟೋನ್, ಸುನೆ ಲಸ್, ಮೇಘನಾ ಸಿಂಗ್, ಪ್ರಿಯಾ ಪೂನಿಯಾ ಪೂಜಾ ವಸ್ತ್ರಾರ್ಕರ್ ರಂತಹ ಖ್ಯಾತ ಆಟಗಾರ್ತಿಯರಿದ್ದಾರೆ. ಬ್ಯಾಟಿಂಗ್ ಮತ್ತು ಬೌಲಿಂಗ್ನಲ್ಲಿ ಉತ್ತಮ ಸಮತೋಲನವನ್ನು ಹೊಂದಿದೆ.
ಟ್ರೈಲ್ ಬ್ಲೇಜರ್ ತಂಡವನ್ನು ಸ್ಮೃತಿ ಮಂಧಾನಾ ಮುನ್ನಡೆಸುತ್ತಿದ್ದಾರೆ. ಪೂನಂ ಯಾದವ್ ಈ ತಂಡಟದ ಉಪನಾಯಕಿ. ಸೋಪಿಯಾ ಡಂಕ್ಲಿ, ಕನ್ನಡತಿ ರಾಜೇಶ್ವರಿ ಗಾಯಕ್ವಾಡ್, ರಿಚಾ ಘೋಷ್, ಹೇಲಿ ಮ್ಯಾಥ್ಯೂಸ್, ಜೆಮಿಮಾ ರೋಡ್ರಿಗಸ್ ಸೇರಿದಂತೆ ಹಲವು ಆಟಗಾರ್ತಿಯರಿದ್ದಾರೆ. ಹರ್ಮನ್ ಮತ್ತು ಸ್ಮೃತಿ ಇಬ್ಬರು ಉತ್ತಮ ಗೆಳತಿಯರು. ಹೀಗಾಗಿ ಗೆಳತಿಯರ ನಡುವಿನ ಫೈಟ್ ನೋಡಲು ಕ್ರಿಕೆಟ್ ಪ್ರಿಯರು ಕಾಯುತ್ತಿದ್ದಾರೆ.