ಬ್ಯಾಟಿಂಗ್ ಮಾಡುವಾಗ ಶತಕದ ಜೊತೆಯಾಟದ ಬಗ್ಗೆ ನೀವು ಆಗಾಗ್ಗೆ ಕೇಳಿರಬಹುದು. ಪಂಜಾಬ್ ಕಿಂಗ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನಡುವಿನ ಪಂದ್ಯದಲ್ಲಿ ವಿಭಿನ್ನವಾಗಿದೆ.
ಬೌಲಿಂಗ್ ವೇಳೆ ಟಿ-20 ಪಂದ್ಯದಲ್ಲಿ ಇಬ್ಬರು ಬೌಲರ್ ಗಳು ಸೇರಿ 6 ಓವರ್ ಗಳಲ್ಲಿ ಒಂದೇ ಒಂದು ವಿಕೆಟ್ ಪಡೆಯದೇ 100 ರನ್ ನೀಡಿ ಕೈ ಸುಟ್ಟುಕೊಂಡರು. ಬೆಂಗಳೂರು ವಿರುದ್ಧದ ಹೀನಾಯ ಸೋಲಿಗೆ ಜೋಶ್ ಹ್ಯಾಜಲ್ ವುಡ್ ಮತ್ತು ಮೊಹಮ್ಮದ್ ಸಿರಾಜ್ ಅವರನ್ನು ಪಂದ್ಯದ ವಿಲನ್‌ಗಳೆಂದು ಪರಿಗಣಿಸಬಹುದು.
ಬೆಂಗಳೂರಿನ ವೇಗದ ಬೌಲಿಂಗ್ ದಾಳಿಯನ್ನು ಮುನ್ನಡೆಸುತ್ತಿರುವ ಜೋಶ್ ಹ್ಯಾಜಲ್ ವುಡ್ 4 ಓವರ್‌ಗಳಲ್ಲಿ 16 ರ ಸರಾಸರಿಯಲ್ಲಿ 64 ರನ್‌ಗಳನ್ನು ಬಿಟ್ಟುಕೊಟ್ಟರು. ಈ ವೇಳೆ ಅವರು ಒಂದೇ ಒಂದು ವಿಕೆಟ್ ಪಡೆಯಲಿಲ್ಲ. ವಾಸ್ತವವಾಗಿ, ಇಬ್ಬರು ಶ್ರೇಷ್ಠ ಇಂಗ್ಲೆಂಡ್ ಬ್ಯಾಟ್ಸ್‌ಮನ್‌ಗಳಾದ ಜಾನಿ ಬೈರ್‌ಸ್ಟೋವ್ ಮತ್ತು ಲಿಯಾಮ್ ಲಿವಿಂಗ್‌ಸ್ಟೋನ್ ಇವರ ದಾಳಿಯನ್ನು ಮೆಟ್ಟಿ ನಿಂತರು.
ಹ್ಯಾಜಲ್ ವುಡ್ ಚೆಂಡನ್ನು ಬೈರ್‌ಸ್ಟೋವ್ ಅವರ ಸ್ಲಾಟ್‌ಗೆ ಸ್ಲ್ಯಾಮ್ ಮಾಡಿ, ಸಿಕ್ಸರ್‌ ಬಾರಿಸಿದರು. ಹ್ಯಾಜಲ್ ವುಡ್ ಕ್ಲಬ್ ಕ್ರಿಕೆಟ್ ಬೌಲರ್ ನಂತೆ ಬೌಲಿಂಗ್ ಮಾಡುತ್ತಿದ್ದರು ಅನ್ನಿಸುತ್ತಿತ್ತು. ಅಂತಾರಾಷ್ಟ್ರೀಯ ಕ್ರಿಕೆಟ್ ಆಡುತ್ತಿರುವ ಬೌಲರ್‌ನಿಂದ ಬೆಂಗಳೂರು ಈ ರೀತಿಯ ಬೌಲಿಂಗ್ ನಿರೀಕ್ಷಿಸಿರಲಿಲ್ಲ. ಆದರೂ ಸಹ ಹ್ಯಾಜಲ್‌ವುಡ್ 4 ಓವರ್‌ಗಳ ಕೋಟಾ ಮುಗಿಸಿದರು.
RCB ಉಳಿಸಿಕೊಂಡಿರುವ ಮೊಹಮ್ಮದ್ ಸಿರಾಜ್, ಇದೀಗ T-20 ಕ್ರಿಕೆಟ್‌ನಲ್ಲಿ ವಿಶ್ವಾಸಾರ್ಹ ಬೌಲರ್. ಹ್ಯಾಜಲ್‌ವುಡ್‌ಗೆ ಒಂದು ತುದಿಯಿಂದ ರನ್ ನೀಡುತ್ತಿದ್ದರೆ, ಕ್ಯಾಪ್ಟನ್ ಫಾಫ್ ಇನ್ನೊಂದು ತುದಿಯಲ್ಲಿ ಸಿರಾಜ್ ಅವರ ಮೇಲೆ ವಿಶ್ವಾಸ ಮೂಡಿಸಿದರು. ಸಿರಾಜ್ 2 ಓವರ್ ಗಳಲ್ಲಿ 36 ರನ್ ಬಿಟ್ಟುಕೊಟ್ಟು ನಾಯಕನ ನಂಬಿಕೆಗೆ ಚ್ಯುತಿ ತಂದರು. ಈ ಮೂಲಕ ಇಬ್ಬರೂ ಬೌಲರ್‌ಗಳು ಒಂದೇ ಒಂದು ವಿಕೆಟ್ ಪಡೆಯದೇ ಪಂಜಾಬ್‌ಗೆ 100 ರನ್‌ಗಳ ನೀಡಿದರು.
