ಐಷಾರಾಮಿ Jaguar F-Type ಖರೀದಿಸಿದ Mohammed Shami
ಟೀಮ್ ಇಂಡಿಯಾದ ವೇಗದ ಬೌಲರ್ ಮೊಹಮ್ಮದ್ ಶಮಿ ಅವರು ಐಷಾರಾಮಿ ಕಾರನ್ನುತೆಗೆದುಕೊಳ್ಳುತ್ತಿರುವ ಚಿತ್ರವು ಸಾಮಾಜಿಕ ತಾಣದಲ್ಲಿ ಹರದಾಡುತ್ತಿದೆ. ಈ ಕಾರು ಜಾಗ್ವಾರ್ ಎಫ್-ಟೈಪ್ ಆಗಿದ್ದು, ಇದರ ಎಕ್ಸ್ ಶೋ ರೂಂ ಬೆಲೆ 98.13 ಲಕ್ಷ ರೂ. ಶಮಿ ಇತ್ತೀಚೆಗೆ ಈ ಐಷಾರಾಮಿ ಸ್ಪೋರ್ಟ್ಸ್ ಕಾರನ್ನು ಖರೀದಿಸಿದ್ದಾರೆ.
ಜಾಗ್ವಾರ್ ಎಫ್-ಟೈಪ್‌ನ ದೊಡ್ಡ ವೈಶಿಷ್ಟ್ಯವೆಂದರೆ ಈ ಕಾರು ಕೆಲವೇ ಸೆಕೆಂಡುಗಳಲ್ಲಿ ವೇಗವನ್ನು ಹೆಚ್ಚಿಸುತ್ತದೆ. ಈ ಸ್ಪೋರ್ಟ್ಸ್ ಕಾರು 3.7 ಸೆಕೆಂಡ್‌ಗಳಲ್ಲಿ ಗಂಟೆಗೆ 100 ಕಿಮೀ ವೇಗವನ್ನು ಪಡೆದುಕೊಳ್ಳುತ್ತದೆ. ಈ ಕಾರು ಎರಡು ಆಸನಗಳಾಗಿದ್ದು, 5000 ಸಿಸಿ ಎಂಜಿನ್‌ನೊಂದಿಗೆ ಲಭ್ಯವಿದೆ. ಈ ಕಾರು 8 ಸ್ವಯಂಚಾಲಿತ ಗೇರ್ ಬಾಕ್ಸ್ ಹೊಂದಿದೆ.
ಶಮಿ ಈ ಕಾರನ್ನು ನವದೆಹಲಿಯ ಶಿವ ಮೋಟಾರ್ಸ್ ನಿಂದ ಖರೀದಿಸಿದ್ದಾರೆ. ಸ್ವತಃ ಶಿವ ಮೋಟಾರ್ಸ್‌ನ ನಿರ್ದೇಶಕ ಅಮಿತ್ ಗಾರ್ಗ್ ಅವರಿಗೆ ಕಾರಿನ ಕೀಯನ್ನು ಹಸ್ತಾಂತರಿಸಿದರು. ಅಮಿತ್ ತಮ್ಮ ಲಿಂಕ್ಡ್‌ ಇನ್ ಖಾತೆಯಿಂದ ಶಮಿ ಜೊತೆಗಿನ ಕೆಲವು ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ. ಇದರೊಂದಿಗೆ ಶಮಿ ಸಹಿ ಮಾಡಿದ ಚೆಂಡನ್ನು ಅಮಿತ್‌ಗೆ ಉಡುಗೊರೆಯಾಗಿ ನೀಡಿದ್ದಾರೆ.
ಸದ್ಯಕ್ಕೆ ವೆಸ್ಟ್ ಇಂಡೀಸ್ ಪ್ರವಾಸದಿಂದ ಮೊಹಮ್ಮದ್ ಶಮಿಗೆ ವಿಶ್ರಾಂತಿ ನೀಡಲಾಗಿದೆ. ಇತ್ತೀಚೆಗಷ್ಟೇ ಅವರು ಇಂಗ್ಲೆಂಡ್ ಪ್ರವಾಸದಿಂದ ವಾಪಸಾಗಿದ್ದಾರೆ. ಶಮಿ ಪ್ರಸ್ತುತ ಜಸ್ಪ್ರೀತ್ ಬುಮ್ರಾ ಜೊತೆಗೆ ಟೀಮ್ ಇಂಡಿಯಾದ ಪ್ರಮುಖ ವೇಗದ ಬೌಲರ್ ಆಗಿದ್ದಾರೆ. ಟೆಸ್ಟ್‌ನಲ್ಲಿ 216 ಮತ್ತು ಏಕದಿನದಲ್ಲಿ 152 ವಿಕೆಟ್‌ಗಳನ್ನು ಪಡೆದಿದ್ದಾರೆ.
Jaguar F-Type, Mohammed Shami, luxury, sports, car
