ಲಕ್ನೋ ಸೂಪರ್ ಜೈಂಟ್ಸ್ ತಂಡದ ಕ್ವಿಂಟಕ್ ಡಿʼಕಾಕ್ ಹಾಗೂ ನಾಯಕ ಕೆ.ಎಲ್.ರಾಹುಲ್, ಮೊದಲ ವಿಕೆಟ್ಗೆ ಅತ್ಯಧಿಕ ರನ್ಗಳ ಜೊತೆಯಾಟದ ಮೂಲಕ ಇಂಡಿಯನ್ ಪ್ರೀಮಿಯರ್ ಲೀಗ್(ಐಪಿಎಲ್)ನಲ್ಲಿ ಹೊಸದೊಂದು ದಾಖಲೆ ನಿರ್ಮಿಸಿದ್ದಾರೆ.
ತಮ್ಮ ಅಬ್ಬರದ ಬ್ಯಾಟಿಂಗ್ ಮೂಲಕ ಕೊಲ್ಕತ್ತಾ ನೈಟ್ ರೈಡರ್ಸ್ ಬೌಲಿಂಗ್ ದಾಳಿಯನ್ನ ಧೂಳಿಪಟಗೊಳಿಸಿದ ಡಿಕಾಕ್ ಹಾಗೂ ರಾಹುಲ್, ಆರಂಭಿಕರಾಗಿ ಐಪಿಎಲ್ನಲ್ಲಿ ಮೊದಲ ಬಾರಿಗೆ ವಿಕೆಟ್ ಕಳೆದುಕೊಳ್ಳದೇ 20 ಓವರ್ಗಳನ್ನು ಪೂರ್ಣಗೊಳಿಸಿದ ದಾಖಲೆ ಬರೆದಿದ್ದಾರೆ. ಭರ್ಜರಿ ಬ್ಯಾಟಿಂಗ್ ಪ್ರದರ್ಶಿಸಿದ ಈ ಜೋಡಿ 20 ಓವರ್ಗಳಲ್ಲಿ ಅಜೇಯ 210 ರನ್ಗಳ ಜೊತೆಯಾಟದ ಸಾಧನೆ ಮಾಡಿದರು. 200ರ ಸ್ಟ್ರೈಕ್ ರೇಟ್ನಲ್ಲಿ ಬ್ಯಾಟ್ ಬೀಸಿದ ಕ್ವಿಂಟನ್ ಡಿಕಾಕ್, 70 ಬಾಲ್ಗಳಲ್ಲಿ 140* ರನ್ಗಳಿಸಿದರೆ. ಕೆ.ಎಲ್.ರಾಹುಲ್ 51 ಬಾಲ್ಗಳಲ್ಲಿ 68* ರನ್ಗಳಿಸಿ ಅಬ್ಬರಿಸಿದರು.
ರಾಹುಲ್-ಡಿಕಾಕ್ ಅವರು ಈ ಪ್ರದರ್ಶನ ಐಪಿಎಲ್ನಲ್ಲಿ ಯಾವುದೇ ವಿಕೆಟ್ಗೆ ಗಳಿಸಿರುವ ಅತ್ಯಧಿಕ ಜೊತೆಯಾಟ ಇದಾಗಿದೆ. ಈ ಹಿಂದೆ ಜಾನಿ ಬೈರ್ಸ್ಟೋವ್ ಹಾಗೂ ಡೇವಿಡ್ ವಾರ್ನರ್, 2019ರಲ್ಲಿ ಆರ್ಸಿಬಿ ವಿರುದ್ಧ ಗಳಿಸಿದ್ದ 185 ರನ್ಗಳು ಐಪಿಎಲ್ನಲ್ಲಿ ಆರಂಭಿಕ ವಿಕೆಟ್ಗೆ ದಾಖಲಾದ ಅತ್ಯಧಿಕ ರನ್ಗಳ ಜೊತೆಯಾಟವಾಗಿತ್ತು. ನಂತರದಲ್ಲಿ ಗೌತಮ್ ಗಂಭೀರ್ ಹಾಗೂ ಕ್ರಿಸ್ ಲಿನ್, 2017ರಲ್ಲಿ ಗುಜರಾತ್ ಲಯನ್ಸ್ ವಿರುದ್ಧ 184* ರನ್ಗಳ ಜೊತೆಯಾಟ 3ನೇ ಗರಿಷ್ಠ ರನ್ ಜೊತೆಯಾಟವಾಗಿದೆ.
ಗರಿಷ್ಠ ಆರಂಭಿಕ ಜೊತೆಯಾಟ – IPLನಲ್ಲಿ
210* – ಡಿಕಾಕ್/ರಾಹುಲ್ v KKR
185 – ಬೈರ್ಸ್ಟೋವ್/ವಾರ್ನರ್ v RCB
184* – ಗಂಭೀರ್/ಲಿನ್ v GL
183 – ಮಯಂಕ್/ರಾಹುಲ್ v RR
182 – ಋತುರಾಜ್/ಕಾನ್ವೆ v SRH