ಐಸಿಸಿ ಮಹಿಳಾ ಏಕದಿನ ವಿಶ್ವಕಪ್ ಆರಂಭವಾಗಿದೆ. ನ್ಯೂಜಿಲೆಂಡ್ ಈ ಬಾರಿ ವಿಶ್ವಕಪ್ಗೆ ಆತಿಥ್ಯ ನೀಡುತ್ತಿದೆ. ಕಳೆದ ವಿಶ್ವಕಪ್ನ ರನ್ನರ್ ಅಪ್ ಭಾರತದ ವನಿತೆಯರು ಈ ಬಾರಿ ಹಾಟ್ಫೆವರೀಟ್ ಲಿಸ್ಟ್ನಲ್ಲಿದ್ದಾರೆ. ಆಸ್ಟ್ರೇಲಿಯಾ, ಇಂಗ್ಲೆಂಡ್ ಪ್ರಶಸ್ತಿ ಮೇಲೆ ಕಣ್ಣಿಟ್ಟಿದ್ದರೆ, ನ್ಯೂಜಿಲೆಂಡ್ ವನಿತೆಯರೂ ಕೂಡ ಕಡಿಮೆ ಅಲ್ಲ.
ಅಂದಹಾಗೇ ಭಾರತ ತನ್ನ ಮೊದಲ ಪಂದ್ಯದಲ್ಲಿ ಪಾಕಿಸ್ತಾನ ವಿರುದ್ಧ ಆಡಲಿದೆ. ಮಾರ್ಚ್ 6 ರಂದು ಇಂಡೋ-ಪಾಕ್ ಕದನ ನಡೆಯಲಿದೆ. ಈ ಪಂದ್ಯ ಮೌಂಟ್ ಮಂಗ್ನುಯಿಯಲ್ಲಿ ನಡೆಯಲಿದೆ. ಭಾರತೀಯ ಕಾಲಮಾನ ಬೆಳಗ್ಗೆ 6 ಗಂಟೆಗೆ ಪಂದ್ಯ ಆರಂಭವಾಗಲಿದೆ.
ಭಾರತ ಮತ್ತು ಪಾಕಿಸ್ತಾನ ತಂಡಗಳ ಬಲಾಬಲದ ಬಗ್ಗೆ ಮಾತಿದೆ. ಆದರೆ ಭಾರತದ ಬಲದ ಬಗ್ಗೆ ಎರಡು ಮಾತೇ ಇಲ್ಲ. ಭಾರತ ತಂಡ ವನ್ನು ಮಿಥಾಲಿ ರಾಜ್ ಮುನ್ನಡೆಸುತ್ತಿದ್ದಾರೆ. ಹರ್ಮನ್‌ಪ್ರೀತ್ ಕೌರ್ (ಉಪನಾಯಕಿ), ಸ್ಮೃತಿ ಮಂಧಾನ, ಶಫಾಲಿ ವರ್ಮಾ, ದೀಪ್ತಿ ಶರ್ಮಾ, ಯಾಸ್ತಿಕಾ ಭಾಟಿಯಾ, ರಿಚಾ ಘೋಷ್, ತನಿಯಾ ಭಾಟಿಯಾ, ಸ್ನೇಹ ರಾಣಾ, ಜೂಲನ್ ಗೋಸ್ವಾಮಿ, ಪೂಜಾ ವಸ್ತ್ರಾಕರ್, ಮೇಘನಾ ಸಿಂಗ್, ರೇಣುಕಾ ಸಿಂಗ್ ಠಾಕೂರ್, ರಾಜೇಶ್ವರಿ ಗಯಾಕ್ , ಪೂನಂ ಯಾದವ್ ತಂಡದಲ್ಲಿದ್ದಾರೆ.
ಇನ್ನೊಂದೆಡೆ ಪಾಕಿಸ್ತಾನ ತಂಡದಲ್ಲಿ ಅನುಭವವಿದೆ. ಆದರೆ ಭಾರತದಷ್ಟು ಬಲಿಷ್ಠವಲ್ಲ . ಬಿಸ್ಮಾ ಮರೂಫ್, ನಿದಾ ದಾರ್, ಡಯಾನಾ ಬೇಗ್, ಸಿದ್ರಾ ನವಾಜ್ರಂತಹ ಆಟಗಾರ್ತಿಯರನ್ನು ಹೊಂದಿದೆ. ಆದರೂ ಭಾರತೀಯ ವನಿತೆಯರ ಮುಂದೆ ಪಾಕ್ ವೀಕ್ ಅನ್ನುವುದರಲ್ಲಿ ಎರಡು ಮಾತಿಲ್ಲ.
