FIFA ಮುಖ್ಯಸ್ಥರ ಜೊತೆ AIFF ಅಧ್ಯಕ್ಷ ಕಲ್ಯಾಣ್ ಚೌಬೆ ಮಾತುಕತೆ- ಫುಟ್ಬಾಲ್ ಅಭಿವೃದ್ಧಿಯ ಕುರಿತು ಚರ್ಚೆ
FIFA (ವಿಶ್ವ ಫುಟ್ಬಾಲ್ ಆಡಳಿತ ಮಂಡಳಿ) ಮುಖ್ಯಸ್ಥ ಗಿಯಾನಿ ಇನ್‌ಫಾಂಟಿನೋ ಅವರು ಅಖಿಲ ಭಾರತ ಫುಟ್ಬಾಲ್ ಫೆಡರೇಶನ್ (AIFF) ನ ನೂತನವಾಗಿ ಚುನಾಯಿತ ಅಧ್ಯಕ್ಷ ಕಲ್ಯಾಣ್ ಚೌಬೆ ಅವರೊಂದಿಗೆ ಭಾರತದಲ್ಲಿನ ಮೂಲಸೌಕರ್ಯ, ತಳಮಟ್ಟದ ಪುರುಷ ಮತ್ತು ಮಹಿಳೆಯರ ಫುಟ್ಬಾಲ್ ಅಭಿವೃದ್ಧಿಯ ಕುರಿತು ಚರ್ಚಿಸಿದ್ದಾರೆ.
FIFA ಹೇಳಿಕೆಯ ಪ್ರಕಾರ, AIFF ನ ಅಧ್ಯಕ್ಷರಾಗಿ ಇತ್ತೀಚೆಗೆ ಆಯ್ಕೆಯಾದ ಚೌಬೆ ಅವರನ್ನು ವೈಯಕ್ತಿಕವಾಗಿ ಅಭಿನಂದಿಸಲು ಇನ್ಫಾಂಟಿನೊ ಸಭೆ ನಡೆಸಿದರು.
ಭಾರತದಲ್ಲಿ ಪುರುಷರು, ಮಹಿಳೆಯರು, ಯುವಜನರು ಮತ್ತು ತಳಮಟ್ಟದ ಫುಟ್ಬಾಲ್ ಅಭಿವೃದ್ಧಿಗೆ ಸಂಬಂಧಿಸಿದ ವಿಷಯಗಳ ಕುರಿತು ಇಬ್ಬರೂ ವಿವರವಾದ ಚರ್ಚೆ ನಡೆಸಿದ್ದಾರೆ ಎಂದು ಫಿಫಾ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.
ಮಾಜಿ ವೃತ್ತಿಪರ ಆಟಗಾರರಾದ ಚೌಬೆ ಅವರು ಸೆಪ್ಟೆಂಬರ್ 2 ರ ಚುನಾವಣೆಯಲ್ಲಿ AIFF ಅದರ ಅಧ್ಯಕ್ಷರಾಗಿ ಆಯ್ಕೆಯಾದ ನಂತರ ಮೂಲಸೌಕರ್ಯ, ತಳಮಟ್ಟದ ಮತ್ತು ಮಹಿಳಾ ಫುಟ್‌ಬಾಲ್‌ಗೆ ಹೆಚ್ಚಿನ ಗಮನ ನೀಡುವುದರೊಂದಿಗೆ ಭಾರತದಲ್ಲಿ ಫುಟ್ಬಾಲ್ ಅಭಿವೃದ್ಧಿಗೆ ಹಲವಾರು ಸುಧಾರಣಾ ಯೋಜನೆಗಳನ್ನು ಘೋಷಿಸಿದ್ದರು. ಸಭೆಯ ನಂತರ, ಚೌಬೆ ಇನ್ಫಾಂಟಿನೊಗೆ ಧನ್ಯವಾದಗಳನ್ನು ಅರ್ಪಿಸಿದರು ಮತ್ತು ಪ್ರಪಂಚದಾದ್ಯಂತ ಫುಟ್ಬಾಲ್ ಅಭಿವೃದ್ಧಿಯಲ್ಲಿ FIFA ಪಾತ್ರವನ್ನು ಶ್ಲಾಘಿಸಿದರು.
“ನಾವು ಫಿಫಾ ಅಧ್ಯಕ್ಷರೊಂದಿಗೆ ಮಾತನಾಡಿದ್ದೇವೆ ಮತ್ತು ಅವರು ನಮಗೆ ಬೆಂಬಲ ನೀಡಿರುವುದು ನನಗೆ ಗೌರವವಾಗಿದೆ” ಎಂದು ಅವರು ಹೇಳಿದರು. ನನಗೆ ಸಂತೋಷವಾಗಿದೆ ಮತ್ತು ಭಾರತೀಯ ಫುಟ್ಬಾಲ್ ಅನ್ನು ಅಂತರರಾಷ್ಟ್ರೀಯ ಮಟ್ಟಕ್ಕೆ ಕೊಂಡೊಯ್ಯಲು ಅಖಿಲ ಭಾರತ ಫುಟ್ಬಾಲ್ ಫೆಡರೇಶನ್‌ನೊಂದಿಗೆ ಫಿಫಾ ಕೆಲಸ ಮಾಡುತ್ತಿದೆ” ಎಂದಿದ್ದಾರೆ.
FIFA U-17 ಮಹಿಳಾ ವಿಶ್ವಕಪ್ ಆತಿಥ್ಯ ವಹಿಸಲು AIFF ತನ್ನ ಅಂತಿಮ ಹಂತದ ತಯಾರಿಯಲ್ಲಿದೆ. ಅಕ್ಟೋಬರ್ 11 ರಿಂದ ಅಕ್ಟೋಬರ್ 30 ರವರೆಗೆ ಮೂರು ನಗರಗಳಲ್ಲಿ ಆಯೋಜಿಸಲಾಗಿದೆ. ಭಾರತವು 2017 ರಲ್ಲಿ ಫಿಫಾ U-17 ಪುರುಷರ ವಿಶ್ವಕಪ್ ಅನ್ನು ಆಯೋಜಿಸಿತ್ತು. ಇದರಲ್ಲಿ ದಾಖಲೆ ಸಂಖ್ಯೆಯ 12 ಲಕ್ಷಕ್ಕೂ ಹೆಚ್ಚು ಜನರು ಪಂದ್ಯವನ್ನು ಆನಂದಿಸಿದರು.
ಈ ಸಂದರ್ಭದಲ್ಲಿ 17 ವರ್ಷದೊಳಗಿನವರ ಮಹಿಳಾ ವಿಶ್ವಕಪ್‌ಗೆ ಸಂಬಂಧಿಸಿದಂತೆ ಇಡೀ ದೇಶದಲ್ಲಿ ಸಕಾರಾತ್ಮಕ ವಾತಾವರಣ ನಿರ್ಮಿಸುವ ಕುರಿತು ಚೌಬೆ ಇನ್ಫಾಂಟಿನೊ ಅವರೊಂದಿಗೆ ಚರ್ಚಿಸಿದರು.
