Team India – ರಿಷಬ್ ಪಂತ್ ಟೀಮ್ ಇಂಡಿಯಾದ ಆಸ್ತಿ – ಫಾರೂಕ್ ಇಂಜಿನಿಯರ್
![Team India - ರಿಷಬ್ ಪಂತ್ ಟೀಮ್ ಇಂಡಿಯಾದ ಆಸ್ತಿ - ಫಾರೂಕ್ ಇಂಜಿನಿಯರ್ 3 risha pant team india sports karnataka](http://sportskarnataka.com/wp-content/uploads/2022/07/Rishabh.png)
ನನ್ನ ದಾಖಲೆಯನ್ನು ಮಹೇಂದ್ರ ಸಿಂಗ್ ಧೋನಿ ಸರಿಗಟ್ಟುತ್ತಾನೆ ಅಂತ ಅಂದುಕೊಂಡಿದ್ದೆ. ಆದ್ರೆ ರಿಷಬ್ ಪಂತ್ ನನ್ನ ದಾಖಲೆಯನ್ನು ಸಮಗೊಳಿಸಿದ್ದಾನೆ. ಈ ಬಗ್ಗೆ ನನಗೆ ಅಚ್ಚರಿಯೂ ಇದೆ. ಭಾರತೀಯ ವಿಕೆಟ್ ಕೀಪರ್ ಬ್ಯಾಟ್ಸ್ ಮೆನ್ ತುಂಬಾ ಹಳೆಯ ದಾಖಲೆಯನ್ನು ಸಮಗೊಳಿಸಿರುವುದು ಖುಷಿಯ ಸಂಗತಿ ಎಂದು ಭಾರತ ಕ್ರಿಕೆಟ್ ತಂಡದ ಮಾಜಿ ವಿಕೆಟ್ ಕೀಪರ್ ಫಾರೂಕ್ ಇಂಜಿನಿಯರ್ ಹೇಳಿದ್ದಾರೆ.
ಇಂಗ್ಲೆಂಡ್ ವಿರುದ್ದದ ಐದನೇ ಟೆಸ್ಟ್ ಪಂದ್ಯದ ಮೊದಲ ಇನಿಂಗ್ಸ್ ನಲ್ಲಿ ರಿಷಬ್ ಪಂತ್ ಶತಕ ದಾಖಲಿಸಿದ್ದರು. ಎರಡನೇ ಇನಿಂಗ್ಸ್ ನಲ್ಲಿ ಅರ್ಧಶತಕ ದಾಖಲಿಸಿದ್ದರು.
ಅಂದ ಹಾಗೇ ಭಾರತದ ವಿಕೆಟ್ ಕೀಪರ್ ಫಾರೂಕ್ ಇಂಜಿನಿಯರ್ ಅವರು 1973ರಲ್ಲಿ ಇಂಗ್ಲೆಂಡ್ ವಿರುದ್ದ ಬ್ರಬೋರ್ನ್ ಅಂಗಣದಲ್ಲಿ ಶತಕ ಮತ್ತು ಅರ್ಧಶತಕ ದಾಖಲಿಸಿದ್ದರು.
ಇದೀಗ 49 ವರ್ಷಗಳ ಬಳಿಕ ರಿಷಬ್ ಪಂತ್ ಆ ದಾಖಲೆಯ ಸಾಲಿಗೆ ಸೇರಿಕೊಂಡಿದ್ದಾರೆ. Team India – Rishabh is a tremendous asset for India – Farokh Engineer
![Team India - ರಿಷಬ್ ಪಂತ್ ಟೀಮ್ ಇಂಡಿಯಾದ ಆಸ್ತಿ - ಫಾರೂಕ್ ಇಂಜಿನಿಯರ್ 4 rishab pant team india sports karnataka](http://sportskarnataka.com/wp-content/uploads/2022/07/rishab-pant.jpg)
ರಿಷಬ್ ಪಂತ್ ಗೆ ತನ್ನ ಸಾಮಥ್ರ್ಯ ಏನು ಎಂಬುದು ಕೊನೆಗೂ ಮನವರಿಕೆಯಾಗಿದೆ. ರಿಷಬ್ ಪಂತ್ ಅದ್ಭುತವಾದ ಬ್ಯಾಟ್ಸ್ ಮೆನ್. ಉತ್ತಮ ವ್ಯಕ್ತಿ ಕೂಡ. ನಾವು ಒಂದು ಬಾರಿ ಭೇಟಿಯಾಗಿದ್ದೇವು. ಅನೇಕ ಬಾರಿ ಕೆಟ್ಟ ಹೊಡೆತಗಳಿಗೆ ಔಟಾಗುತ್ತಿದ್ದ. ಆಗ ನನಗೆ ಅನ್ನಿಸುತ್ತಿತ್ತು. ಎಷ್ಟು ಒಳ್ಳೆಯ ಆಟಗಾರ. ತುಂಬಾ ಪ್ರತಿಭಾವಂತ ಆಟಗಾರ. ಯಾಕೆ ಈ ರೀತಿ ಔಟಾಗುತ್ತಾನೆ ಎಂದು ನಾನು ಯೋಚಿಸುತ್ತಿದ್ದೆ ಎಂದು ರಿಷಬ್ ಪಂತ್ ಬಗ್ಗೆ ಫಾರೂಕ್ ಇಂಜಿನಿಯರ್ ಈ ರೀತಿಯಾಗಿ ಹೇಳಿದ್ದಾರೆ.
ರಿಷಬ್ ಪಂತ್ ಎಂಟೈಟೇನರ್. ಹಾಗೇ ವಿಕೆಟ್ ಕೀಪಿಂಗ್ ನಲ್ಲೂ ಸಾಕಷ್ಟು ಸುಧಾರಣೆಯಾಗಿದ್ದಾನೆ. ಹಾಗೇ ಧೋನಿ ಕೂಡ ತನ್ನ ಆರಂಭದ ದಿನಗಳಲ್ಲಿ ಉತ್ತಮ ವಿಕೆಟ್ ಕೀಪರ್ ಆಗಿರಲಿಲ್ಲ. ನಂತರ ಸಾಕಷ್ಟು ಸುಧಾರಣೆ ಮಾಡಿಕೊಂಡಿದ್ದ. ಅದೇ ರೀತಿ ರಿಷಬ್ ಪಂತ್ ಕೂಡ. ರಿಷಬ್ ಪಂತ್ ಟೀಮ್ ಇಂಡಿಯಾದ ಆಸ್ತಿ ಎಂದು ಫಾರೂಕ್ ಇಂಜಿನಿಯರ್ ಬಣ್ಣನೆ ಮಾಡಿದ್ದಾರೆ.