MS Dhoni- ಲಂಡನ್ ನಲ್ಲಿ ಧೋನಿ ಬರ್ತ್ ಡೇ.. 41ನೇ ಹುಟ್ಟು ಹಬ್ಬದ ಆಚರಿಸಿಕೊಂಡ ಕೂಲ್ ಕ್ಯಾಪ್ಟನ್..!
![MS Dhoni- ಲಂಡನ್ ನಲ್ಲಿ ಧೋನಿ ಬರ್ತ್ ಡೇ.. 41ನೇ ಹುಟ್ಟು ಹಬ್ಬದ ಆಚರಿಸಿಕೊಂಡ ಕೂಲ್ ಕ್ಯಾಪ್ಟನ್..! 3 mahendra singh dhoni happy birthday sports karnataka](http://sportskarnataka.com/wp-content/uploads/2022/07/dhoni-1.jpg)
ಟೀಮ್ ಇಂಡಿಯಾದ ಎವರ್ ಗ್ರೀನ್ ಕೂಲ್ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ ಅವರಿಗೆ ಇಂದು (ಜುಲೈ 7) 41ನೇ ಹುಟ್ಟು ಹಬ್ಬದ ಸಂಭ್ರಮ.
ಪತ್ನಿ, ಮಗಳು ಹಾಗೂ ಗೆಳೆಯರ ಜೊತೆ ಲಂಡನ್ ನಲ್ಲಿ ಧೋನಿ ಅವರು ಈ ಬಾರಿಯ ಹುಟ್ಟುಹಬ್ಬವನ್ನು ಆಚರಿಸಿಕೊಂಡ್ರು. ವಿಶೇಷತೆ ಅಂದ್ರೆ ಈ ಬಾರಿಯ ಹುಟ್ಟುಹಬ್ಬಕ್ಕೆ ಸ್ಪೆಷಲ್ ಗೆಸ್ಟ್ ಆಗಿ ಬಂದಿದ್ದು ಟೀಮ್ ಇಂಡಿಯಾದ ಹಾಲಿ ವಿಕೆಟ್ ಕೀಪರ್ ಬ್ಯಾಟರ್ ರಿಷಬ್ ಪಂತ್.
ಜುಲೈ 4ರಂದು ಮಹೇಂದ್ರ ಸಿಂಗ್ ಧೋನಿ ಮತ್ತು ಪತ್ನಿ ಸಾಕ್ಷಿ ಸಿಂಗ್ ಅವರು ತಮ್ಮ 12ನೇ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿಕೊಂಡಿದ್ದರು.
ಐಪಿಎಲ್ ನಂತರ ರಾಂಚಿಯಲ್ಲೇ ಹೆಚ್ಚು ಸಮಯ ಕಳೆದಿರುವ ಧೋನಿ ಸದ್ಯ ಮೊಣಕಾಲು ನೋವಿನಿಂದ ಚೇತರಿಸಿಕೊಳ್ಳುತ್ತಿದ್ದಾರೆ. ರಾಂಚಿಯ ಸ್ಥಳೀಯ ನಾಟಿ ವೈದ್ಯರಿಂದ ಚಿಕಿತ್ಸೆ ಪಡೆದಿರುವುದು ದೊಡ್ಡ ಸುದ್ದಿಯಾಗಿತ್ತು.
ಸದ್ಯ ಇಂಗ್ಲೆಂಡ್ ಪ್ರವಾಸದಲ್ಲಿರುವ ಮಹೇಂದ್ರ ಸಿಂಗ್ ಧೋನಿ ಕುಟುಂಬ ವಿಂಬಲ್ಡನ್ ಅಂಗಣದಲ್ಲೂ ಕಾಣಿಸಿಕೊಂಡಿದ್ದರು. ಮಿಕ್ಸೆಡ್ ಡಬಲ್ಸ್ ನಲ್ಲಿ ಸಾನಿಯಾ ಮಿರ್ಜಾ ಅವರ ಆಟವನ್ನು ನೋಡಿದ್ದರು. ಆದ್ರೆ ಸಾನಿಯಾ ಮಿರ್ಜಾ ಅವರು ಸೆಮಿಫೈನಲ್ ನಲ್ಲಿ ಸೋಲು ಅನುಭವಿಸಿದ್ದರು.
![MS Dhoni- ಲಂಡನ್ ನಲ್ಲಿ ಧೋನಿ ಬರ್ತ್ ಡೇ.. 41ನೇ ಹುಟ್ಟು ಹಬ್ಬದ ಆಚರಿಸಿಕೊಂಡ ಕೂಲ್ ಕ್ಯಾಪ್ಟನ್..! 4 Wimbledon 2022 ms dhoni sports karnataka](http://sportskarnataka.com/wp-content/uploads/2022/07/dhoni-2.jpg)
ಟೀಮ್ ಇಂಡಿಯಾವನ್ನು ಯಶಸ್ಸಿನ ಉತ್ತುಂಗಕ್ಕೇರಿಸಿದ್ದ ಹೆಗ್ಗಳಿಕೆ ಧೋನಿಯವರಿಗೆ ಸಲ್ಲುತ್ತದೆ. ನಾಯಕನಾಗಿ ಮೂರು ಐಸಿಸಿ ಪ್ರಶಸ್ತಿಗಳನ್ನು ಗೆದ್ದುಕೊಂಡಿದ್ದರು. ಅಲ್ಲದೆ ನಾಲ್ಕು ಬಾರಿ ಐಪಿಎಲ್ ಪ್ರಶಸ್ತಿ ಹಾಗೂ ಐದು ಬಾರಿ ರನ್ನರ್ ಅಪ್ ಪ್ರಶಸ್ತಿಯು ಧೋನಿ ನಾಯಕತ್ವಕ್ಕೆ ಒಲಿದು ಬಂದಿದೆ. MS Dhoni Celebrates His 41st Birthday in Style With Friends
ನಾಯಕನಾಗಿ ಕೂಲ್ ಆಗಿಯೇ ತಂಡವನ್ನು ಮುನ್ನಡೆಸುವ ಧೋನಿ ತನ್ನ ಕೆಲವೊಂದು ದಿಟ್ಟ ನಿರ್ಧಾರಗಳಿಂದ ಯಶ ಕೂಡ ಸಾಧಿಸಿದ್ದಾರೆ.
ಕ್ಷಣ ಮಾತ್ರದಲ್ಲೇ ಪಂದ್ಯದ ಗತಿಯನ್ನು ಅರಿತುಕೊಳ್ಳುವ ಧೋನಿ, ಹಲವು ಬಾರಿ ಟೀಮ್ ಇಂಡಿಯಾಗೆ ರೋಚಕ ಗೆಲುವನ್ನು ಕೂಡ ತಂದುಕೊಟ್ಟಿದ್ದಾರೆ.
2004ರಲ್ಲಿ ಬಾಂಗ್ಲಾ ದೇಶ ವಿರುದ್ದ ಚೊಚ್ಚಲ ಅಂತಾರಾಷ್ಟ್ರೀಯ ಪಂದ್ಯವನ್ನು ಆಡಿರುವ ಧೋನಿ, 2007ರಲ್ಲಿ ಟೀಮ್ ಇಂಡಿಯಾದ ನಾಯಕನಾಗಿ ಆಯ್ಕೆಯಾಗಿದ್ದರು. ಚೊಚ್ಚಲ ನಾಯಕತ್ವದಲ್ಲೇ ಚೊಚ್ಚಲ ಟಿ-20 ವಿಶ್ವಕಪ್ ಪ್ರಶಸ್ತಿ ಗೆದ್ದು ಅಚ್ಚರಿ ಮೂಡಿಸಿದ್ದರು. ಬಳಿಕ 2011ರ ಏಕದಿನ ವಿಶ್ವಕಪ್ ಫೈನಲ್ ನಲ್ಲಿ ಅದ್ಭುತ ಆಟವನ್ನಾಡಿ ಭಾರತಕ್ಕೆ 28 ವರ್ಷಗಳ ಬಳಿಕ ವಿಶ್ವಕಪ್ ಗೆಲ್ಲಿಸಿಕೊಟ್ಟರು. 2013ರ ಐಸಿಸಿ ಚಾಂಪಿಯನ್ಸ್ ಟ್ರೋಫಿಯನ್ನು ಗೆದ್ದುಕೊಂಡಿದ್ದರು.
ಮಹೇಂದ್ರ ಸಿಂಗ್ ಧೋನಿ ನಾಯಕತ್ವದಲ್ಲಿ ಟೀಮ್ ಇಂಡಿಯಾ ಟೆಸ್ಟ್ ಕ್ರಿಕೆಟ್ ನಲ್ಲೂ ನಂಬರ್ ವನ್ ಸ್ಥಾನಕ್ಕೇರಿತ್ತು.
ಒಟ್ಟಿನಲ್ಲಿ ಮಹೇಂದ್ರ ಸಿಂಗ್ ಧೋನಿ ವಿಶ್ವ ಕ್ರಿಕೆಟ್ ನಲ್ಲಿ ಟೀಮ್ ಇಂಡಿಯಾವನ್ನು ಛಾಪು ಮೂಡಿಸುವಂತೆ ಮಾಡಿದ್ದರು. ಅವರ ಪ್ರತಿ ಹೆಜ್ಜೆ ಗುರುತುಗಳು ಕ್ರಿಕೆಟ್ ಅಭಿಮಾನಿಗಳ ಮನದಲ್ಲಿ ಸದಾ ನೆನಪಿನಲ್ಲಿರುತ್ತದೆ. ಹ್ಯಾಪಿ ಬರ್ತ್ ಡೇ ಧೋನಿ..! happy birthday mahendra singh dhoni