ಇಂಡಿಯನ್ ಪ್ರೀಮಿಯರ್ ಲೀಗ್(ಐಪಿಎಲ್) ಫ್ರಾಂಚೈಸಿಯಾಗಿರುವ ಸನ್ರೈಸರ್ಸ್ ಹೈದ್ರಾಬಾದ್(ಎಸ್ಆರ್ಎಚ್) ತಂಡದ ಹೊಸ ಹೆಡ್ ಕೋಚ್ ಆಗಿ ನ್ಯೂಜಿ಼ಲೆಂಡ್ನ ಮಾಜಿ ಕ್ರಿಕೆಟಿಗ ಡೆನಿಯಲ್ ವೆಟ್ಟೋರಿ ಅವರನ್ನ ನಿಯೋಜನೆಗೊಂಡಿದ್ದಾರೆ.
ಈ ಹಿಂದೆ ವೆಸ್ಟ್ ಇಂಡೀಸ್ ತಂಡದ ಬ್ಯಾಟಿಂಗ್ ದಿಗ್ಗಜ ಬ್ರಿಯಾನ್ ಲಾರಾ, ಹೈದ್ರಾಬಾದ್ ತಂಡದ ಹೆಡ್ ಕೋಚ್ ಆಗಿ ಕಾರ್ಯನಿರ್ವಹಿಸುತ್ತಿದ್ದರು. ಆದರೆ ಇವರನ್ನ ಬದಲಿಸುವ ನಿರ್ಧಾರ ಕೈಗೊಂಡಿರುವ ಸನ್ರೈಸರ್ಸ್ ಫ್ರಾಂಚೈಸಿ, ಲಾರಾ ಅವರ ಸ್ಥಾನಕ್ಕೆ ವೆಟ್ಟೋರಿ ಅವರನ್ನ ನೇಮಿಸಿದೆ. ಸದ್ಯ ಡೆನಿಯಲ್ ವೆಟ್ಟೋರಿ, ಆಸ್ಟ್ರೇಲಿಯಾ ಪುರುಷ ತಂಡದ ಸಹಾಯಕ ಕೋಚ್ ಆಗಿದ್ದಾರೆ. ಅಲ್ಲದೇ ಐಪಿಎಲ್ನಲ್ಲಿ ಈ ಮೊದಲ ರಾಯಲ್ ಚಾಲೆಂಜರ್ಸ್ ಬೆಂಗಳೂರು(ಆರ್ಸಿಬಿ) ತಂಡದ ಕೋಚ್ ಆಗಿದ್ದರು.
🚨Announcement🚨
Kiwi legend Daniel Vettori joins the #OrangeArmy as Head Coach🧡
Welcome, coach! 🔥 pic.twitter.com/2wXd8B1T86
— SunRisers Hyderabad (@SunRisers) August 7, 2023
ಬ್ರಿಯಾನ್ ಲಾರಾ ಅವರು 2022ರಲ್ಲಿ ಹೈದ್ರಾಬಾದ್ ತಂಡದ ಹೆಡ್ ಕೋಚ್ ಆಗಿ ನೇಮಕವಾಗುವ ಮೊದಲು ಅದೇ ತಂಡದ ಬ್ಯಾಟಿಂಗ್ ಕೋಚ್ ಆಗಿದ್ದರು. ಆದರೆ 2023ರ ಆವೃತ್ತಿಯಲ್ಲಿ ನಿರೀಕ್ಷಿತ ಪ್ರದರ್ಶನ ನೀಡದ ಸನ್ರೈಸರ್ಸ್, ಲಾರಾ ಅವರ ತರಬೇತಿಯಲ್ಲಿ ಆಡಿದ 14 ಪಂದ್ಯಗಳಲ್ಲಿ ಕೇವಲ 4 ಗೆಲುವಿನೊಂದಿಗೆ ಅಂಕಪಟ್ಟಿಯಲ್ಲಿ 10ನೇ ಸ್ಥಾನ ಪಡೆದುಕೊಂಡಿತ್ತು.
As our 2 year association with Brian Lara comes to an end, we bid adieu to him 🧡
Thank you for the contributions to the Sunrisers. We wish you all the best for your future endeavours 🙌 pic.twitter.com/nEp95pNznT
— SunRisers Hyderabad (@SunRisers) August 7, 2023
“ಬ್ರಿಯಾನ್ ಲಾರಾ ಅವರೊಂದಿಗಿನ ಎರಡು ವರ್ಷಗಳ ಒಪ್ಪಂದ ಮುಗಿದ ಹಿನ್ನೆಲೆಯಲ್ಲಿ ನಾವು ಅವರಿಗೆ ವಿದಾಯ ಹೇಳುತ್ತಿದ್ದೇವೆ. ಸನ್ರೈಸರ್ಸ್ಗೆ ನೀಡಿದ ಕೊಡುಗೆಗಳಿಗೆ ಧನ್ಯವಾದಗಳು, ನಿಮ್ಮ ಮುಂದಿನ ಭವಿಷ್ಯಕ್ಕೆ ನಾವು ಶುಭ ಹಾರೈಸುತ್ತೇವೆ” ಎಂದು ಲಾರಾ ಅವರಿಗೆ ವಿದಾಯ ಹೇಳುವ ಮೂಲಕ ಎಸ್ಆರ್ಎಚ್ ಫ್ರಾಂಚೈಸಿ ತನ್ನ ಅಧಿಕೃತ ಖಾತೆಯಲ್ಲಿ ಟ್ವೀಟ್ ಮಾಡಿದೆ.
IPL 2024, SunRisers Hyderabad, Daniel Vettori, Brian Lara