IPL 2022 ರೋಚಕತೆ ಹೆಚ್ಚಿಸುತ್ತಿದೆ. ಮುಂಬೈ ಇಂಡಿಯನ್ಸ್ನ ಸ್ಟಾರ್ ಬೌಲರ್ ಜಸ್ಪ್ರೀತ್ ಬುಮ್ರಾ ಅವರು ಬುಧವಾರ ಪಂಜಾಬ್ ಕಿಂಗ್ಸ್ ವಿರುದ್ಧ ಅದ್ಭುತ ಬೌಲಿಂಗ್ ಮಾಡಿದರು ಈ ಎಸೆತವನ್ನು ನೋಡಿದ, ಅಭಿಮಾನಿಗಳು ಅಚ್ಚರಿ ಪಟ್ಟರು.
ಬುಮ್ರಾ ಅವರು 140 KMPH ವೇಗದಲ್ಲಿ ಉತ್ತಮ ಯಾರ್ಕರ್ ಎದುರಿಸುವಲ್ಲಿ ಪಂಜಾಬ್ನ ಲಿಯಾಮ್ ಲಿವಿಂಗ್ಸ್ಟನ್ ವಿಫಲರಾದರು. ಅಲ್ಲದೆ ಲಿಯಾಮ್ ಕ್ಲೀನ್ ಬೌಲ್ಡ್ ಮಾಡಿದರು.
ಈ ಪಂದ್ಯಕ್ಕೂ ಮೊದಲು ಬುಮ್ರಾ ಈ ಋತುವಿನಲ್ಲಿ ಲಯದಲ್ಲಿ ಕಂಡಿರಲಿಲ್ಲ. ಅವರು ನಾಲ್ಕು ಪಂದ್ಯಗಳಲ್ಲಿ ಕೇವಲ 3 ವಿಕೆಟ್ ಪಡೆದಿದ್ದರು. ಅವರ ಏಕನಾಮಿ 8.16 ಆಗಿತ್ತು. ಐಪಿಎಲ್ನಲ್ಲಿ ಬುಮ್ರಾ ಅವರ ವೃತ್ತಿಜೀವನದ ಏಕನಾಮಿ 7.44 ಆಗಿದೆ. ಈ ಅಂಕಿಅಂಶಗಳಿಂದ ಬುಮ್ರಾ ವಿಕೆಟ್ ಬೇಟೆ ಹಾಗೂ ರನ್ ಗಳಿಗೆ ಕಡಿವಾಣ ಹಾಕುವಲ್ಲಿ ವಿಫಲರಾಗುತ್ತಿದ್ದಾರೆ ಎಂದು ಸ್ಪಷ್ಟವಾಗಿದೆ. ಆದರೆ, ಪಂಜಾಬ್ ವಿರುದ್ಧದ ಪಂದ್ಯದಲ್ಲಿ ಅವರು ಖಂಡಿತವಾಗಿಯೂ ತಮ್ಮ ಹಳೆಯ ಖದರ್ ನಲ್ಲಿ ಕಂಡು ಬಂದರು. ಈ ಪಂದ್ಯದಲ್ಲಿ ಅವರು 4 ಓವರ್ಗಳಲ್ಲಿ ಕೇವಲ 28 ರನ್ ನೀಡಿ 1 ವಿಕೆಟ್ ಪಡೆದರು.
ಬುಮ್ರಾ ಉತ್ತಮವಾಗಿ ಬೌಲಿಂಗ್ ಮಾಡಿದರು. ಆದರೆ ಇತರ ಮುಂಬೈ ಬೌಲರ್ಗಳು ಉತ್ತಮ ಪ್ರದರ್ಶನವನ್ನು ತೋರಿಸಲು ಸಾಧ್ಯವಾಗಲಿಲ್ಲ. ಪಂಜಾಬ್ 20 ಓವರ್ಗಳಲ್ಲಿ 5 ವಿಕೆಟ್ಗೆ 198 ರನ್ ಗಳಿಸಿತು. ಪಂಜಾಬ್ ಪರ ಆರಂಭಿಕ ಆಟಗಾರ ಮಯಾಂಕ್ ಅಗರ್ವಾಲ್ 32 ಎಸೆತಗಳಲ್ಲಿ 52 ಮತ್ತು ಶಿಖರ್ ಧವನ್ 50 ಎಸೆತಗಳಲ್ಲಿ 70 ರನ್ ಗಳಿಸಿದರು. ಜಾನಿ ಬೈರ್ಸ್ಟೋವ್ (12) ಮತ್ತು ಲಿಯಾಮ್ ಲಿವಿಂಗ್ಸ್ಟನ್ (2) ವಿಫಲರಾದರು.