ವಿಶ್ವ ಟೆಸ್ಟ್ ನಲ್ ಪಂದ್ಯ ವಿಶ್ವಕಪ್ ಫೈನಲ್ಗೆ ಸಮ. ಟೆಸ್ಟ್ ಕ್ರಿಕೆಟ್ನಲ್ಲಿ ಐಸಿಸಿ 2002ರಿಂದ ರಾಂಕಿಂಗ್ನಲ್ಲಿ ಅಗ್ರಸ್ಥಾನ ಪಡೆಯುವ ತಂಡಕ್ಕೆ 2019ರವರೆಗೆ ವಾರ್ಷಿಕವಾಗಿ ಟ್ರೋಫಿ ನೀಡುತ್ತಾ ಬಂದಿದೆ.
2019ರಿಂದ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಅಳವಾಡಿಸಲಾಗಿದ್ದು 9 ತಂಡಗಳು ಎರಡು ವರ್ಷಗಳ ಕಾಲ ಪ್ರಶಸ್ತಿಗಾಗಿ ಹೋರಾಡುತ್ತಾ ಬಂದಿವೆ. ಅಗ್ರ ಎರಡು ತಂಡಗಳು ಫೈನಲ್ ತಲುಪಲಿವೆ.
ವಿಶ್ವ ಟೆಸ್ಟ್ ಫೈನಲ್ಗೆ ಯಾವ ಚೆಂಡು ?
ವಿಶ್ವ ಟೆಸ್ಟ್ ಫೈನಲ್ನಲ್ಲಿ ಡ್ಯೂಕ್ ಚೆಂಡಿನಲ್ಲಿ ಭಾರತ ಮತ್ತು ಆಸ್ಟ್ರೇಲಿಯಾ ತಂಡಗಳು ಆಡಲಿವೆ. ಇಂಗ್ಲೆಂಡ್, ಐರ್ಲೆಂಡ್ ಮತ್ತು ವೆಸ್ಟ್ಇಂಡೀಸ್ನಲ್ಲಿ ಡ್ಯೂಕ್ ಚೆಂಡಗಳನ್ನು ಬಳಕೆಯಲ್ಲಿವೆ.
ಡ್ರಾ ಅಥವಾ ಟೈ ಆದರೆ ಫಲಿತಾಂಶ ಏನು ?
ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ವಿಶ್ವ ಟೆಸ್ಟ್ ಫೈನಲ್ ಡ್ರಾನಲ್ಲಿ ಅಂತ್ಯ ಕಂಡರೇ ಉಭಯ ತಂಡಗಳು ಪ್ರಶಸ್ತಿಯನ್ನು ಹಂಚಿಕೊಳ್ಳಲಿವೆ.
ಫೈನಲ್ ಪಂದ್ಯ ಒವೆಲ್ನಲ್ಲಿ ಯಾಕೆ ?
ಪ್ರಾಯೋಜತ್ವ ದೃಷ್ಟಿಯಿಂದ ಐಸಿಸಿ ಸ್ವಚ್ಛತೆಯಿಂದ ಕೂಡಿರುವ ಸ್ಥಳವನ್ನು ಆಯ್ಕೆ ಮಾಡಿದೆ. ಐತಿಹಾಸಿಕ ಲಾಡ್ರ್ಸ್ ಅಂಗಳ ಆತಿಥ್ಯ ವಹಿಸಲು ಅಸಮರ್ಥವಾಗಿದ್ದ ಕಾರಣ ಫೈನಲ್ ಆಡಿಸುತ್ತಿಲ್ಲ. 2019-21ರಲ್ಲಿ ವಿಶ್ವ ಟೆಸ್ಟ್ ಫೈನಲ್ ಆಡಿಸಬೇಕಿತ್ತು. ಆದರೆ ಕರೋನಾ ಹಿನ್ನೆಲೆಯಲ್ಲಿ ಸೌಥಾಂಪ್ಟನ್ಗೆ ವರ್ಗಾಹಿಸಲಾಯಿತು.
ಫೈನಲ್ ಟೆಸ್ಟ್ನ ಆರನೆ ದಿನ ಏನು ?
ವಿಶ್ವ ಟೆಸ್ಟ್ ಫೈನಲ್ಗೆ ಮೀಸಲು ದಿನ ನಿಗದಿ ಮಾಡಲಾಗಿದೆ.ನಿಗದಿತ ಐದು ದಿನಗಳಲ್ಲಿ ಮಳೆ ಅಥವಾ ಹವಾಮಾನ ವೈಪರೀತ್ಯ ಕಂಡು ಬಂದಲ್ಲಿ ಮಾತ್ರ ಆರನೆ ದಿನ ಆಟ ಮುಮದುವರೆಸಲಾಗುತ್ತದೆ. 2019-21ರ ಚೊಚ್ಚಲ ವಿಶ್ವ ಟೆಸ್ಟ್ ಫೈನಲ್ನ ಮೊದಲ ದಿನ ಮಳೆ ಬಂದಿತ್ತು. ಪಂದ್ಯ ಮೀಸಲು ದಿನದವರೆಗೂ ಹೋಗಿತ್ತು.
ಓವೆಲ್ನಲ್ಲೇ ಹೇಗಿದೆ ಹವಾಮಾನ ?
ಪಂದ್ಯ ಆರಂಭವಾಗುವ ಮೂರು ಮೂರು ದಿನ ಹಾಗೂ ಐದನೆ ದಿನ ಬಿಸಿಲು ಇರಲಿದೆ. ನಾಲ್ಕನೆ ದಿನ ಮಧ್ಯಾಹ್ನ ಮಳೆ ಬರುವ ಸಾಧ್ಯಯತೆ ಇದೆ. ಮೀಸಲು ದಿನ ಆಡುವ ಸಾಧ್ಯತೆ ಇದ್ದು ಬಿಸಿಲು ಇರಲಿದೆ ಎಂದು ತಿಳಿದು ಬಂದಿದೆ.
ಉಭಯ ತಂಡಗಳಿಗೆ ಗಾಯದ ಸಮಸ್ಯೆ
ವಿಶ್ವ ಟೆಸ್ಟ್ ಫೈನಲ್ ಆಡುತ್ತಿರುವ ಭಾರತ ಮತ್ತು ಆಸ್ಟ್ರೇಲಿಯಾ ತಂಡಗಳು ಗಾಯದ ಸಮಸ್ಯೆಗೆ ಗುರಿಯಾಗಿವೆ. ಭಾರತ ತಂಡದ ರಿಷಬ್ ಪಂತ್, ಜಸ್ಪ್ರೀತ್ ಬುಮ್ರಾ, ಕೆ.ಎಲ್.ರಾಹುಲ್ ಮತ್ತು ಶ್ರೇಯಸ್ ಅಯ್ಯರ್ ಪ್ರಮುಖ ಆಟಗಾರರು ಆಡುತ್ತಿಲ್ಲ. ಆಸ್ಟ್ರೇಲಿಯಾ ತಂಡದ ಪ್ರಮುಖ ವೇಗಿ ಜೋಶ್ ಹೇಜಲ್ವುಡ್ ಐಪಿಎಲ್ ವೇಳೆ ಗಾಯಗೊಂಡು ಹೊರ ನಡೆದಿದ್ದಾರೆ.
ಅಂತಿಮ ಕದನಕ್ಕೆ ಹೇಗಿ ತಯಾರಿ ?
ವಿಶ್ವ ಟೆಸ್ಟ್ ಫೈನಲ್ ಗೆಲ್ಲಲು ಭಾರತ ತಂಡ ಒಂದು ವಾರದಿಂದ ಸಸ್ಸೆಕ್ಸ್ನ ಅರುಣ್ಡೆಲ್ ಮೈದಾನದಲ್ಲಿ ಅಭ್ಯಾಸ ಮಾಡಿದೆ. ಭಾರತೀಯ ಆಟಗಾರರು ಗುಂಪು ಗುಂಪುಗಳಾಗಿ ಆಂಗ್ಲರ ನಾಡಿಗೆ ಬಂದಿದ್ದಾರೆ. ಚೇತೇಶ್ವರ ಪೂಜಾರ ಕೌಂಟಿ ಕ್ರಿಕೆಟ್ ಆಡಿ ಸಜ್ಜಾಗಿದ್ದಾರೆ.
ಆಸಿಸ್ ತಂಡ ಬಹುತೇಕ ಆಟಗಾರರು ಐಪಿಎಲ್ ಆಡಿ ಬಂದಿದ್ದಾರೆ. ಸ್ಟೀವ್ ಸ್ಮಿತ್, ಮಾರ್ನಸ್ ಲ್ಯಾಬುಶೈನ್,ನೆಸ್ಸರ್ ಕೌಂಟಿ ಕ್ರಿಕೆಟ್ ಆಡಿ ಅಭ್ಯಾಸ ಮಾಡಿದ್ದಾರೆ.ಆಸ್ಟ್ರೇಲಿಯಾ ತಂಡ ಬೆಕ್ಕೆನ್ಹ್ಯಾಮ್ನಲ್ಲಿ ಮೂರು ದಿನಗಳ ಕಠಿಣ ಅಭ್ಯಾಸ ಮಾಡಿದೆ.