ಲೈಂಗಿಕ ಕಿರುಕುಳ ಆರೋಪ ಎದುರಿಸುತ್ತಿರುವ ರೆಸ್ಲಿಂಗ್ ಫೆಡರೇಶನ್ ಅಧ್ಯಕ್ಷ ಬ್ರಿಜ್ ಭೂಷಣ್ ಶರಣ್ ಸಿಂಗ್ ಸುಳ್ಳು ಪತ್ತೆ ಪರೀಕ್ಷೆಗೆ (ನಾರ್ಕೊ ಪರೀಕ್ಷೆ) ಒಳಪಡಿಸಲು ಆಗ್ರಹಿಸಿದ್ದಾರೆ.
ತಾರಾ ಕುಸ್ತಿಪಟುಗಳಾದ ಬಜರಂಗ್ ಪುನಿಯಾ ಸಾಕ್ಷಿ ಮಲ್ಲಿಕ್ ಮತ್ತು ವಿನೀಶ್ ಪೋಗಟ್ ಜಂತರ್ ಮಂತರ್ನಲ್ಲಿ ಪ್ರತಿಭಟನೆ ಮುಂದುವರೆಸಿದ್ದಾರೆ.
ರೆಸ್ಲಿಂಗ್ ಫೆಡರೇಶನ್ ಅಧ್ಯಕ್ಷರ ಪರ ಯಾರೆಲ್ಲಾ ಮಾತನಾಡುತ್ತಿದ್ದಾರೆ ಅವರೆಲ್ಲಾ ಸುಳ್ಳು ಹೇಳುತ್ತಿದ್ದಾರೆ. ಬ್ರಿಜ್ ಭೂಷಣ್ ನಾರ್ಕೊ ಪರೀಕ್ಷೆಗೆ ಒಳಪಡಲೇಬೇಕು ಎಂದು 2016ರ ರಿಯೋ ಒಲಿಂಪಿಕ್ಸ್ ಕಂಚಿನ ಪದಕ ವಿಜೇತೆ ಸಾಕ್ಷಿ ಮಲ್ಲಿಕ್ ಒತ್ತಾಯಿಸಿದ್ದಾರೆ.
ಕಾನೂನು ಪ್ರಕಾರ ನಾರ್ಕೊ ಪರೀಕ್ಷೆ ಹೇಗೆ ಮಾಡುತ್ತಾರೆ ಅನ್ನೋದು ಗೊತ್ತಿಲ್ಲ . ಆದರೆ ಯಾರೆಲ್ಲಾ ತಪ್ಪು ಮಾಡುತ್ತಾರೆ ಅವರನ್ನು ನೇಣು ಹಾಕಿ ಎಂದು ಸಾಕ್ಷಿ ಹೇಳಿದರು.
ಕುಸ್ತಿಪಟುಗಳ ಪ್ರತಿಭಟನೆ ರಾಷ್ಟ್ರೀಯ ಸ್ಪರ್ಧೇಗಳ ವಿರುದ್ಧ ಅಲ್ಲಘಿ. ಸ್ಪರ್ಧೆಗಳು ಭಾರತೀಯ ಒಲಿಂಪಿಕ್ಸ್ ಅಸೋಸಿಯೇಷನ್ ಹಾಗೂ ಆ್ಯಡ್ ಹಾಕ್ ಸಮಿತಿ ಉಸ್ತುವಾರಿಯಲ್ಲಿ ನಡೆಯುತ್ತಿದ್ದು ಇದನ್ನ ಸ್ವಾಗತಿಸುತ್ತೇನೆ ಎಂದು ಕುಸ್ತಿಪಟು ಬಜರಂಗ್ ಪುನಿಯಾ ಹೇಳಿದರು.
ದೆಹಲಿ ನ್ಯಾಯಾಲಯ ನೋಟಿಸ್
ಕುಸ್ತಿ ಫೆಡರೇಶನ್ ವಿರುದ್ಧ ಕೇಳಿ ಬಂದಿರುವ ಲೈಂಗಿಕ ಆರೋಪಕ್ಕೆ ಸಂಬಂಧಿಸಿದಂತೆ ದೆಹಲಿ ಕೋರ್ಟ್ ಪೊಲೀಸರಿಂದ ಮಾಹಿತಿ ಪಡೆದಿದೆ. ಕುಸ್ತಿಪಟುಗಳು ಅರ್ಜಿ ಸಲ್ಲಿಸಿದ ಹಿನ್ನೆಲೆಯಲ್ಲಿ ದೆಹಲಿ ನ್ಯಾಯಾಲಯ ಪೊಲೀಸರಿಗೆ ನೋಟೀಸ್ ಜಾರಿ ಮಾಡಿದೆ. ಮೇ12ರೊಳಗೆ ವರದಿ ನೀಡುವಂತೆ ಸೂಚಿಸಿದೆ.
ಕುಸ್ತಿಪಟುಗಳಿಗೆ ಭಾರೀ ಬೆಂಬಲ
ಭಾರತೀಯ ಕಿಸಾನ್ ಯೂನಿಯನ್ ಮತ್ತು ಹಲವಾರು ಖಾಪ್ ಪಂಚಾಯತ್ಗಳು ಕುಸ್ತಿಪಟುಗಳಿಗೆ ಒಳ್ಳೆಯ ಬೆಂಬಲ ನೀಡಿವೆ. ಪೆÇಲೀಸರು ಬ್ಯಾರಿಕೇಡ್ ಹಾಕಿ ನಿರ್ಬಂಧ ಹೇರಿದ ಹೊರತಾಗಿಯೂ ರೈತರು ಹೆಚ್ಚಿನ ಸಂಖ್ಯೆಯಲ್ಲಿ ಬಂದು ಬೆಂಬಲ ನೀಡಿದ್ದಾರೆ.
ಉ.ಪ್ರದೇಶದಲ್ಲಿ ಕುಸ್ತಿ ಚಟುವಟಿಕೆ ನಡೆಯಬಾರದು
ರಾಷ್ಟ್ರೀಯ ಕ್ಯಾಂಪ್ಗಳು, ಟ್ರಯಲ್ಸ್ ಮತ್ತು ಸ್ಪರ್ಧೆಗಳು ಉತ್ತರ ಪ್ರದೇಶದ ಹೊರಗೆ ನಡೆಯಬೇಕೆಂದು ಕುಸ್ತಿಪಟು ವಿನೀಶ್ ಪೋಗಟ್ ತಿಳಿಸಿದ್ದಾರೆ. ರೆಸ್ಲಿಂಗ್ ಅಧ್ಯಕ್ಷರ ತವರು ಉತ್ತರ ಪ್ರದೇಶ ಆಗಿರುವುದರಿಂದ ಇಲ್ಲಿ ಯಾವುದೇ ಕುಸ್ತಿ ಚಟುವಟಿಕೆಗಳು ನಡೆಯಬಾರದೆಂದು ಹೇಳಿದ್ದಾರೆ.