ಆಕ್ರಮಣಕಾರಿ ಬೌಲಿಂಗ್‌(ನಿಂದ ನೆದರ್ಲೆಂಡ್‌(Netherlands) ತಂಡವನ್ನ ಅಲ್ಪಮೊತ್ತಕ್ಕೆ ಕಟ್ಟಿಹಾಕಿರುವ ಪಾಕಿಸ್ತಾನ(Pakistan) T20 ವಿಶ್ವಕಪ್‌ ಟೂರ್ನಿಯ ಮೊದಲ ಗೆಲುವು ಸಾಧಿಸುವ ತವಕದಲ್ಲಿದೆ.
ಪರ್ತ್‌ನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್‌ ಗೆದ್ದ ನೆದರ್ಲೆಂಡ್‌ ಬ್ಯಾಟಿಂಗ್‌ ಆಯ್ಕೆ ಮಾಡಿಕೊಂಡಿತು. ಆದರೆ ಪಾಕಿಸ್ತಾನದ ಬಲಿಷ್ಠ ಬೌಲಿಂಗ್‌ ದಾಳಿಯನ್ನ ಸಮರ್ಥವಾಗಿ ಎದುರಿಸುವಲ್ಲಿ ವಿಫಲವಾದ ಐರ್ಲೆಂಡ್‌ 20 ಓವರ್‌ಗಳಲ್ಲಿ 9 ವಿಕೆಟ್‌ಗೆ ಕೇವಲ 91 ರನ್‌ಗಳ ಸಾಧಾರಣ ಮೊತ್ತ ಕಲೆಹಾಕಿದೆ.
ನೆದರ್ಲೆಂಡ್‌ ಪರ ಆರಂಭಿಕರಾಗಿ ಕಣಕ್ಕಿಳಿದ ಸ್ಟೀಫನ್‌ ಮೆಬರ್ಗ್‌(6) ಮತ್ತು ಮ್ಯಾಕ್ಸ್‌ ಓಡೌಡ್‌(8) ಬಹುಬೇಗನೆ ವಿಕೆಟ್ ಒಪ್ಪಿಸಿದರು. ನಂತರ ಬಂದ ಬಾಸ್‌ ಡಿಲೀಡೆ(6) ಹಾಗೂ ಟಾಮ್‌ ಕೂಪರ್‌(1) ರನ್‌ಗಳಿವಿ ಪೆವಿಲಿಯನ್‌ ಸೇರಿದರು. ಮಧ್ಯಮ ಕ್ರಮಾಂಕದಲ್ಲಿ ಬಂದ ಕಾಲಿನ್‌ ಆಕ್ರೊಮನ್‌(27) ಹಾಗೂ ಸ್ಕಾಟ್‌ ಎಡ್ವರ್ಡ್ಸ್‌(15) ಉಪಯುಕ್ತ ರನ್‌ಗಳಿಸಿದ್ದು ಬಿಟ್ಟರೆ ಉಳಿದ ಆಟಗಾರರಿಂದ ಜವಾಬ್ದಾರಿಯ ಪ್ರದರ್ಶನ ಹೊರಬರಲಿಲ್ಲ. ಪರಿಣಾಮ ಐರ್ಲೆಂಡ್‌ 20 ಓವರ್‌ಗಳಲ್ಲಿ ಕೇವಲ 91 ರನ್‌ಗಳಿಸಲಷ್ಟೇ ಶಕ್ತವಾಯಿತು.
ಪಾಕ್‌ ಪರ ಬೌಲರ್‌ಗಳು ಸಂಘಟಿತ ಪ್ರದರ್ಶನ ನೀಡಿದರು. ಶದಾಬ್‌ ಖಾನ್‌(22/3) ಅದ್ಭುತ ಬೌಲಿಂಗ್‌ ದಾಳಿ ನಡೆಸಿದರೆ. ಮೊಹಮ್ಮದ್‌ ವಾಸಿಂ ಜೂನಿಯರ್‌(15/2) ಉತ್ತಮ ಸಾಥ್‌ ನೀಡಿದರು. ಉಳಿದಂತೆ ಶಾಹಿನ್‌ ಅಫ್ರಿದಿ, ನಸೀಮ್‌ ಶಾ ಹಾಗೂ ಹ್ಯಾರಿಸ್‌ ರಾಫ್‌ ತಲಾ 1 ವಿಕೆಟ್ ಪಡೆದರು. ಈ ಪ್ರದರ್ಶನದೊಂದಿಗೆ ಪಂದ್ಯದ ಮೇಲೆ ಹಿಡಿತ ಸಾಧಿಸಿರುವ ಪಾಕಿಸ್ತಾನ ಸೂಪರ್‌-12 ಹಂತದ ತನ್ನ 3ನೇ ಪಂದ್ಯದಲ್ಲಿ ನೆದರ್ಲೆಂಡ್‌ ವಿರುದ್ಧ ಮೊದಲ ಗೆಲುವು ಸಾಧಿಸುವ ನಿರೀಕ್ಷೆಯಲ್ಲಿದೆ.
